ឈឺចាប់

Thursday, January 2, 2014

CEO ដែលល្វីងមុខបំផុតទាំង ៥ប្រចាំឆ្នាំ២០១៣

ចុងឆ្នាំនេះគឺជាពេលវេលាមួយដ៏ល្អ ក្នុងការរំលឹករឿងរ៉ាវរបស់ថ្នាក់ដឹកនាំក្រុមហ៊ុនបច្ចេកវិទ្យាល្បីៗ រយៈពេលពេញមួយឆ្នាំ។ តើក្នុងឆ្នាំ២០១៣ នេះ នាយកប្រតិបត្តិ (CEO) ណាខ្លះដក់ជាប់នូវអនុស្សាវរីយមិនបំភ្លេចបានដោយសារ កាន់តួនាទីមិនបានល្អ ធ្វើឱ្យក្រុមហ៊ុនធ្លាក់ចុះមិនសមប្រកប?

៥. លោក Ballmer នាយកប្រតិបត្តិក្រុមហ៊ុន Microsoft ដែលត្រៀមខ្លួនចូលនិវត្តន៍នៅឆ្នាំ ២០១៤ ក្រោយនេះ៖
អត្ថបទ៖ Steve Ballmer ថ្លែងសុន្ទរកថាលា Microsoft យ៉ាងអាល័យជាមួយទឹកភ្នែករលីងរលោង

អត្ថបទ៖ ឫសគល់នាំឱ្យ Steve Ballmer លាលែងតំណែងជា CEO នៅ Microsoft

- លោក Steve Ballmer បានឡើងកាន់តំណែងជានាយកប្រតិបត្តិ Microsoft ស្នងពីលោក Bill Gate ចាប់តាំងពីឆ្នាំ២០០០។ ក្រោមការដឹកនាំរបស់លោក Ballmer បានធ្វើឱ្យក្រុមហ៊ុនមានការផ្លាស់ប្ដូរពីក្រុមហ៊ុនឯកទេសផលិត PC ទៅជាផ្ដោតយកចិត្តទុកដាក់ផលិត Smartphone និង Tablet ទៅវិញ។

- ខកខានឱកាសបង្ហាញឧបករណ៍ចាក់តន្ត្រីដែលអាចនាំឱ្យក្រុមហ៊ុនរឹតតែជោគជ័យនោះគឺ Zune Media Playser។

- បាត់ឱកាសល្អក្នុងការប្រកួតប្រជែងសេវាកម្មស្វែងរុករក Bing របស់ខ្លួនជាមួយ Google Search Engine។

- បរាជ័យក្នុងការវាតទីទីផ្សារនៅតាមបណ្ដាប្រទេសដែលមានការលូតលាស់ ខ្លាំងផ្នែកបច្ចេកវិទ្យាដូចជា ប្រទេសចិន ឥណ្ឌា រុស្សី និងប្រេស៊ីល។

- ក្រោមការដឹកនាំក្រុមហ៊ុនរបស់លោក Ballmer នៅឆ្នាំ ២០១៣នេះ បានធ្វើឱ្យហ៊ុនរបស់ Microsoft ធ្លាយចុះអស់ ៣៦%។

៤. លោក Thorsten Heins អតីតនាយកក្រុមហ៊ុន BlackBerry ដែលបានចុះចេញពីតំណែងនៅខែវិច្ឆិកា៖
អត្ថបទ៖ BlackBerry ចុះកិច្ចព្រមព្រៀងលក់ឱ្យ Fairfax ហើយដាក់ CEO ស្ដីទីជំនួស

- ក្រោមការដឹកនាំរបស់លោក Heins ក្រុមហ៊ុនទូរសព្ទកាណាដាដែលពីមុនមានឈ្មោះ Research in Motion នៅរយៈពេល ៤ឆ្នាំចុងក្រោយនេះ ចំណែកទីផ្សារ Smartphone ពុំមានភាពល្អប្រសើរទាល់តែសោះ គឺមានតែស្រកចុះអស់ស្ទើរពាក់កណ្ដាលទៅវិញ។

- សង្ឃឹមខ្លាំងលើសមិទ្ធផល Smartphone ដំណើរការដោយ BlackBerry 10 OS តែចុងក្រោយស្ងាត់ដូចចោរលួចសេះ។ ក្រុមអ្នករិះគន់បាននិយាយថា សម័យនេះទៅហើយ BlackBerry នៅប្រើបច្ចេកវិទ្យាកាលពីពីរឆ្នាំមុនទៀត។

- ក្រុមហ៊ុនខាត ១ពាន់លានដុល្លារកាលពីត្រីមាសទី៣ ឆ្នាំ២០១៣ ហើយកាត់បន្ថយបុគ្គលិករាប់ពាន់នាក់។

- ដោយសារឡុងចុងខ្លាំងពេក រហូតលក់ក្រុមហ៊ុនឱ្យទៅម្ចាស់ភាគហ៊ុន BlackBerry គឺ Fairfax Finalcial Holding ក្នុងទឹកប្រាក់ ៤,៧ពាន់លានដុល្លារអាមេរិក។

- ភាគហ៊ុនធ្លាក់ចុះប្រហែល ៦០% ក្នុងអំឡុងពេលលោក Heins កាន់តំណែងរយៈពេល ២២ខែ។

៣. លោក Eddie Lampert ប្រធាននិងជានាយកប្រតិបត្តិក្រុមហ៊ុន Sears Holdings៖

- បានបណ្ដាក់ទុនលើផ្នែកបច្ចេកវិទ្យា និងកម្មវិធីសមាជិកភាព ប៉ុន្តែបរាជ័យក្នុងការវិនិយោគលើផ្នែកទីផ្សារ និងពង្រីកទីតាំងហាងលក់។

- ការលក់ផលិតផលបានធ្លាក់ចុះ ហើយបាត់ចំណេញអស់ ៨០០លានដុល្លារអាមេរិកនៅ ៣ត្រីមាសជាប់គ្នាដើមឆ្នាំ២០១៣។

- ក្រោមការដឹកនាំរបស់លោក Lampert ក្រុមហ៊ុនបានជំពាក់បំណុលរហូតជាង ៧ពាន់លានដុល្លារ។

- ជ្រើសរើសយុទ្ធសាស្ត្របរាជ័យ កាត់បន្ថយថ្លៃចំណាយរបស់ក្រុមហ៊ុន លក់ទ្រព្យសម្បត្តិក្រុមហ៊ុន ហើយទិញភាគហ៊ុនមកវិញ។

២. លោក Ronald Johnson អតីតនាយកប្រតិបត្តិ J.C. Penny ដែលចុះចេញពីតំណែងកាលពីខែមេសា៖

- លោក Johnson ដែលធ្លាប់ជាអតីតប្រធានផ្នែកពាណិជ្ជកម្មរបស់ Apple និងប្រធានផ្នែកប្រតិបត្តិការនៅក្រុមហ៊ុនលក់ទំនិញ Target បានបរាជ័យក្នុងការលើកស្ទួយហាងលក់ទំនិញ ដោយពុំសូវរកបានអតិថិជនច្រើន។

- បរាជ័យក្នុងការសាកល្បងលក់ទំនិញបញ្ចុះតម្លៃ តែជាចុងក្រោយលុបចោលកម្មវិធីបញ្ចុះតម្លៃវិញ ហើយថែមទាំងបញ្ឈប់ការផ្សព្វផ្សាយ ដើម្បីទទួលបានផលចំណេញច្រើន ធ្វើឱ្យអតិថិជនអស់ទំនុកចិត្ត។

- ក្រោមការដឹកនាំរបស់លោក Johnson ក្រុមហ៊ុនខាតបង់ផលចំណេញ។

- ភាគហ៊ុនធ្លាក់ចុះពី ៤២ដុល្លារ មកនៅត្រឹម ១៤ដុល្លារ ចុងក្រោយលោក Johnson សម្រេចចុះចេញពីតំណែង។

១. លោក Eike Batista ប្រធាន និងជានាយកប្រតិបត្តិការក្រុមហ៊ុន EBX Group៖

- ក្រោមការដឹកនាំរបស់លោក Batista បានធ្វើឱ្យម្ចាស់ភាគហ៊ុនក្រុមហ៊ុន EBX Group ទាំងអស់ខាតបង់អស់រាប់សិបពាន់លានដុល្លារ។ លោក Bastista បានដាក់ឈ្មោះក្រុមហ៊ុនបញ្ចប់ដោយអក្សរ “X” គឺចង់អះអាងថា ម្ចាស់ភាគហ៊ុននឹងទទួលបានប្រយោជន៍ទ្វេដង តែជាចុងក្រោយមិនដូច្នោះឡើយ។

- ក្រុមហ៊ុនប្រេង OGX ដែលជាសាច់ឈាមមួយក្នុងចំណោម ៦ក្រុមហ៊ុននៃ EBX Group បានក្ស័យធននៅខែតុលា បន្ទាប់ពីលោក Batista បរាជ័យធ្វើតាមសន្យាថា នឹងផលិតប្រេងឱ្យបាន ១០,៨ពាន់លានបារ៉ែលមិនបានសម្រេច។

- ដោយសារវាសនាក្រុមហ៊ុន OSX ពឹកផ្អែកលើ OGX ដូច្នេះ ១សប្ដាហ៍ក្រោយមក OSX ក៏បានក្ស័យធនជាបន្ត។ ក្រុមហ៊ុនដែលជាសាច់ឈាមរបស់ EBX Group ទាំងពីរ OGX និង OSX ជំពាក់បំណុលគេច្រើនជាងទ្រព្យសម្បត្តិដែលខ្លួនមានទៅទៀត។ ក្នុងរយៈពេល មួយឆ្នាំតម្លៃភាគហ៊ុនបានធ្លាក់ចុះអស់ ៩៥%។

- ក្នុងឆ្នាំ ២០១៣នេះ លោក Batista បាត់បង់ទ្រព្យផ្ទាល់ខ្លួនយ៉ាងច្រើនសន្ធឹកសន្ធាប់រហូតអស់ជាង ៣០ពាន់លានដុល្លារអាមេរិក។

- ការនេះបានធ្វើឱ្យថ្នាក់ដឹកនាំដទៃ បានស្ដីបន្ទោសដល់លោក Batista ថាខ្វះសមត្ថភាពដឹកនាំក្រុមហ៊ុន៕

សូមចុចអាន៖ សរុបព្រឹត្តិការណ៍ធំៗ ទាំងSW-HW ទំនើបៗប្រចាំ ២០១៣

ប្រែសម្រួល៖ ឈុន ហួរ
ប្រភព & រូបភាព៖ forbes

Tags: បុគ្គលបច្ចេកវិទ្យា, ព័ត៌មានបច្ចេកវិទ្យា

បច្ចេកវិទ្យាកំពូលទាំង ៦ ដែលបំពាក់លើទូរសព្ទក្នុងឆ្នាំ ២០១៣

ឆ្នាំ ២០១៣ មានការចាប់អារម្មណ៍ខ្លាំង សម្រាប់ការអភិវឌ្ឍនិងការនាំយកមកបច្ចេកវិទ្យាថ្មីៗបំពាក់ទៅលើទូរសព្ទស៊េរី ទំនើបៗ។ ក្រុមហ៊ុននានាបានខិតខំរិះរកគំនិតក្នុងការអភិវឌ្ឍបច្ចេកវិទ្យា ថ្មីៗសម្រាប់ប្រើប្រាស់នៅលើផលិតផលរបស់ខ្លួន ដើម្បីបំពេញតម្រូវការនិងរក្សាភាពឈានមុខលើគូប្រកួតប្រជែង។

តើមានបច្ចេកវិទ្យាដ៏គួរឲ្យចាប់អារម្មណ៍ណាខ្លះ ដែលគេយកទៅបំពាក់នៅលើទូរសព្ទស៊េរីទំនើបមួយចំនួនក្នុងឆ្នាំ ២០១៣ នេះ។
បច្ចេកវិទ្យាត្រាំទឹករបស់ Xperia Z Ultra
Xperia Z Ultra របស់ក្រុមហ៊ុន Sony ជាទូរសព្ទដ៏ទំនើប ដែលបានបង្ហាញរូបរាងជាផ្លូវការកាលពីកណ្ដាលឆ្នាំ ២០១៣។ Xperia Z Ultra លក្ខណៈពិសេសដ៏អស្ចារ្យបំផុតរបស់វាគឺអាចដាក់ចូលក្នុងទឹកកន្លះ ម៉ោងបានដោយគ្មានការព្រួយបារម្ភនិងគ្មានការខូចខាតអ្វីទាំងអស់ ។
Asha 501 ថាមពលកាន់ថ្មកាន់តែប្រសើរ
Asha 501 ជាទូរសព្ទធុនមធ្យមរបស់ Nokia ដែលបញ្ចេញលក់លើទីផ្សារក្នុងឆ្នាំ ២០១៣។ ទូរសព្ទនេះត្រូវគេល្បីថាមានថាមពលថ្មខ្លាំង អាចបើកចោលទុកចោលរហូតដល់ជាង ១ ខែ ដោយគ្មានបារម្ភពីការអស់ថាមពល។
ការថតរូបដោយប្រើសំឡេង
គ្រាន់តែនិយាយពាក្យ LG, Kimchi, Cheese, Smile ឬ Wisky ទូរសព្ទ Optimus L9 នឹងដំណើរការមុខងារកាមេរ៉ា ថតយករូបភាពដោយស្វ័យប្រវត្តិ។ បច្ចេកវិទ្យាថ្មីចុងក្រោយរបស់ក្រុមហ៊ុន LG ដែលបំពាក់លើ Optimus L9នេះ ផ្តល់ភាពងាយស្រួលដល់មនុស្សសម័យថ្មី ជាពិសេសក៏ធ្វើឲ្យមានការចាប់អារម្មណ៍ពីអ្នកនិយមប្រើទូរសព្ទ ទំនើបៗទូទាំងពិភពលោកនោះដែរ។
បច្ចេកវិទ្យា Fingerprint
Fingerprint ជាបច្ចេកវិទ្យាមួយដែលប្រើស្នាមម្រាមដៃសម្រាប់ log in ក្នុងទូរសព្ទ ដោយមិនចាំបាច់ចំណាយពេលវាយលេខសម្ងាត់។ iPhone 5s របស់ Apple ត្រូវបានគេដឹងថាបានប្រើប្រាស់បច្ចេកវិទ្យា ដ៏ទំនើប Fingerprint ដែលផ្តល់សុវត្ថិភាពខ្ពស់សម្រាប់ការប្រើប្រាស់។
បច្ចេកវិទ្យាកាមេរ៉ាមិនចាញ់កាមេរ៉ាអាជីព
ពេលនិយាយដល់ ទូរសព្ទដែលមានកម្រិតកាមេរ៉ាខ្ពស់ គេប្រាកដជានឹកឃើញ Lumia 1020 របស់ Nokia។ កាមេរ៉ាកម្រិតខ្ពស់ ៤១ MP របស់ Lumia 1020 នរណាក៏ភ្ញាក់ផ្អើលដែរ ហើយដែលក្រុមហ៊ុន Nokia អះអាង Lumia 1020 អាចប្រើជំនួសកាមេរ៉ាអាជីពសម្រាប់ការផ្តិតយករូបភាពផ្សេងៗប្រកប គុណភាពល្អនោះ។
បច្ចេកវិទ្យា Eye Tracking
បច្ចេកវិទ្យាដ៏គួរឲ្យចាប់អារម្មណ៍មួយទៀត ដែលបំពាក់នៅលើទូរសព្ទក្នុងឆ្នាំ ២០១៣ គឺមុខងារ Eye Tracking ដែល Samsung បានណែនាំទៅលើ Galaxy S4។ ពិតជាមិនធម្មតាដែលអាចបញ្ឈប់វីដេអូ និងការបន្លាស់ទីក្នុងការមើលអ្វីមួយចុះឡើង ដោយប្រើភ្នែកសម្លឹងនិងងាកចេញតាមរយៈបច្ចេកវិទ្យាដ៏ទំនើបនេះ។
សូមបន្តអាន៖ ទូរសព្ទធុនមធ្យមល្បាក់ ១០០ គួរឲ្យចាប់អារម្មណ៍។
សូមបន្តអាន៖ ៥ឆ្នាំចុងក្រោយនៃក្រុមបាល់ទាត់ជម្រើសជាតិកម្ពុជា។
អត្ថបទ៖ ប៊ុណ្ណារ៉ា

Tags: ព័ត៌មានបច្ចេកវិទ្យាក្នុងស្រុក

ឆ្នាំ២០១៣ តើម៉ូដែលទូរសព្ទណាខ្លះទាក់ចិត្តអ្នកប្រើនៅកម្ពុជាបានច្រើនជាងគេ?

តាមការស្ទង់មតិរយៈពេល ៣ថ្ងៃនៅលើគេហទំព័រ Sabay ដោយបានស្ទាបស្ទង់ពីចំណូលចិត្តអ្នកប្រើប្រាស់ Smartphone នៅកម្ពុជាក្នុងចំណោម ៥គូ ឥឡូវនេះចេញលទ្ធផលក្ដៅៗហើយ។ កំពូល Smartphone ដែលត្រូវបានជ្រើសរើសយកមកប្រកួតចង់ដឹងពីប្រជាប្រិយភាពនោះរួមមាន ៖ iPhone 5S vs. Lumia 1020, iPhone 5C vs. Galaxy S4, Nexus 5 vs. Xperia SP, HTC One vs. LG G2 និង Xperia Z1 vs. Nokia 1520។ ចាំអ៊ុតមើលបន្តិចទៀតមើល៍ តើ 5S S4 Lumia 1020 ដែលសុទ្ធសឹងជាកំពូល Smartphone ទំនើបបំផុតនោះ មានសំឡេងឆ្នោតពីប្រជាជនកម្ពុជាប៉ុន្មានខ្លះទៅ?
អត្ថបទ៖ ប្រកួតចំណាត់ថ្នាក់ Smartphone សរុបមួយឆ្នាំពេញ មួយណាខ្លាំងជាងគេ?

- គូទី១៖ iPhone 5S ឈ្នះ Lumia 1020 ដោយទទួលបាន ៥៦១សំឡេង ច្រើនជាង 1020 ដែលមានត្រឹម ២៣២សំឡេង។
- គូទី២៖ Galaxy S4 ឈ្នះ iPhone 5C ដោយទទួលបាន ៥៣៧សំឡេង ច្រើនជាង iPhone 5C ដែលមានត្រឹម ១៨៦សំឡេង។
- គូទី៣៖ Nexus 5 ឈ្នះ Xperia SP ដោយទទួលបាន ៤៣៥សំឡេង ច្រើនជាង Xperia SP ដែលមានត្រឹម ២១៩សំឡេង។
- គូទី៤៖ HTC One ឈ្នះ LG G2 ដោយទទួលបាន ៣៧០សំឡេង ច្រើនជាង LG G2 ដែលមានត្រឹម ២៩៧សំឡេង។
- គូទី៥៖ Lumia 1520 ឈ្នះ Xperia Z1តែ ៥សំឡេងប៉ុណ្ណោះ ពោល 1520 បាន ៣២៤សំឡេង ខណៈ Xperia Z បាន ៣២៩សំឡេង។
អត្ថបទ៖ iPhone 6 កាន់តែទំនើប នឹងប្រើភ្នែកស្កេនដើម្បី unlock ជំនួស Touch ID
អត្ថបទ៖ Galaxy S5 រាងអីចឹងមែន ស្រួលមិនស្រួលស៊ី iPhone 5S ទៀត!
តើប្រិយមិត្តយល់ស្រប់នឹងលទ្ធផលឆ្នោតនេះឬទេ?

ដោយ៖ ឈុន ហួរ

Tags: ព័ត៌មានបច្ចេកវិទ្យាក្នុងស្រុក

Smartphone ក្រុមហ៊ុនណាដាច់ជាងគេនៅ Q3 2013?

របាយការណ៍របស់ក្រុមហ៊ុនស្រាវជ្រាវ ទីផ្សារ Gartner ឱ្យដឹងថា នៅត្រីមាសទី៣ ឆ្នាំ២០១៣ ក្រុមហ៊ុនដែលលក់ Smartphone ដាច់ច្រើនជាងគេគឺបានលើ Samsung បានរហូតដល់ជាង ៨០,៣៥លានគ្រឿង ខណៈដៃគូដ៏ធំ Apple លក់ iPhone បានតែ ៣០,៣៣លានគ្រឿង។

តួលេខចែកចាយទូរសព្ទ Samsung ខាងលើនេះគឺមានការកើនឡើងធៀបនឹងត្រីមាសដដែលក្នុងឆ្នាំ២០១២ ដែលពេលនោះលក់បានត្រឹមតែ ៥៥,០៥លានគ្រឿង។ ចំណែកទីផ្សារ Samsung នៅពេលនេះមាន ៣២,‌១%។ រីឯ Apple វិញតួលេខក៏មានការកើនឡើងដែរ គឺពី ២៤,៦២លានគ្រឿងឡើងដល់ ៣០,៣៣លានគ្រឿង និងចំណែកទីផ្សារពេលនេះមាន ១២,១%។
អត្ថបទ៖ ចំណែកទីផ្សារ Nokia កើនពីសូន្យដល់ជាង ១១% នៅអង់គ្លេស

លទ្ធផលលក់រវាងគូបដិបក្ខទាំងពីរ Apple និង Samsung សង្កេតឃើញថា ពិតជាមានការខុសគ្នាឆ្ងាយ ជាង៨០លានគ្រឿង ធៀបនឹង ៣០លានគ្រឿង។ យ៉ាងណាមិញ គេយល់ថា មិនមានអ្វីគួរសង្ស័យឡើយ iPhone លក់ចាញ់ Device របស់ Samsung កត្តាចម្បងស្ថិតនៅត្រង់តម្លៃ បូករួមជាចំណូលចិត្ត mobile OS ដោយអ្នកប្រើមួយចំនួនយល់ថា Android OS លើ Samsung ងាយស្រួលប្រើជាង iOS សម្រាប់ user ធម្មតាៗ ជាពិសេសងាយស្រួលក្នុងការភ្ជាប់ទៅកាន់ឧបករណ៍អេឡិចត្រូនិកផ្សេងៗ។
ចំណែកក្រុមហ៊ុនដែលលក់ Smartphone បានច្រើនបន្ទាប់នោះគឺ Lenovo ឈរលំដាប់លេខ៣ លក់បាន ១២,៨៨លានគ្រឿង លេខ៤ គឺ LG បាន ១២,០៥លានគ្រឿង ហើយ Huawei បានលេខ៥ លក់ដាច់ ១១,៦៦លានគ្រឿង។
អត្ថបទ៖ Nokia ថា ឆ្នាំ២០១៤ នឹងធ្វើឲ្យពលរដ្ឋកម្ពុជាភ្ញាក់ផ្អើល

ងាកមកមើលចំណែកទីផ្សារទូរសព្ទស៊េរីទាបៗវិញ (mobile phone) ឃើញថា ក្រុមហ៊ុនដែលលក់បានច្រើនជាងគេនៅ Samsung លេខ១ បាន ១១៧,០៥លានគ្រឿង Nokia លេខ២ បាន ៦៣,០៤លានគ្រឿង Apple លេខ៣ យកតួលេខដដែលដូចខាងលើ LG លេខ៤ បាន ១៨,០៣លានគ្រឿង ហើយ ZTE លេខ៥ បាន ១៣,៦៩លានគ្រឿង៕
អត្ថបទ៖ មានដឹងអត់ពេលនេះ Smartphone ណាស្ដើងជាងគេលើលោក?
ប្រែសម្រួល៖ ឈុន ហួរ
ប្រភព & រូបភាព៖ ibtimes, image

Tags: ចំណែកទីផ្សារSmartphone, ព័ត៌មានបច្ចេកវិទ្យា

ចង់ Download វីដេអូមិនបាច់ IDM ក៏បាន ប្រើតែ add ons យកមិនអស់

ការកម្សាន្តវីដេអូតាមបណ្ដាញអ៊ីនធឺណិត សព្វថ្ងៃទទួលបានការពេញនិយមជាទីបំផុត។ ទន្ទឹមនោះ Youtube ជាសេវាកម្មចែករំលែកវីដេអូមួយដែលមានប្រិយភាពយ៉ាងខ្លាំង មិនត្រឹមតែនិយមតាមបណ្ដាប្រទេសអន្តរជាតិប៉ុណ្ណោះទេ ប្រជាជនកម្ពុជាក៏ដូច្នោះដែរ។ ជឿជាក់ថា ប្រិយមិត្តភាគច្រើនប្រាកដជាបានស្គាល់កម្មវិធីផ្សេងៗគ្នាសម្រាប់ ទាញយកវីដេអូ ជាក់ស្ដែង Internet Download Manager។
ទំព័រមុន Sabay បានប្រាប់ពីរបៀបដំឡើង IDM ឱ្យដំណើរការបានពេញលេញនៅលើ Firefox និង Google Chrome។ យ៉ាងណាមិញ សម្រាប់ទំព័រនេះ Sabay សូមបង្ហាញជូនវិធីសាស្ត្រថ្មីមួយទៀតងាយស្រួលទាញយកវីដេអូដោយពុំ ចាំបាច់ IDM ឬដំឡើងកម្មវិធីទំហំធំអ្វីឡើយ គឺប្រើតែ Add ons ក៏បាន។ កុំឱ្យខាតពេលយូរ តោះតាមដាន និងអនុវត្តតាមជំហានដូចខាងក្រោម៖
គន្លឹះ៖ ដាក់ Internet Download Manager នៅលើ Firefox ឱ្យដើរបានមានអីពិបាក
គន្លឹះ៖ ធ្វើឱ្យ IDM បង្ហាញរបារទាញយកលើ Chrome ងាយទេ

- ត្រូវដំឡើង Add ons ដែលមានឈ្មោះ Video DownloadHelper ដោយចុចលើ Ctrl + Shift + A។ ត្រង់នេះត្រូវស្វែងរក add ons ដោយវាយឈ្មោះ Video DownloadHelper រួចហើយចុចលើប៊ូតុង Install។ បន្ទាប់មកបិទកម្មវិធី firefox ហើយបើកឡើងវិញ (restart) នៅពេលនោះ អ្នកនឹងឃើញមានរូប icon ថ្មីនៅផ្នែកខាងលើនិងខាងស្ដាំកម្មវិធី firefox។

គន្លឹះ៖ ធ្វើម៉េចទៅទើបដឹងថាគណនី Facebook អ្នកត្រូវគេលួចប្រើឬអត់?

- បន្ទាប់ពីធ្វើតាមជំហានខាងលើរួច សាកល្បងបើកវីដេអូ youtube ហើយចុចលើ icon នោះ នោះប្រិយមិត្តនឹងអាចទាញយកទៅតាមប្រភេទឯកសារផ្សេងៗជូនមាន MP4, flv, 3gp …។

យ៉ាងម៉េចហើយ តើប្រិយមិត្តធ្វើបានជោគជ័យឬនៅ? បើមានបញ្ហា ឬប្រិយមិត្តស្គាល់ add ons ល្អៗអាចបញ្ចេញមតិក្នុងប្រអប់ comment ខាងក្រោមបានណា៎ …

សូមចុចអាន៖ Capture screen យ៉ាងម៉េចទើបអាច save បានទាំងមូល?
នៅមានគន្លឹះអនឡាញល្អៗជាច្រើនទៀត សូមចុចត្រង់នេះ ដើម្បីបន្តស្វែងយល់ …

ដោយ៖ ឈុន ហួរ

Tags: គន្លឹះខ្លីៗ, គន្លឹះខ្លីៗលើ Software, គន្លឹះខ្លីៗលើ Windows, គន្លឹះខ្លីៗលើកុំព្យូទ័រ

ឆ្នាំ ២០១៤ បច្ចេកវិទ្យាទូរសព្ទវិវឌ្ឍដល់ណាទៀត!

ឆ្នាំ ២០១៣ មានការវិវឌ្ឍខ្លាំងនៃបច្ចេកវិទ្យាទូរសព្ទ ដែលធ្វើឲ្យអ្នកប្រើប្រាស់ជាច្រើនមានការចាប់អារម្មណ៍ និងក៏មិននឹកស្មានដល់។ Lumia 1020 កាមេរ៉ាអាជីពល្មមៗសុំចាញ់ ដោយសារកម្រិតកាមេរ៉ាគុណភាពខ្ពស់គ្មានគូប្រៀប 41MP ធ្វើឲ្យទាំងឡាយគិតថា ក្រៅពីប្រើសម្រាប់ការទំនាក់ទំនងគ្នា ទូរសព្ទដ៏ទំនើបនេះអាចប្រើជំនួសកាមេរ៉ាអាជីពបាន។

ចំណែកឯ Apple វិញក៏បានបង្ហាញពីបច្ចេកវិទ្យា Fingerprint នៅលើ iPhone 5S ដោយប្រើក្រយៅដៃក្នុងការ Log in ដែលគេជឿថានឹងផ្តល់សុវត្ថិភាពបន្ថែមទៀតសម្រាប់ការប្រើប្រាស់។
មិនអស់នោះទេ នៅមានបច្ចេកវិទ្យាថ្មីៗជាច្រើនទៀត ដែលក្រុមហ៊ុនផលិតទូរសព្ទបានយកទៅបំពាក់នៅលើទូរសព្ទស៊េរីទំនើបៗ ក្នុងឆ្នាំ ២០១៣។
អីចឹងក្នុងឆ្នាំ ២០១៤ នេះ ប្រិយមិត្តគិតថាបច្ចេកវិទ្យាមិននឹកស្មានអីទៀតនឹងកើតឡើងហើយដែល គេយកទៅប្រើប្រាស់នៅលើស៊េរីទូរសព្ទទំនើបៗដែលចេញលក់ក្នុងឆ្នាំ ២០១៤ នេះ?
សូមបន្តអាន៖ Smartphone ក្រុមហ៊ុនណាដាច់ជាងគេនៅ Q3 2013?
សូមបន្តអាន៖ មានការទន្ទឹងរង់ចាំក្តារចុចខ្មែរយ៉ាងខ្លាំងលើ iPhone 5S, 5C, iPad Air, mini 2
អត្ថបទ៖ ប៊ុណ្ណារ៉ា

Tags: ព័ត៌មានបច្ចេកវិទ្យាក្នុងស្រុក

Monday, December 30, 2013

១១ចំណុចអ្នកអាចដឹងពីក្រុមហ៊ុន Sabay និងនាយកប្រតិបត្តិលោក ជី សិលា

យុវវ័យដែលតែងគាំទ្ររាល់កម្មវិធីរបស់ក្រុមហ៊ុន Sabay និងការផ្សាយរបស់វិបសាយ Sabay ព្រមទាំងកម្មវិធីជាច្រើនទៀត នៅលើគេហទំព័រសារព័ត៌មានកម្សាន្តមួយនេះ បានដឹងអ្វីខ្លះពីក្រុមហ៊ុន Sabay និងលោក ជី សិលា នាយកប្រតិបត្តិដែលធ្លាប់ត្រូវបាន សារព័ត៌មានក្នុងនិងក្រៅស្រុកចាត់ទុកជា ពាណិជ្ជករវ័យក្មេងនិងជោគជ័យមួយរូបនៅកម្ពុជានោះ? តាមរយៈបទសម្ភាសន៍ជាមួយក្រុមការងារ ទូរទស្សន៍បាយ័នកាលពីព្រឹកមិញនេះនៅក្នុងកម្មវិធី “សេដ្ឋកិច្ច និងពាណិជ្ជករ” ប្រិយមិត្តអាចតាមដាន ១១ចំណុចខាងក្រោម ដើម្បីដឹងកាន់តែច្បាស់ពីលោក ជី សិលា និងក្រុមហ៊ុន Sabay ដំណើរការមកយ៉ាងណា និងកំពុងមានសកម្មភាព ដូចម្ដេចនៅកម្ពុជា៖ ១៖ ក្រុមហ៊ុន Sabay ចាប់ផ្ដើមដំណើរការនៅឆ្នាំ២០០៧ មានបុគ្គលិកបួនប្រាំនាក់រាប់ទាំងលោក ជី សិលា ផងដែរ មកដល់ឆ្នាំ២០១៣នេះក្រុមហ៊ុន Sabay មានបុគ្គលិកជាង១៥០នាក់។
២៖ លោកជី សិលា ចាត់ទុកអាជីវកម្មរបស់លោកជា ការកម្សាន្តលើប្រព័ន្ធឌីជីថល (Digital Entertainment) ជាអាជីវកម្មដែលមានការប្រឈម និងត្រូវបានគេមើលរំលងកាលពី៦ឆ្នាំមុន និងសូម្បីនាពេលបច្ចុប្បន្ន។
៣៖ យុវវ័យខ្មែរងាកពីការកម្សាន្តបែបបុរាណ បាញ់ឃ្លី គប់វង់ វាយហ៊ឹង មកកម្សាន្តលើកុំព្យូទ័រនិងតាមប្រព័ន្ធឌីជីថល (Digital Entertainment) ដែលបច្ចុប្បន្នមានមនុស្សកំពុងចូលកម្សាន្តប្រមាណជា៣ពាន់លាននាក់ ខណៈដែលប្រជាពលរដ្ឋខ្មែរមួយចំនួនធំនៅយល់ច្រឡំថា ការកម្សាន្តនេះជាល្បែងស៊ីសងនៅឡើយ។
៤៖ លោកជី សិលា ថា វិសាលភាពសេដ្ឋកិច្ច និងទីផ្សារនៃអាជីវកម្មឌីជីថលនៅកម្ពុជានាពេលបច្ចុប្បន្ន ខុសគ្នាប្រមាណជា១០០ដង បើប្រៀបធៀបទៅនឹងកាលពី៦ឆ្នាំមុន។
៥៖ អាជីវកម្មដែលមានការប្រឈមលើកត្តាទីផ្សារ និងសេដ្ឋកិច្ចក៏អាចប្រែក្លាយជាអាជីវកម្មជោគជ័យបំផុត និងមានគូប្រជែងតិចបំផុតដែរ។
៦៖ នៅក្នុងចំណោមបុគ្គលិកក្រុមហ៊ុន Sabay ជាង១៥០នាក់មាន៩០%ជាជនជាតិខ្មែរ និង១០% ជាជនបរទេសមកពីប្រទេសផ្សេងគ្នាជាង១០ប្រទេស។
៧៖ ក្រុមហ៊ុន Sabay មិនរឹតត្បិតលើវិន័យបុគ្គលិក តែតឹងរ៉ឹងលើលទ្ធផលការងារ។
៨៖ ក្រុមហ៊ុន Sabay ចាត់ទុកបុគ្គលិកក្រុមហ៊ុនដូចជាសមាជិកគ្រួសារ ច្រាស់ត្រលប់មកវិញបុគ្គលិកជាង១៥០នាក់មិនកំពុងធ្វើការឱ្យមនុស្សតែម្នាក់ ប៉ុន្តែធ្វើការឱ្យសមាជិកគ្រួសារនេះនិងខ្លួនឯង។
៩៖ ក្រុមហ៊ុន Sabay កំពុងដំណើរការលើសេវាកម្មធំៗរួមមាន៖ Sabay Leng ជាសេវាកម្សាន្តលើប្រព័ន្ធអ៊ីនធឺណិត Sabay Web ជាបណ្ដាញសារព័ត៌មានអនឡាញឈានមុខគេនៅកម្ពុជាដែលមានអ្នកចូលអានជាង២០ម៉ឺនទំព័រជារៀងរាល់ថ្ងៃ Sabay Entertainment បាននាំចូលភាពយន្ត និងចម្រៀងបរទេសមកចែកចាយនៅកម្ពុជាដោយស្របច្បាប់ និងបានជំរុញនិងផ្ដល់ឱកាសដល់ផលិតករក្នុងស្រុកក្នុងការផលិតភាពយន្ត Sabay TV ជាទូរទស្សន៍អនឡាញដែលសម្បូរដោយកម្មវិធីកម្សាន្ត និងអប់រំជាច្រើន។
១០៖ Sabay ចូលរួមបណ្ដុះគំនិតរីករាយ និងលុបបំបាត់មន្ទិលខ្មៅងងឹតក្រោយរបប៣ឆ្នាំ៨ខែនិង២០ តាមរយៈកម្មវិធីកម្សាន្ត ព័ត៌មានជាវិជ្ជមាននិងជាភាសាដែលផ្សាយចេញជារៀងរាល់ថ្ងៃជុំវិញរឿងដែលនៅជិតខ្លួន និងមានប្រយោជន៍ដល់ការរស់នៅប្រចាំថ្ងៃរបស់ប្រជាពលរដ្ឋខ្មែរ។
១១៖ ក្រៅពីដំណើរការអាជីវកម្ម Sabay ជាក្រុមហ៊ុនដែលកំពុងចូលរួមក្នុងកម្មវិធីសង្គមជាច្រើនដូចជា៖ កម្មវិធីរើសសំរាម ដែលមានមនុស្សចូលរួមដល់ម៉ឺននាក់ កម្មវិធីដេញដោលយោបល់របស់ក្រុមនិស្សិត ជំនួយសប្បុរសដល់សមាគមសិល្បករខ្មែរ ជំនួយសប្បុរសដល់ក្រុមគ្រួសារសិល្បករដែលមានសមាជិកទទួលមរណភាព និងកម្មវិធីសប្បុរសជាច្រើនទៀត៕

ដោយ ៖ ប៊ី
ខ្មែរឡូត

អាណាចក្រតារាឆ្នាំ២០១៣ មានពានអ្វីខ្លះ?

កម្មវិធីអាណាចក្រតារាឆ្នាំ២០១៣នេះ មានពានសរុបទាំងអស់ចំនួន ៣៣ ដោយបានចែកចេញជា ៣ផ្នែកផ្សេងៗគ្នា រួមមាន ផ្នែកទូរទស្សន៍ ផ្នែកភាពយន្ត និងផ្នែកតន្ត្រី។ ប៉ុន្តែពានទាំង ៣៣នោះ ត្រូវបានបែងចែកជាបីប្រភេទទៀត គឺពានទេពកោសល្យ ពានមហាជន (ពានប្រជាប្រិយភាព ) និងពានកិត្តិយស។
កញ្ញា សួន ពលិកា ប្រធានគ្រប់គ្រងផ្នែក ទំនាក់ទំនងមិត្តអ្នកអាន បានប្រាប់លម្អិតពីភាពខុសគ្នានៃ ពានទាំងបីប្រភេទនេះថា ពានទេពកោសល្យ ត្រូវផ្ដល់ជូនដោយគណៈកម្មការជំនាញៗចំនួន១២រូប មកពីអន្តរក្រសួង និងស្ថាប័នពាក់ព័ន្ធ មានជាអាទិ៍ មន្ត្រីក្រសួងព័ត៌មាន ក្រសួងវប្បធម៌ និងវិចិត្រសិល្បៈ ព្រឹទ្ធសិល្បករ និងថ្នាក់ដឹកនាំក្រុមហ៊ុន Sabay។ ពាននេះ មានចំនួន ១៨ ក្នុងនោះ ផ្ដល់ជូនផ្នែកទូរទស្សន៍ចំនួន ៥ ផ្នែកភាពយន្តចំនួន ៦ និង ៧ពានផ្សេងទៀតសម្រាប់ផ្នែកតន្ត្រី។
ចំណែក ពានប្រជាប្រិយភាព វិញ ប្រធានផ្នែកទំនាក់ទំនងដដែល បានបន្តថា សរុបមានចំនួន ៤ពាន ដែលកើតចេញពីការសម្រេចចិត្ត ក៏ដូចជាបោះឆ្នោតដោយមហាជន មួយរយភាគរយ តាមពីររបៀបផ្សេងគ្នា។ ទីមួយបោះឆ្នោត តាមការផ្ញើសារ (SMS) និងទី២ បោះឆ្នោតតាមអនឡាញ គឺនៅលើគេហទំព័រ anachakdara.com ផ្ទាល់។
ពានទាំង ៤នោះ ត្រូវបែងចែកជាពីរផ្នែក គឺផ្នែកទូរទស្សន៍ និង ផ្នែកភាពយន្ត។ ផ្នែកទូរទស្សន៍មានពានពិធីករ ប្រជាប្រិយភាពប្រចាំឆ្នាំ១ ពានពិធីការិនីមានប្រជាប្រិយភាពប្រចាំឆ្នាំ១។ ដូចគ្នាដែរ ចំពោះផ្នែកភាពយន្ត វិញក៏មានពានមួយសម្រាប់ តារាសម្ដែងប្រុសមានប្រជាប្រិយភាពប្រចាំឆ្នាំ និងមួយទៀតសម្រាប់ តារាសម្ដែងស្រីមានប្រជាប្រិយភាពប្រចាំឆ្នាំ។
ដោយឡែកសម្រាប់ ពានកិត្តិយស គឺជាពានដែលផ្ដល់ជូនដល់សិល្បករ សិល្បការិនី ដែលបានចំណាយពេលយូរ និងមានស្នាដៃច្រើនក្នុងវិស័យសិល្បៈ។ ពាននេះ មានចំនួន១០។
ក្រៅពីពានទាំងបីប្រភេទខាងលើ អាណាចក្រតារានៅសល់ពានមួយទៀត ដែលនឹងផ្ដល់ជូនដោយអ្នកឧបត្ថម្ភធំនៃកម្មវិធីគឺក្រុមហ៊ុនស្រាបៀរ ABC។
កាលពីថ្ងៃទី២០ ឧសភាកន្លងទៅនេះ គណៈកម្មការអាណាចក្រតារា បានសម្រេចប្រកាសលុបចោលការបោះឆ្នោតជ្រើសរើសតារាចម្រៀងប្រជាប្រិយភាព បន្ទាប់ពីផលិតកម្ម Town បានផ្ញើលិខិតជំទាស់ក្នុងការអនុញ្ញាតឲ្យតារាចម្រៀងទាំងឡាយរបស់ខ្លួន មានវត្តមានក្នុងបញ្ជីប្រកួតប្រជែង ដែលធ្វើឲ្យសមាសភាពតារាប្រកួតប្រជែងកាន់តែតិចហួសហេតុ។ Town ជាផលិតកម្មទីពីរបន្ទាប់ពីផលិតកម្មហង្សមាស ដែលបានស្នើសុំបែបនេះមុនគេ។
កម្មវិធីអាណាចក្រតារាឆ្នាំ២០១៣នេះ មានតារាកិត្តិយសសរុបជិត ២០០រូប មានទាំងពិធីករ ពិធីការិនី តារាសម្ដែង និងតារាចម្រៀង។ សម្រាប់ការបោះឆ្នោតតាមអនឡាញ និង SMS បានចាប់ផ្ដើមជាផ្លូវការកាលពីថ្ងៃទី១៥ ខែឧសភា។
"អាណាចក្រតារា" ឆ្នាំនេះ នាំមកជូនដោយក្រុមហ៊ុនស្រាបៀរ ABC Stout និង ក្រុមហ៊ុន Sabay។ ABC Stout ជាស្រាបៀរលំដាប់អន្តរជាតិ និង Sabay ជាក្រុមហ៊ុនផ្ដល់ការកម្សាន្តតាមប្រព័ន្ធឌីជីថលនាំមុខគេនៅកម្ពុជា។
ជាមួយគ្នានេះដែរ កម្មវិធីអាណាចក្រតារា ឆ្នាំទីពីរនេះ ក៏មិនអាចកើតឡើងបានប្រសិនបើគ្មានដៃគូសហការឧបត្ថម្ភ ដែលមានដូចជា Dell ក្រុមហ៊ុនផ្ដល់ដំណោះស្រាយផ្នែកបច្ចេកវិទ្យាលំដាប់ពិភពលោក Shokubutsu ផលិតផលថែរក្សាសម្រស់ស្បែកពិតមកពីជប៉ុន Revlon Cosmetic ផលិតផលគ្រឿងសម្អាងលំដាប់ពិភពលោក Vslim ផលិតផលកាហ្វេថែរក្សារាង និង Tous les Jours ហាងនំប៉័ងបែបអឺរ៉ុបឈានមុខគេរបស់កូរ៉េដែលដំណើរការដោយស្របច្បាប់នៅកម្ពុជា។
ស្ថានីយទូរទស្សន៍ CTN គឺជាដៃគូផ្សព្វផ្សាយផ្លូវការ។ កាសែតភ្នំពេញប៉ុស្តិ៍ជាភាសាខ្មែរដែលផ្សាយរៀងរាល់ថ្ងៃសុក្រ និងទស្សនាវដ្ដីប្រជាប្រិយ ជាដៃគូឧបត្ថម្ភផ្ដាច់មុខសម្រាប់ការផ្សព្វផ្សាយកម្មវិធី៕

ដោយ ៖ ប៊ី
ខ្មែរឡូត

ទូរទស្សន៍ Samsung នាំមុខក្នុងទីផ្សារពិភពលោកចំនួន 31 ត្រីមាសជាប់ៗគ្នា

Samsung បានបន្តគ្របគ្រងទីផ្សារពិភពលោក នៅក្នុងត្រីមាសទី 3នៃឆ្នាំ 2013 ក្នុងនាមជាក្រុមហ៊ុនបច្ចេកវិទ្យា ដ៏ធំមួយនៅកូរ៉េខាងត្បូង ដែលបានកាន់កាប់ទីផ្សារពិភពលោក 25.5% ក្នុងអំឡុងខែកក្កដា ដល់ខែកញ្ញា។បន្ទាប់មកគឺក្រុមហ៊ុនដែលជាដៃគូប្រកួតប្រជែង ក្នុងស្រុកទីពីរ ដែលមាន 14.7% និងបន្ទាប់មកទៀត គឺជាក្រុមហ៊ុនដ៏ល្បីល្បាញមួយ របស់ជប៉ុនដែលមាន 7.5% នេះបើផ្អែកតាមការសិក្សា ពីក្រុមហ៊ុនស្រាវជ្រាវទីផ្សារ Display Search។ នេះគឺជាត្រីមាសទី 31 ជាប់ៗគ្នាហើយដែល Samsung បានឈរនៅលំដាប់កំពូល និងស្ថិតនៅកម្រិតមួយ ដែលម៉ាកសញ្ញារបស់ខ្លួន កំពុងតែរីកចម្រើនទៅមុខ ហើយ Samsung ក៏អាចនឹងបញ្ចប់ឆ្នាំនេះក្នុងចំណុចកំពូល ដែលធ្វើឲ្យឆ្នាំ 2013 ក្លាយជាឆ្នាំទី 8 ជាប់ៗគ្នា សម្រាប់ការឈរនៅលំដាប់លេខមួយ។
ការលក់ទូរទស្សនSamsungនៅប្រទេសចិន និងអាមេរិកខាងជើងបាននាំមុខការកើនឡើងនៃការលក់សរុប ដែលប្រទេសចិនមានការកើនឡើង 3.5% និងអាមេរិកខាងជើង 1.3%។ ទិន្នន័យក៏បានបង្ហាញថា ទីផ្សារភាគហ៊ុនរបស់ក្រុមហ៊ុនសម្រាប់ទីផ្សារទូរទស្សន៍ប្រភេទ LCDបានកើនឡើងដល់ 24.1% សម្រាប់ប្រភេទLED24.3% សម្រាប់ប្រភេទPDP47.5% និងសម្រាប់ប្រភេទ 3D28% ។
លើសពីនេះ កំណើននៃការលក់ទូរទស្សន៍UHD ដែលមានទំហំ 55/65 អ៊ីញ និង 60 អ៊ីញឡើងទៅ ព្រមទាំងទូរទស្សន៍ស៊េរី 7080ដ៏ទំនើប បានជំរុញដល់ដំណើរការក្រុមហ៊ុនឆ្ពោះទៅកាន់ភាពជោគជ័យ។
នៅក្នុងទីផ្សារទូរទស្សន៍ខ្នាតធំចាប់ពី 60 អ៊ីញឡើងទៅ ទូរទស្សន៍ 65 ដល់ 75 អ៊ីញ មានអត្រាលក់ចេញយ៉ាងល្អ និងទទួលបានទីផ្សារភាគហ៊ុន 34.6% ខ្ពស់ជាងទីផ្សារភាគហ៊ុនកាលពីឆ្នាំមុនដែលមានត្រឹមតែ 28.0% ប៉ុណ្ណោះ។ ហើយនៅក្នុងទីផ្សារទូរទស្សន៍ប្រភេទស្ដើងដែលតម្លៃចាប់ពី $1,500 ឡើងទៅ ក្រុមហ៊ុនក៏ទទួលបានទីផ្សារភាគហ៊ុន 41.4% ទល់នឹង 30.8% កាលពីឆ្នាំមុន។
ការលក់ក្នុងឆមាសទី4 ត្រូវបានរំពឹងថា នឹងនៅតែកើនឡើងដោយសារតែការផ្សព្វផ្សាយជាច្រើននៅតាមហាង និងរដូវវិស្សមកាល។ ព្រឹត្តការណ៍កីឡាធំៗដូចជា កីឡាអូឡាំពិកនៅ ស៊ូជី (Sochi) ប្រទេសរុស្ស៉ី និងកីឡាបាល់ទាត់ពិភពលោកនៅប្រទេសប្រ៊េស៊ីល ត្រូវបានគេសន្មតថា នឹងជួយបង្កើនទីផ្សារលក់ទូរទស្សន៍ទូទាំងពិភពលោកនៅក្នុងបំណាច់ឆ្នាំ។
លោក Lee Sunwoo អនុប្រធានផ្នែកគ្រឿងអេឡិចត្រូនិករបស់ Samsungបានមានប្រសាសន៍ថា៖ “ហេតុផលដែលយើងឈរនៅលំដាប់កំពូល បើទោះបីជាមានការប្រកួតប្រជែងខ្លាំងក៏ដោយ ក៏ព្រោះតែមានការទទួលស្គាល់ ពីសំណាក់អតិថិជនលើទូរទស្សន៍ Samsung។ ក្នុងនាមជាក្រុមហ៊ុនចំណាត់ថ្នាក់លេខមួយក្នុងពិភពលោក យើងនឹងព្យាយាមឲ្យអស់ពីលទ្ធភាព ដើម្បីក្លាយជាអ្នកឈានមុខប្រកបដោយទំនួលខុសត្រូវ”។
“Samsung គឺជាក្រុមហ៊ុនឈានមុខគេក្នុងពិភពលោកលើផ្នែកបច្ចេកវិជ្ជា និងការច្នៃប្រឌិតលំដាប់ពិភពលោក ដែលផ្តល់នូវគំនិត និងលទ្ធភាពថ្មីៗយ៉ាងទូលំទូលាយ សម្រាប់មនុស្សគ្រប់ទីកន្លែង។ ជាមួយរបកគំឃើញថ្មីៗប្រកបដោយការច្នៃប្រឌិត Samsungបានផ្លាស់ប្ដូរការយល់ឃើញរបស់មនុស្សចំពោះទូរទស្សន៍។ ទីបំផុត ការសន្យានៃម៉ាកសញ្ញា Samsungដែលមិនអាចបដិសេធបានគឺ៖ ម៉ាកសញ្ញាដែលលោកអ្នកជឿទុកចិត្ត។
អំពីក្រុមហ៊ុន Samsung Electronics Co., Ltd.
ក្រុមហ៊ុន Samsung Electronics Co., Ltd. គឺជាក្រុមហ៊ុនឈានមុខគេលើផ្នែកសម្ភារ អេឡិចត្រូនិក និងគ្រឿងបន្លាស់សម្រាប់សម្ភារទាំងអស់នោះ។ តាមរយៈការច្នៃប្រឌិត និងការស្វែងរកឥតឈប់ឈរ យើងបានផ្លាស់ប្តូរថ្មីចំពោះពិភពបច្ចេកវិទ្យា ទូរទស្សន៍ ទូរស័ព្ទ Smartphone កុំព្យូទ័រ ម៉ាស៊ីនព្រីន កាមេរ៉ា ឧបករណ៍ប្រើប្រាស់ក្នុងផ្ទះ ប្រព័ន្ធ LTE បរិក្ខារពេទ្យ Semiconductors និងដំណោះស្រាយ LED ។ យើងមានបុគ្គលិកចំនួន 236,000 នាក់ បម្រើការក្នុង 79ប្រទេស ជាមួយចំណូលពីការលក់ប្រចាំឆ្នាំមានចំនួន លើសពី187.8 ពាន់លានដុល្លារ។ ព័ត៌មានបន្ថែម សូមចូលទៅកាន់ www.samsung.com ។

ដោយ ៖ ប៊ី
ខ្មែរឡូត

ក្រលេកមើល សួនឋាននរក នៅប្រទេសថៃ

សួនកំសាន្តដ៏ចំលែកមួយនៅប្រទេសថៃបាន ទាក់ទាញភ្ញៀវទេសចរណ៍ ទាំងក្នុងប្រទេស និង ក្រៅប្រទេសយ៉ាងច្រើន ហើយភាគច្រើនភ្ញៀវទេសចរណ៍ទាំងនោះមក ចូលទស្សនាកំសាន្តជាលក្ខណៈគ្រួសារទៀតផង។
តាមប្រភពព័ត៌មានបាន អោយដឹងថា បើយើងធ្វើដំណើរពីទីក្រុងបាងកក រយៈពេល ៩០ នាទីទៅប៉ាតាយ៉ា យើងនឹងបាន ឃើញសួនកំសាន្តមួយដែលមានឈ្មោះថា Wang Saen Suk Hell Garden ដែលជាសួនកំសាន្តមួយដ៏ចំលែក ដែលមានទាក់ទងទៅនឹង ព្រះពុទ្ធសាសនាផងដែរ។ បើយើងមើលតាមរូបភាពខាងក្រោម យើងនឹងបានឃើញរូបភាពជាច្រើន ដែលបានបញ្ជាក់ពី សកម្មភាពនៅឋាននរក ហើយមានអក្សរសសេរថា "បរិច្ចាកប្រាក់កាសបន្តិចបន្តួចជារៀងរាល់ថ្ងៃ អ្នកនឹងមានក្តីសុខ"។
តើប្រិយមិត្តយល់យ៉ាងណាដែរចំពោះសួននេះ ?

ដោយ ៖ អម្រិត
ខ្មែរឡូត

តើអាពាហ៏ពិពាហ៏មានតាំងពីពេលណាមក?

អាពាហ៏ពិពាហ៏ មានតាំងពីយូរលង់ណាស់មកហើយ ការបានគ្នាជាប្តីប្រពន្ធចែកចេញជា បីដំណាក់កាល៖

ដំណាក់កាលចាប់ពង្រត់ : បុរសចាប់បង្ខំយកនារីដែលខ្លួនស្រលាញ់ ទៅកាន់ទីឆ្ងាយ ដើម្បីរួមរស់ជាប្តីប្រពន្ធ។
ដំណាក់កាលជួញដូរ : ដើម្បីចៀសផុតពីការតាមរករឿងពីអាណាព្យាបាល បុរសទិញយកកូនក្រមុំផ្តាច់ ដើម្បីធ្វើជាប្រពន្ធតែម្តង។
ដំណាក់កាលស្មោះស្ម័គ្រគ្នា : រូបភាពទី១ និងទី២សុទ្ធតែជាការបង្ខំឲ្យនារី ទទួលយកបុរសជាប្តី។ ដើម្បីឲ្យរួមរស់ជាមួយគ្នាមានសុភមង្គល គេត្រូវឲ្យបុរសនិង នារីស្ម័គ្រចិត្តស្រលាញ់គ្នាទៅវិញទៅមក ហើយបុរសជាអ្នកចូលទៅស្តីដណ្តឹងនារីធ្វើជាប្រពន្ធ។ ក្នុងការស្តីដណ្តឹង ជនជាតិអង់គ្លេស តែងតែជូនប្រាក់និង សត្វពាហនៈដូចជា សេះ គោ ក្របីទៅឪពុកម្តាយខាងស្រី ដើម្បីជាការតបស្នងសងគុណ។

តាមពិតពាក្យថា honey moon មានតាំងពីនៅដំណាក់កាលទី១ម្ល៉េះ។ Honey moon គឺជារយៈពេលដែលបុរសកំពុងបង្ខាំង កូនក្រមុំនៅទីស្ងាត់មួយ ពេលនោះបុរសនៅជាប់ជាមួយនារី គ្រប់នាទី ដោយរង់ចាំសាច់ញាតិខាងស្រីនឿយណាយក្នុងការស្វែងរកកូនក្រមុំ។
រហូតដល់បច្ចុប្បន្នកាលនេះ សួរថាតើការបានគ្នាជាប្តីប្រពន្ធនៅមានរូបភាពដូចដំណាក់កាលទី១ និងទី២ទៀតដែរឬទេ?

Khmerload

តើចិញ្ចៀនមានតាំងពីពេលណាមក?

ក្នុងពិធីមង្គលការ គេតែងតែពាក់ចិញ្ចៀននៅម្រាមទី៤(ដៃនាង) នៃដៃខាងឆ្វេង។ ជនជាតិក្រិច ជឿជាក់ថាមានសរសៃឈាមសំខាន់ ដែលតភ្ជាប់ពី ម្រាមនេះទៅនឹងបេះដូងផ្ទាល់តែម្តង។
ការពាក់ចិញ្ចៀនក្នុងពិធីមង្គលការ ជាទម្លាប់តាំងពីយូរលង់ណាស់មកហើយ។ ជនជាតិអេហ្ស៊ីបជាអ្នកប្រើចិញ្ចៀនមុនគេក្នុងពិធីមង្គលការ ហើយអ្នកកាន់គ្រិស្តសាសនាពាក់ចិញ្ចៀននៅក្នុងឆ្នាំ ៩០០។
ចិញ្ចៀនមានរាងមូលតំណាងឲ្យ ប្តីប្រពន្ធបានគ្នាជាប់លាប់ជារៀងរហូត។ ដើមឡើយគេប្រើកងដៃ ឬកងជើងសម្រាប់បំពាក់ឲ្យនារី ដើម្បីសំគាល់ថាជាកម្មសិទ្ធរបស់បុរសជាប្តី ក្រោយមកគេប្តូរទៅជាចិញ្ចៀនវិញ ព្រោះវាមានលក្ខណៈងាយស្រួលជាង៕

Khmerload

Pages

Thursday, January 2, 2014

Monday, December 30, 2013