ឈឺចាប់: 2014

Thursday, January 2, 2014

អស់កង្វល់...! សម្រាប់អ្នកចង់បើក ដេប៉ូលក់សាំង ឬស្ថានីយប្រេងឥន្ធន:ថ្មី

ចំពោះលោកអ្នក ដែលចង់បើក ដេប៉ូលក់ប្រេងឥន្ធន:ថ្មី ឬស្ថានីយ៍ប្រេងឥន្ធន:ថ្មី ឬចង់ ជួលដីដែលអាចបើក ស្ថានីយ៍ប្រេងឥន្ធន:បាន ដោយលោកអ្នកមិនដែល មានបទពិសោធន៍ រៀបចំ ឬបទពិសោធន៍បើកដេប៉ូលក់ ប្រេងឥន្ធន: ឬស្ថានីយ៍ប្រេងឥន្ធន:ពីមុនមក លោកអ្នក ប្រាកដជាមានផលពិបាកខ្លាំងលើកិច្ចការទាំងឡាយនេះ ដូច្នេះប្រសិនបើលោកអ្នកចង់ ចំណេញច្រើនលើមុខរបរនេះ យើងខ្ញុំមានបទពិសោធន៍យូរឆ្នាំច្បាស់លាស់ លើកិច្ចការ និង អាជីវកម្មប្រភេទនេះ ដោយធានាផ្តល់សេវាកម្មនេះជូនលោកអ្នកយ៉ាងងាយស្រួល និង សមរម្យ បំផុត ហើយមានគុណភាពខ្ពស់រួមមាន ៖
   - ប្រឹក្សាយោបល់លើការរៀបចំឯកសារនានាដែលត្រឹមត្រូវតាមច្បាប់
   - ពិនិត្យ ឬប្រឹក្សាយោបល់លើទីតាំង និងបច្ចេកទេសទីកន្លែង
- ផ្គត់ផ្គង់សម្ភារះគ្រប់ប្រភេទ គ្រប់ម៉ូដែល ដែលមានគុណភាពល្អ បច្ចេកទេសទំនើប មានសុវត្តិភាពខ្ពស់ ក្នុងតម្លៃសមរម្យបំផុត
   - សាងសង់សំណង់ត្រូវតាមបច្ចេកទេស និងមានគុណភាពខ្ពស់ក្នុងតម្លៃសមរម្យ
- ជួយរៀបចំជ្រើសរើសប្រភេទសាំង ម៉ាសូត ប្រងរំអិល ប្រេងនានា សម្ភារះនានា
គ្រប់ ប្រភេទពីក្រុមហ៊ុននានាដែលលោកអ្នកត្រូវការក្នុងលក្ខខណ្ឌល្អប្រសើរ ។
- និងសេវា ឬកិច្ចការនានាជាច្រើនទៀតទាក់ទងនឹងដេប៉ូប្រេងឥន្ធន: ឬស្ថានីយ៍ប្រេង ឥន្ធន:គ្រប់ប្រភេទ។ក្នុងចំណោមសេវាទាំងឡាយនេះ លោកអ្នកអាចជ្រើសរើសយក សេវាណាមួយក៏បាន ដោយធានាថាពេញចិត្ត និងកាត់បន្ថយការចំណាយបានច្រើន ទៀតផង ។
ប្រសិនបើលោកអ្នកមានដីដែលអាចបើកដេប៉ូលក់ប្រេងឥន្ធន: ឬបើកស្ថានីយ៍ប្រេង ឥន្ធន:បាន ហើយចង់ជួលដីនេះអោយយើងខ្ញុំ ឬលោកអ្នកមានដេប៉ូលក់ប្រេងឥន្ធន:ស្រាប់ ឬមានស្ថានីយ៍ប្រេងឥន្ធន:ស្រាប់ហើយចង់ជួលបន្ត យើងខ្ញុំនឹងទទួលជួលពីលោកអ្នក ដោយរីករាយ។
ទាក់ទងអាសយដ្ឋានអគារលេខ២ ផ្លូវលេខ ២៨៤ កែងផ្លូវលេខ១៦៣ សង្កាត់អូឡាំពិច ខណ្ឌចំការមន រាជធានីភ្នំពេញ ជាប់កែងខាងត្បូងវត្តមហាមន្ត្រី ទូរស័ព្ទ 011 777 110 ។

៥យ៉ាងនាំទូរសព្ទ Android របស់អ្នកឱ្យទទួលបានសុវត្ថិភាពជាទីបំផុត

ដោយសារទូរសព្ទសព្វថ្ងៃកាន់តែទំនើប ឡើង ហើយមានការពេញនិយមប្រើយ៉ាងខ្លាំង ដូច្នេះអត្រាអ្នកប្រើប្រាស់ដែលប្រឈមមេរោគទូរសព្ទ ក៏ដូចជាចោរកម្មមានការកើនឡើងច្រើន។ ទន្ទឹមនោះ គេក៏អាចកំណត់គន្លឹះសុវត្ថិភាពងាយៗមួយចំនួនដែលមាននៅលើ Smartphone របស់ខ្លួនផ្ទាល់ ដើម្បីជាសុវត្ថិភាព ការពារមេរោគ ងាយស្រួលតាមរកទូរសព្ទបាត់ ឬចាប់ជនល្មើសដែលលួចទូរសព្ទ ដោយការបង្ហាញទីតាំង និងអត្តសញ្ញាណខ្លះៗរបស់ចោរ។
អត្ថបទ៖ របៀប jailbreak ប្រព័ន្ធប្រតិបត្តិការ iOS 7 ដោយគ្មាន error ចេញរូបឡូហ្គូផ្លែប៉ោម

ទំព័រនេះ Sabay សូមលើកយកគន្លឹះខ្លីៗងាយៗសម្រាប់ផ្ដល់សុវត្ថិភាព Smartphone បានមួយផ្នែកដូចខាងក្រោម៖
១ ការប្រើកម្មវិធីសម្រាប់គ្រប់គ្រងទូរសព្ទ៖

នៅលើទូរសព្ទដែលដំណើរការដោយប្រព័ន្ធប្រតិបត្តិការចាប់ពីជំនាន់ Android 2.2 ឡើងទៅគឺអាចគាំទ្រកម្មវិធី Android Device Manager បាន។ កម្មវិធីនេះមានមុខងារពិសេសជាច្រើនសម្រាប់គ្រប់គ្រងទូរសព្ទរបស់ អ្នកបាន។ កម្មវិធីនេះក៏អាចឱ្យម្ចាស់ទូរសព្ទស្វែងរកទូរសព្ទបាត់បានផងដែរ ហើយអាចបញ្ចេញសំឡេងរោទិ៍ ចាក់សោ និងលុបទិន្នន័យបានពីចម្ងាយ។ ទំព័រក្រោយ Sabay នឹងធ្វើការចុះផ្សាយពីលក្ខណៈសម្បត្តិលម្អិតរបស់ Android Device Manager។
២ ការការពារទូរសព្ទរបស់អ្នកពីមេរោគ៖

ចំពោះ Smartphone ដែលពុំមានកម្មវិធីទប់ស្កាត់ការវាយប្រហារពីមេរោគនោះទេ គឺមានភាគរយច្រើនជាគោលដៅរបស់ Hacker ដែលបង្កើតកម្មវិធីមានបង្កប់ដោយមេរោគ។ ដើម្បីទប់ស្កាត់ កុំឱ្យឆ្លងមេរោគ Sabay សូមណែនាំកម្មវិធី AntiVirus Security Free ដែលជាសមិទ្ធផលរបស់ AVG Mobile ឬកម្មវិធី Mobile Security & Antivirus របស់ Avast Software ឬ Norton Security antivirus ក៏បាន ដែលទាំងនេះសុទ្ធតែជាកម្មវិធីឥតគិតថ្លៃ។
អត្ថបទ៖ ទោះគ្មាន Antivirus ក៏មិនខ្លាចឆ្លងមេរោគពី Flash ដែរ
Antivirus ទាំងនេះ មានសមត្ថភាពឆែកមើល app ដែលដំឡើងថាតើមានបង្កប់ដោយមេរោគឬអត់ ហើយព្រមទាំងដឹងថាតើវែបសាយណាដែលមានការបោកបញ្ឆោត បង្កប់ដោយមេរោគ។ រឹតតែពិសេសទៀតនោះ កម្មវិធីទប់ស្កាត់ការឆ្លងមេរោគទាំងនោះភាគច្រើនមានមុខងារ អាចតាមដានដឹងពីទីតាំងទូរសព្ទរបស់អ្នក ប្រសិនត្រូវបានចោរលួច ឬដាក់ច្រឡំដៃ ដោយការបញ្ចេញសំឡេង ងាយស្រួលឱ្យអ្នកតាមរក។ មិនតែប៉ុណ្ណោះ គេថែមទាំងអាចលុបទិន្នន័យសំងាត់របស់ខ្លួនពីចម្ងាយបានទៀតផង។ (បញ្ជាក់៖ ដើម្បីប្រើមុខងារទាំងនេះ ត្រូវដំណើរការកម្មវិធី antivirus ណាមួយឱ្យបានជាប់ ហើយមិនត្រូវប្រើ antivirus ច្រើនជាងមួយទេ)។ សម្រាប់គន្លឹះលំអិតពីការប្រើ Antivirus Sabay នឹងចុះផ្សាយក្នុងពេលឆាប់ៗខាងមុខ។
៣ ប្រើកម្មវិធីដើម្បីស្វែងរកទូរសព្ទនិងតាមចាប់ចោរដែលបានលួចឱ្យបានត្រឹមត្រូវ៖
យើងសូមណែនាំកម្មវិធីមួយមានឈ្មោះថា Lockwatch Anti-Theft។ កម្មវិធីនេះមានសមត្ថភាពធ្វើឱ្យកាមេរ៉ាមុខដំណើរការអាចចាប់យក មុខមាត់អ្នកដែលពុំមែនជាម្ចាស់ព្យាយាម unlock ទូរសព្ទ ហើយបើខុសម្ដងនឹងផ្ញើ email មកម្ចាស់គណនីម្ដង។
អត្ថបទ៖ ដំណោះស្រាយពេលបើក Play Store មិនបានចេះតែលោតចេញវិញ

មិនត្រឹមតែផ្ញើរូបថតប៉ុណ្ណោះ តែក៏មានកាលបរិច្ឆេទដែលព្យាយាម unlock ផែនទីបញ្ជាក់ច្បាស់អំពីទីតាំងទូរសព្ទកំពុងស្ថិតនៅ។ ដូច្នេះ ម្ចាស់ទូរសព្ទងាយស្រួលតាមរកទូរសព្ទរបស់ខ្លួន និងអាចចាប់ជនល្មើសបាន។ លក្ខណៈសម្បត្តិពិសេសបំផុតរបស់ Lockwatch នោះគឺដាក់ឱ្យដំណើរការដោយពុំមានអ្នកណាដឹង ហើយទោះបីដោះសោមិនត្រូវ ក៏មិនបញ្ចេញសំឡេងដែរ ដូច្នេះចោរនឹងពុំបានដឹងអំពីមុខងារ និងសូម្បីតែកាមេរ៉ាមុខថតខ្លួនក៏ពុំដឹងផង។ សម្រាប់គន្លឹះលំអិតពីការប្រើ Lockwatch Anti-Theft Sabay នឹងចុះផ្សាយក្នុងពេលឆាប់ៗខាងមុខ។
៤ តាមដានឧបករណ៍របស់អ្នក៖

ជាមួយកម្មវិធី Prey Anti Theft កាន់តែពិសេសថែមទៀត ដោយអនុញ្ញាតឱ្យអ្នកអាចតាមដានទីតាំងទូរសព្ទរបស់អ្នកកំពុងស្ថិត នៅ ដោយបញ្ជាតាមទូរសព្ទមួយផ្សេងទៀត ទោះគ្មានអ៊ីនធឺណិតក៏បាន។ អ្នកអាចផ្ញើសារ SMS ពីទូរសព្ទដទៃដើម្បីទទួលបានទីតាំងទូរសព្ទបាត់។ មិនតែពុំនោះ អ្នកអាចបញ្ជាឱ្យដោះសោ ចាក់សោ បង្ហាញសារទៅកាន់អេក្រង់ទូរសព្ទដែលចោរបានលួច បញ្ចេញសំឡេងរោទ៍ ហើយថែមទាំងអាចលុបទិន្នន័យសំខាន់ៗពី device ចេញបាន។ សម្រាប់គន្លឹះពីកម្មវិធីនេះ Sabay នឹងធ្វើការចុះផ្សាយនៅពេលឆាប់ៗខាងមុខ។
៥ រឿងដែលគួរ ឬមិនគួរធ្វើនៅលើ Android Device៖
- មិនត្រូវទាញយកឯកសារភ្ជាប់មួយជាមួយ E-mail (attachement) ពីអ្នកមិនស្គាល់អត្តសញ្ញាណនោះឡើយ។
- គួរដំឡើងកម្មវិធីណាដែលមានការចាត់ចំណាត់ថ្នាក់ខ្ពស់ (rating) និងចំនួនទាញយកច្រើនគួរសមអាចចាត់ទុកជា app មានគុណភាពល្អ និងទុកចិត្តថាគ្មានបញ្ហាបាន។
- ប្រើ PIN/Password នៅលើ lockscreen
- មិនត្រូវប្រើ app ដោយភ្ជាប់ជាមួយគណនី Google, Facebook ឬ Twitter នោះឡើយ ប្រសិនពុំចាំបាច់ ដោយសារ app ខ្លះថែមទាំងឱ្យបំពេញព័ត៌មានលំអិតអំពីគណនី ដូច្នេះមិនគួរបំពេញតាមនោះឡើយ៕
សូមចុចអាន៖ ១០ចំណុចមើលដឹងថា កុំព្យូទ័រឆ្លងមេរោគឬអត់ និងវិធីងាយៗដើម្បីព្យាបាល!
ដោយ៖ ឈុន ហួរ

Tags: គន្លឹះខ្លីៗ, គន្លឹះខ្លីៗលើ Android, គន្លឹះខ្លីៗលើ Software, គន្លឹះខ្លីៗលើទូរសព្ទ

Galaxy S5 រាងអីចឹងមែន ស្រួលមិនស្រួលស៊ី iPhone 5S ទៀត!

កំពូល Smartphone ត្រកូល Galaxy របស់ Samsung ដែលនឹងស្ថិតក្រោមឈ្មោះ Galaxy S5 កន្លងមក មានព័ត៌មានជាច្រើនពាក់ព័ន្ធនឹងលក្ខណៈសម្បត្តិ ក៏ដូចជារូបគំរូរបស់វាជាហូរហែ។ ចំណែក លើកនេះ ក៏មិនខុសពីលើកមុនដែរ គឺជារូបគំរូយ៉ាងស្រស់ស្អាត។
អត្ថបទ៖ Samsung អះអាងទំហំកាមេរ៉ារបស់ S5 និង Note 4 ថាមាន 16MP

នេះគឺជារូបគំរូ GS5 ជាស្នាដៃឌីហ្សាញដោយអ្នករចនា Hasan Kaymak ដែលពីមុនលោកធ្លាប់បានឌីហ្សាញ Smartphone របស់ HTC។ រូបរាង GS5 នៅក្នុងរូបខាងលើនេះ មានលក្ខណៈស្រដៀងនឹង HTC One ដែរ ហើយមានគែមយ៉ាងស្ដើង មាន speaker ខាងមុខចំនួន២ (ស្រដៀងនឹង BoomSound របស់ HTC) សម្បកផលិតពីលោហធាតុរឹងមាំ ជ្រុងទូរសព្ទរាងកោង ហើយភ្ជាប់ជាមួយរន្ធ microUSB។
សមិទ្ធផលថ្មីរបស់ Samsung រំពឹងនឹងដំណើរការជាមួយ TouchWiz5 ប្រើ Android 4.4 KitKat ហើយមាន notification bar នៅលើ lockscreen មាន actionable notification អាចផុសឡើងនៅពីក្រោមរូបរបស់ user។ យ៉ាងណាក៏ដោយ នេះស្ថិតត្រឹមជារូបគំរូប៉ុណ្ណោះ ពុំមានការអះអាងចេញពីក្រុមហ៊ុន Samsung ឡើយ៕

តាមការរំពឹងទុកលក្ខណៈសម្បត្តិរបស់ Galaxy S5 ពីគេហទំព័រ simonlyradar.nl ថានឹងមាន៖

- អេក្រង់អាចមានទំហំ ៥អ៊ីញ ឬ ៥,២អ៊ីញ ប្រភេទ Super AMOLED រាងកោង
- CPU ប្រភេទ quad core ល្បឿន 2.7GHz
- RAM ទំហំ 3.5GB
- resolution ទំហំ 2560 x1440px
- Memory ម៉ាស៊ីនទំហំ 32GB/64GB
- កាមេរ៉ាទំហំ 16MP បច្ចេកវិទ្យា OIS
- បច្ចេកវិទ្យាថតវីដេអូកម្រិត 4K
- Full HD slow-motion ថតក្នុងកម្រិត 160fp
- កាមេរ៉ាមុខទំហំ 2.5MP
- ថ្មមានកម្រិតថាមពល 3500mAh
- USB 3.0
- TouchWiz 5
- ប្រព័ន្ធប្រតិបត្តិការ Android 4.4 KitKat

រង់ចាំអ៊ុតមើលទាំងអស់គ្នា តើ S5 មានរាងបែបណា ស្អាតប៉ុណ្ណា ពិសេសអស្ចារ្យជាង S4 យ៉ាងណាទៀត?
សូមចុចអាន៖ iPhone 6 និង Galaxy S5 កក្រើកឥតស្រាកតំណាលគ្នាម្ដង (មានវីដេអូ)
ប្រែសម្រួល៖ ឈុន ហួរ
ប្រភព & រូបភាព៖ phonearena

Tags: ព័ត៌មានជុំវិញ Galaxy S5, ព័ត៌មានបច្ចេកវិទ្យា, ព័ត៌មានពី Samsung

តាមការរំពឹងទុកលក្ខណៈសម្បត្តិរបស់ Galaxy S5 ពីគេហទំព័រ simonlyradar.nl ថានឹងមាន៖

២៥ សន្លឹករៀបរាប់ពីខ្សែជីវិត Steve Jobs តាំងពីចូល Apple រហូតអនិច្ចកម្ម

ពេលវេលាដែលស្ថាបនិកក្រុមហ៊ុន Apple លោក Steve Jobs បានឃ្លាតឆ្ងាយពីយើងលែងវិលត្រលប់ ពិតជារហ័សមែន គិតមកដល់ថ្ងៃទី៥ ខែតុលាកន្លងទៅនេះគឺគម្រប់ខួប ២ឆ្នាំ ហើយ។ មរណភាពរបស់អតីតនាយកប្រតិបត្តិក្រុមហ៊ុន Apple នៅ ២ឆ្នាំមុនបានធ្វើឱ្យអ្នកអភិវឌ្ឍកម្មវិធី (developers) និងបុគ្គលិកក្រុមហ៊ុន Apple រួមទាំងសាធារណជនគ្រប់ទិសទី ទាំងនៅអាមេរិក និងក្នុងពិភពលោកសោកសង្រេងជាពន់ពេក ព្រោះបាត់បង់ស្ថាបនិកផ្នែកបច្ចេកវិទ្យាដ៏មានសមត្ថភាពម្នាក់នេះ។
ខាងក្រោមនេះ គឺជារូបថតចំនួន ២៥ សន្លឹកដែលឆ្លុះបញ្ចាំងត្រួសៗពីខ្សែជីវិតរបស់ Jobs តាំងពីលោកឈានជើងចូល Apple នៅឆ្នាំ ១៩៧៦ រហូតដល់ទទួលអនិច្ចកម្មនៅឆ្នាំ ២០១១។
១. លោក Steve Jobs សហស្ថាបនិកក្រុមហ៊ុន Apple Inc បានចូលបម្រើការក្នុងមុខតំណែងជានាយកប្រតិបត្តិរបស់ Apple តាំងពីឆ្នាំ ១៩៧៦។ នៅទីនោះ លោករៀនសូត្របានបទពិសោធន៍ជាច្រើន ហើយក៏ចាត់ចូលជាបុគ្គលជោគជ័យនៅ Apple ផងដែរ។
អត្ថបទ៖ រកឃើញកំណប់របស់ Steve Jobs កាលពីជាង៣០ឆ្នាំមុន

២. បុគ្គលជោគជ័យ Steve Jobs បង្ហាញមុខលើឆាកកិត្តិយសទាំងវ័យក្មេងអាយុត្រឹមតែ ២២។ លោកមានវត្តមាននៅក្នុងសន្និសីទប្រចាំឆ្នាំ West Coast Computer Faire និងដែលជាពិព័រណ៍ពាណិជ្ជកម្មកុំព្យូទ័រ Apple II Computer ដែលប្រារព្ធធ្វើនៅក្នុងខែមេសា ឆ្នាំ ១៩៧៧។

៣. រយៈពេល ២-៣ឆ្នាំទៅមុខទៀតគឺ ១៩៨៤ Jobs និងប្រធានក្រុមហ៊ុន Apple លោក John Scully បានសម្ពោធចេញកុំព្យូទ័រ Macintosh ជំនាន់ដំបូង។ នោះជាពេលដែល Personal Computer ប្រើជាមួយ Mouse និងមាន GUI ចាប់ទទួលជោគជ័យដំបូងក្នុងមុខជំនួញរបស់ Apple។

៤. Steve Jobs មិនត្រឹមបង្កើនសក្ដានុពលរបស់ខ្លួននៅ Apple ប៉ុណ្ណោះទេ តែថែមទាំងបានបង្កើតក្រុមហ៊ុន NeXT Computer ក្នុងឆ្នាំ ១៩៨៥។

៥. Jobs កាន់តំណែងជានាយកប្រតិបត្តិក្រុមហ៊ុន NeXT Computer Corporation រហូតដល់ Apple ទិញយកក្រុមហ៊ុននេះក្នុង ឆ្នាំ ១៩៩៦។ នៅក្នុងរូបថតនេះ Jobs កំពុងស្ថិតនៅការិយាល័យរបស់លោកនៅក្នុងក្រុង Palo Alto រដ្ឋ California ក្នុងឆ្នាំ ១៩៩៥។

៦. នៅអាយុ ៤០ឆ្នាំ លោក Jobs បានក្លាយខ្លួនជាអ្នកមានទ្រព្យសម្បត្តិកំពូលនៅអាមេរិក ហើយទទួលបានកិត្តិសព្ទជាបុគ្គលបច្ចេកវិទ្យាឆ្នើមសំបូរដោយគំនិតច្នៃប្រឌិត។
អត្ថបទ៖ អតីតមិត្តស្រី Steve Jobs ទម្លាយរឿងសំងាត់ថា Jobs ជាតិមុនជា pilot សម័យសង្រ្គាមលោកលើកទីពីរ

៧. Steve បានចូលទៅបម្រើការនៅ Apple វិញ ដោយទទួលកាន់កាប់ផលិតផល Apple iMac ក្នុង ឆ្នាំ ១៩៩៨។ អក្សរ “i” មកពីពាក្យ Internet ហើយក៏សំដៅពាក្យ “individual” personal device។ អក្សរ “i” ត្រូវបានប្រើសំគាល់លើផលិតផលរបស់ Apple មួយចំនួនដូចជា iPhone, iPod និង iPad ជាដើម។

៨. Jobs ធ្វើបទបង្ហាញពីល្បឿនរបស់ម៉ាស៊ីន Macintosh G4 computer ថ្មីក្នុងឆ្នាំ ១៩៩៩ ដោយប្រើ animation trailer ពីខ្សែភាពយន្ត ‘Toy Story’។ នៅពេលនេះ Jobs ថែមជានាយកប្រតិបត្តិក្រុមហ៊ុនផលិតភាពយន្តប្រភេទ animation ឈ្មោះថា Pixar ដែលលោកបានទិញនៅឆ្នាំ ១៩៨៦។

៩. ការងារនៅក្នុងក្រុមហ៊ុន Pixar Animation Studios លោក Jobs និង Ed Catmull និង John Lassiter បានទទួលពានរង្វាន់ផលិតករឆ្នើមប្រចាំឆ្នាំ ដែលប្រារព្ធធ្វើនៅថ្ងៃទី ៣ ខែមីនា ឆ្នាំ២០០២។
អត្ថបទ៖ Steve Jobs បានពានកិត្តិយស Grammy!

១០. នេះជារូបថតរបស់ Jobs ថតជាមួយភរិយារបស់លោក គឺលោកស្រី Laurene និង Rob Cook បុគ្គលិកនៅ Pixar ក្នុងកម្មវិធីពានរង្វាន់ប្រចាំឆ្នាំ Academy ប្រចាំឆ្នាំ ២០០៥។

១១. ភាពជោគជ័យរបស់ Apple នៅតែបន្តពង្រីកតាមរយៈការចេញផលិតផលថ្មីបន្ថែមទៀត ជាក់ស្ដែងឧបករណ៍ស្ដាប់តន្ត្រី “MP3 Player” គឺ iPod ជំនាន់ដំបូង ដែលត្រូវបានប្រកាសចេញផ្លូវការនៅឆ្នាំ ២០០១។
អត្ថបទ៖ ហេតុអ្វីSteve Jobsជិះឡានគ្មានស្លាកលេខ?

១២. បន្ទាប់ពី iPod បានបើកសករាជថ្មីហើយ Apple បន្តអភិវឌ្ឍ Powerbook G4 អេក្រង់ ១៧អ៊ីញ។ ពេលនោះ Jobs ជាអ្នកឡើងធ្វើបទបង្ហាញពីលក្ខណៈសម្បត្តិសំខាន់ៗរបស់ Laptop ថ្មីនេះក្នុងព្រឹត្តិការណ៍ Macworld ដែលប្រារព្ធនៅសាន់ហ្វ្រាន់ស៊ីស្កូនៅថ្ងៃទី៧ ខែមករា ឆ្នាំ២០០៣។

១៣. នៅឆ្នាំ ២០០៤ Apple បានបញ្ចេញកម្មវិធី iTunes ដែលជាផលិតផលថ្មីមួយរបស់ខ្លួន។ ក្នុងរូបថតនេះ Jobs ពន្យល់ពីការប្រើប្រាស់ iTunes ដល់តារាចម្រៀង R&B Alicia Keys ក្នុងឆ្នាំ ២០០៤។
ដឹងអត់ថា Steve Jobs ធ្លាប់សេពគ្រឿងញៀន សូម ចុចត្រង់នេះ ដើម្បីអានលំអិត …

១៤. ក្នុងរូបថតនេះ Jobs បានចូលរួមកម្មវិធី U2 អំឡុងពេលប្រកាសចេញត្រកូល iPod ជំនាន់ថ្មីក្នុងឆ្នាំ ២០០៤។ ស៊េរី iPod សព្វថ្ងៃរួមមាន iPod classic, iPod shuffle, iPod touch និង iPod nano។

១៥. Steve Jobs ឡើងប្រកាស iPod Nano ជំនាន់ដំបូងក្នុងឆ្នាំ ២០០៥។ Device ជំនាន់ដំបូងនេះមាន Memory ម៉ាស៊ីន 2GB ដែលអាចផ្ទុកបទចម្រៀងប្រហែល ៥០០បទ ចំណែក Memory 4GB អាចផ្ទុកចម្រៀងរហូតដល់ ១០០០បទ។

១៦. នៅក្នុងឆ្នាំ ២០០៥ Jobs ថែមទាំងបានចូលរួមទទួលទានអាហារពេលល្ងាចជាមួយបុគ្គលដ៏ជោគជ័យ ក្នុងផ្នែកពាណិជ្ជកម្មគឺព្រះអង្គម្ចាស់ Charles របស់ប្រទេស Wales។ លុះរយៈពេល ២ឆ្នាំក្រោយមកទៀត Jobs ត្រូវបានទស្សនាវដ្ដី Fortune ហៅថាជាបុគ្គលមានសមត្ថភាពបំផុតក្នុងមុខជំនាញ។

១៧. Apple បន្តអភិវឌ្ឍផលិតផលថ្មីៗរួមមានទាំងកុំព្យូទ័រ ដែលឌីហ្សាញឱ្យរឹតតែមានទំហំតូចជាងមុន ល្អជាងមុន។ រូបមួយសន្លឹកនេះ គឺ Jobs កំពុងប្រកាសម៉ាស៊ីន Mac mini ដែលបំពាក់ Intel Core Duo processor អំឡុងព្រឹត្តិការណ៍ដ៏ពិសេសរបស់ Apple ក្នុងឆ្នាំ ២០០៦។

១៨. ព្រឹត្តិការណ៍ក្រោយមកទៀត កាន់តែធំ និងឱឡារិកជាងមុន គឺនៅឆ្នាំ ២០០៧ Apple បានផលិត Smartphone ដាក់ឈ្មោះថា iPhone។ រូបថតនេះ លោក Jobs ឡើងធ្វើបទបង្ហាញពី iPhone ជំនាន់ដំបូងគឺ iPhone 2G ឬ iPhone Original ស្របពេលចេញ iPod touch ដំបូងផងដែរ។
អត្ថបទ៖ តើ Steve Jobs និយាយអ្វីពេលសម្ពោធ iPhoneដំបូង?

១៩. iPod touch ចេញលក់ចុងឆ្នាំ ២០០៧ ទទួលបានការគាំទ្រធ្វើឱ្យ Steve Jobs កាន់តែល្បីរន្ទឺ។

២០. Steve Jobs លើកស្ទួយ Laptop ស្ដើងជាងគេលើលោក គឺ MacBook Air ក្នុងព្រឹត្តិការណ៍ MacWord ឆ្នាំ ២០០៨។ កុំព្យូទ័រនេះ មានកម្រាស់មិនដល់ ១អ៊ីញ ឬ ២,៥សម មាន hard disk ទំហំ 80GB។

២១. ចុងឆ្នាំ ២០០៨ លោក Jobs និងនាង Gwen Stefani អ្នកចម្រៀង និងជាអ្នកសរសេរបទចម្រៀងអាមេរិក មានវត្តមានរួមគ្នាក្នុងកម្មវិធី Spirit Of Life Award Dinner នៅខែតុលា។ ព្រឹត្តិការណ៍នេះក្នុងគោលបំណងដើម្បីយកប្រាក់ឧបត្ថម្ភដល់ការ ស្រាវជ្រាវរបស់ City of Hope ប្រយុទ្ធប្រឆាំងនឹងជំងឺមួយចំនួនដូចជា មហារីក និងជំងឺទឹកនោមផ្អែមជាដើម។

២២. Steve Jobs បានវិលត្រលប់ទៅធ្វើការវិញ ក្រោយពេលវះកាត់ប្ដូរថ្លើម។

២៣. iPad ប្រមាណ ៣ ទៅ ៤លានគ្រឿងត្រូវបានលក់ចេញក្នុងរយៈពេលតែ ៨០ថ្ងៃដំបូង។ នៅចុងឆ្នាំ ២០១០ កាសែត Financial Time បានដាក់ឈ្មោះឱ្យ Jobs ថាមនុស្សឆ្នើមប្រចាំ “Person of the year”។

២៤. ឆ្នាំបន្តបន្ទាប់មក Jobs បានបង្ហាញសេវាកម្ម iCloud នៅក្នុងសន្និសីទ developer ទូទាំងពិភពលោកដែលហៅកាត់ថា WWDC នៅក្នុងខែមិថុនា ឆ្នាំ ២០១១។ ក្នុងឆ្នាំដដែលនោះ Apple បានលាឈប់ពីតំណែងជានាយកប្រតិបត្តិរបស់ Apple នៅខែសីហា។

២៥. Steve Jobs លាលែងតំណែងមិនដល់ ២ខែផង បុគ្គលដ៏ឆ្នើមដែលមានសមត្ថភាពកែប្រែពិភពលោកលើផ្នែកបច្ចេកវិទ្យា នេះក៏បានទទួលអនិច្ចកម្មនៅថ្ងៃទី ០៥ ខែតុលា ឆ្នាំ២០១១ ក្រោយ Apple ប្រកាស iPhone 4S បាន ១ថ្ងៃ (គឺនៅថ្ងៃទី ០៤-តុលា-២០១១)។ វែបសាយរបស់ Apple បានបង្ហោះសាររំលែកទុក ចូលរួមសោកស្ដាយក្រៃលែងព្រោះបុគ្គលដែលមានគំនិតច្នៃប្រឌិតកំពូលលើ លោកម្នាក់នេះទៅដោយលែងវិលត្រលប់វិញហើយ៕

អត្ថបទ៖ អ្នកណាខ្លះចូលរូមរំលែកទុក្ខមរណភាពSteve Jobs?

អត្ថបទ៖ រំលឹកខួបមរណភាព ២ឆ្នាំរបស់លោក Steve Jobs

អត្ថបទ៖ ការពិតរបស់Steve Jobs!

ប្រែសម្រួល៖ ឈុន ហួរ
ប្រភព & រូបភាព៖ howstuffworks

Tags: Steve Jobs, ព័ត៌មានបច្ចេកវិទ្យា

ឆ្នាំដែល Steve Jobs ប្រកាស iPhone ទី១ ធ្វើឱ្យ Google ព្រលឹងចុងសក់

ប្រិយមិត្តដឹងទេថា ទូរសព្ទទំនើបពោរពេញដោយបច្ចេកវិទ្យាសំបូរបែប បញ្ជាដោយ touchscreen ដូចសព្វថ្ងៃ តើចាប់អភិវឌ្ឍតាំងពីពេលណាទេ? នេះគឺត្រូវនិយាយតាំងពីសម័យ iPhone ជំនាន់ដំបូងបង្អស់របស់ Apple។ នៅចាំកាលបរិច្ឆេទលោក Steve Jobs ប្រកាស iPhone 2G ពេលនោះគឺនៅអំឡុងខែមករា ឆ្នាំ២០០៧ ដែលធ្វើឱ្យបណ្ដាសាធារណជនទូទាំងសកលលោកមានការភ្ញាក់ផ្អើលជាមួយ បច្ចេកវិទ្យាទំនើបប្រើ touchscreen ក្នុងការបញ្ជានេះយ៉ាងខ្លាំង។
អត្ថបទ៖ កំពូល Smartphone ខ្លាំងៗប្រចាំឆ្នាំ២០១៣

លោក Steve Jobs នៅពេលប្រកាស iPhone 2G ឬ iPhone Original ក្នុងឆ្នាំ២០០៧

គ្រានោះ ខណៈដែលក្រុមហ៊ុនទូរសព្ទផ្សេងៗមិនសូវចាប់អារម្មណ៍ដោយមិនយកចិត្ត ទុកដាក់រៀបចំយុទ្ធសាស្ត្រថ្មីៗដើម្បីប្រកួតប្រជែងនឹង Apple តែ Google មិនដូច្នោះឡើយ។ ក្រុមហ៊ុនស្វែងរុករកដ៏ធំរបស់អាមេរិក (Google) ហាក់ញាក់សាច់នឹង device ថ្មីមួយនេះយ៉ាងខ្លាំង ហើយចាប់ពីពេលនោះបានខិតខំស្រាវជ្រាវរបកគំហើញបច្ចេកវិទ្យាថ្មីៗ ដើម្បីយកមកទប់ទល់នឹង Apple។ នៅអំឡុងពេលនោះ ក្រុមហ៊ុន Samsung មានសន្ទុះអភិវឌ្ឍន៍យ៉ាងខ្លាំង រីឯ BlackBerry និង Nokia ការលូតលាស់មានសភាពយឺតយ៉ាវ។
អត្ថបទ៖ Steve Jobsមានអាថ៌កំបាំងអ្វីខ្លះ

Google ម្ចាស់ថ្មីនៃប្រព័ន្ធប្រតិបត្តិការ Android ដែលបានទិញយកតាំងពីខែកក្កដា ឆ្នាំ២០០៥ គឺជាក្រុមហ៊ុនដំបូងគេដែលចោលក្រសែភ្នែកមើល iPhone ជាទូរសព្ទទំនើបមិនធម្មតា។ នៅមុនពេលលោក Steve Jobs ប្រកាសចេញ iPhone 2G លោក Chris DeSalvo វិស្វកររបស់ Google បានបញ្ចេញចំណាប់អារម្មណ៍ថា ក្រុម Android team ត្រូវតែធ្វើអ្វីម្យ៉ាងដើម្បីឈានឱ្យបានមុនមួយជំហានលើទូរសព្ទ របស់ Apple។ មុន iPhone ជំនាន់ដំបូងចេញ ៦ខែ លោក DeSalvo លោក Andy Rubin ប្រធានផ្នែកប្រព័ន្ធប្រតិបត្តិការ Android និងសមាជិក Android team ទាំងអស់ បានចាប់អភិវឌ្ឍទូរសព្ទសម្រាប់តម្រូវជាមួយ Android OS ហើយមានគម្រោងប្រកាសជាផ្លូវការនៅចុងឆ្នាំ២០០៧។
អត្ថបទ៖ រកឃើញកំណប់របស់ Steve Jobs កាលពីជាង៣០ឆ្នាំមុន

សំណាងមិនល្អ រាល់គម្រោងរបស់ Google ត្រូវបានលុបចោលដោយសារវត្តមានរបស់ iPhone។ គ្រានោះក្រុមការងារ Android ក៏បានប្រញាប់ផ្ដោតយកចិត្តទុកដាក់យ៉ាងខ្លាំងអភិវឌ្ឍទូរសព្ទបញ្ជា ដោយ touchscreen។ លុះរហូតដល់ឆ្នាំ ២០០៨ ទើប Google និង HTC បានចាប់ដៃគ្នាបង្កើតសមិទ្ធផល Android Smartphone ឈ្មោះថា HTC Dream (ឬ T-Mobile G1 ប្រើ Android 1.6 Donut) មុន iPhone ជំនាន់ទី២ (iPhone 3G) ប៉ុន្មានខែ។ ទោះជាយ៉ាងណា HTC Dream ហាក់ពុំទទួលបានការគាំទ្រខ្លាំងដូច iPhone ឡើយ៕
ចំពោះប្រិយមិត្តវិញតើយល់យ៉ាងណាចំពោះគ្រប់ម៉ូដែល iPhone? តើក្នុងក្រអៅចិត្តរបស់ប្រិយមិត្ត iPhone ជាកំពូលដួងចិត្ត ឬយ៉ាងណា? តើអនាគតក្រុមហ៊ុនល្បីៗដូចជា Samsung, LG, Microsoft … អាចបំបាក់ Apple ឱ្យបាក់ស្បាតបានដែរឬទេ?
សូមចុចអាន៖ ២៥ សន្លឹករៀបរាប់ពីខ្សែជីវិត Steve Jobs តាំងពីចូល Apple រហូតអនិច្ចកម្ម
ប្រែសម្រួល៖ ឈុន ហួរ
ប្រភព & រូបភាព៖ mashable, gsmarena, image1.jpg

Tags: ព័ត៌មានបច្ចេកវិទ្យា, ព័ត៌មានពី Google

សរុបព្រឹត្តិការណ៍ធំៗ ទាំងSW-HW ទំនើបៗប្រចាំ ២០១៣

ពិតណាស់ បច្ចេកវិទ្យាមិននៅនឹងថ្កល់នោះទេ រាល់សម្ភារៈអេឡិចត្រូនិកទាំងឡាយដែលបង្កើតចេញមកគឺសុទ្ធតែមានចំណុច ពិសេសៗ មុខងារជាច្រើនដើម្បីផ្ដល់ភាពងាយស្រួលដល់អ្នកប្រើប្រាស់។ ដើម្បីដឹងច្បាស់ថា មួយឆ្នាំពេញឆ្នាំ ២០១៣ នេះ តើបច្ចេកវិទ្យាអភិវឌ្ឍដល់កម្រិតណានោះ Sabay សូមសរុបព្រឹត្តិការណ៍ធំៗដោយសង្ខេបជូនដល់ប្រិយមិត្តដែលបណ្ដា ក្រុមហ៊ុនបច្ចេកវិទ្យាល្បីៗមានដូចជា Apple, Samsung, LG, Sony, Nokia … បើកសម្ពោធសមិទ្ធផលដែលជាស្នាដៃរៀងៗខ្លួនដូចតទៅ៖
@ ចាប់ពីថ្ងៃទី៨ ដល់ទី ១១ខែមករា៖ ពិព័រណ៍ផលិតផលបច្ចេកវិទ្យា CES 2013៖

ព្រឹត្តិការ CES 2013 ឆ្នាំនេះមានការចូលរួមពីបណ្ដាក្រុមហ៊ុនល្បីៗជាច្រើនលើពិភពលោក រហូតជាង ៣០០០ក្រុមហ៊ុនឯណោះ សុទ្ធតែបានបង្ហាញផលិតផលបច្ចេកវិទ្យាថ្មីៗទំនើបៗបំពាក់ដោយ បច្ចេកវិទ្យាចុងក្រោយរៀងៗខ្លួនមិនចាញ់គ្នាប៉ុន្មានឡើយ។ ផលិតផលចេញថ្មីដែលគេចាត់ថ្នាក់ឱ្យទាំង ១០រួមមាន៖

១. Nvidia’s Project Shield៖ ឧបករណ៍ សម្រាប់លេងហ្គេមកម្សាន្ត មានអេក្រង់ទំហំ ៥អ៊ីញ (1280 x720px) អាចលេងបានជាមួយប្រភេទហ្គេមដែលដំណើរការលើ Android OS និងកុំព្យូទ័របាន។

២. Qualcomm Snapdragon 800៖ បន្ទះ chip ជំនាន់ថ្មីរបស់ Qualcomm ជួយបង្កើនសមត្ថភាពដល់ device អាចថត និងចាក់វីដេអូបានយ៉ាងច្បាស់កម្រិត Ultra High Def 4K (4096 x2304px)។ គាំទ្រ CPU ប្រភេទ Krait 400 quad-core ល្បឿនដល់ 2.3GHz បាន។

៣. Sony Xperia Z៖ ទូរសព្ទ ទំនើបមិនចូលទឹករបស់ Sony នេះបំពាក់បច្ចេកវិទ្យាថតរូបយ៉ាងមានគុណភាពខ្ពស់ high dynamic range (HDR) និង Exmor RS camera sensor ដែលធ្វើឱ្យគុណភាពរូបច្បាស់ និងពន្លឺភ្លឺល្អទៀតផង។ នៅមានបច្ចេកវិទ្យា Battery Stamina Mode ដែលក្រុមហ៊ុនអះអាងថា ជួយសន្សំសំចៃថ្មីក្នុងពេល standby បានដល់ទៅ ៤០០%។ អេក្រង់ប្រើបច្ចេកវិទ្យា Mobile Bravia Engine 2។

៤. Samsung Youm៖ ជាបច្ចេកវិទ្យាអេក្រង់ OLED ដែលអាចពត់ពែនបាន។ ទោះជាយ៉ាងណា កញ្ចក់នេះស្ថិតនៅត្រឹមជាគំរូប៉ុណ្ណោះ តែក្រុមហ៊ុន Samsung សន្យា នឹងអភិវឌ្ឍ Youm ឱ្យបានជាមួយសមត្ថភាពខ្ពស់បន្ថែមទៀត ដើម្បីបំពាក់លើ Smartphone/Tablet។

៥. Panasonic 56-inch 4K OLED TV៖ ទូរទស្សន៍ដ៏ទំនើបរបស់ Sony នេះផ្ដល់រូបភាពច្បាស់ល្អ ត្រជាក់ភ្នែកជាមួយអេក្រង់ទំហំ ៥៦អ៊ីញ គាំទ្រកម្រិត 4K resolution។ ចំនួន frame យ៉ាងច្រើនអាចបង្ហាញក្នុងរយៈពេល១នាទីគឺចន្លោះ 30fps ទៅ 60fps។ រីឯកម្រាស់វិញយ៉ាងស្ដើងមិនដល់កន្លះអ៊ីញផងគឺ ១,២សង់ទីម៉ែត្រប៉ុណ្ណោះ។

៦. Valve Stream Box៖ ឧបករណ៍ សម្រាប់លេងហ្គេមប្រភេទ PC Box មានឈ្មោះថា Piston។ ផលិតផលនេះជាគម្រោងរបស់ក្រុមហ៊ុនអាមេរិកបង្កើតវីដេអូហ្គេម Valve។ Piston អាចឱ្យគេលេងហ្គេមបានច្រើនរាប់ពាន់ហ្គេមឯណោះ។

៧. FitBit Flex៖ ជា ខ្សែដៃទំនើបមានសមត្ថភាពដុតបំផ្លាញកាឡូរីដែលជៀសវាងពីជំងឺធាត់ និងធ្វើឱ្យអ្នកពាក់គេងលក់បានស្រួល។ មិនតែប៉ុណ្ណោះក៏អាចកត់ត្រាសកម្មភាពប្រចាំថ្ងៃរបស់អ្នកពាក់ ចូលទៅ Smartphone ដោយភ្ជាប់តាម Bluetooth 4.0។ FitBit នេះអាចបង្ហាញពីចម្ងាយផ្លូវធ្វើដំណើររបស់អ្នកទៅលើអេក្រង់ Smartphone។

៨. Peble Smarwatch៖ នាឡិកាដៃទំនើបអាចភ្ជាប់ជាមួយ Smartphone តាម Bluetooth ដើម្បីងាយស្រួលបញ្ជាសកម្មភាពនៅលើ Smartphone ដូចជា៖ បង្ហាញសារទូរសព្ទ និងហៅទូរសព្ទចេញ/ចូល ដោយគ្រាន់តែបញ្ជានៅលើអេក្រង់នាឡិកា។ Peble ក៏អាចគ្រប់គ្រងការចាក់តន្ត្រីនៅលើទូរសព្ទបានទៀតផង។

៩. Oculus Rift៖ អាចនិយាយបានថាជាអេក្រង់សិប្បនិមិត្តសម្រាប់ពាក់លេងហ្គេម។ អ្នកប្រើអាចលេងហ្គេមបានយ៉ាងជក់ចិត្ត ជាមួយរូបភាព 3D នៃទិដ្ឋភាពហ្គេមដែលទទួលអារម្មណ៍ដូចកំពុងស្ថិតនៅពិភពខាងក្រៅ ពិតៗអីចឹងដែរ។ ឧបករណ៍នេះមាន resolution 1280 x800px។

១០. Panasonic 4K Tablet៖ Tablet ទំនើបអេក្រង់ ២០អ៊ីញ (3840 x2560px) ភ្ជាប់បច្ចេកវិទ្យា 10-point-touch ដំណើរការដោយ Windows 8 បំពាក់ CPU Intel core i5 3427U vPro ល្បឿន 1.8GHz RAM ទំហំ 4GB ក្រាហ្វិក Nvidia GeForce។

អានព័ត៌មានទាក់ទងនឹង CES 2013 សូម ចុចត្រង់នេះ …

@ចាប់ពីថ្ងៃទី២៥ ដល់ទី២៨ ខែកុម្ភៈ៖ សមាជទូរសព្ទពិភពលោក (Mobile World Congress)

MWC រៀបចំឡើងដោយសមាគម GM។ សម្រាប់ MWC ឆ្នាំ២០១៣ ត្រូវបានប្រារព្ធរយៈពេល ៤ថ្ងៃ ចាប់ពីថ្ងៃទី ២៥ ដល់ទី ២៨ ខែកុម្ភៈឆ្នាំ ២០១៣ នៅតំបន់ Fira Gran Via ស្ថិតក្នុងទីក្រុង ប៉ាសេឡូណា ប្រទេសអេស្ប៉ាញ។ ក្រុមហ៊ុនចូលរួមតាំងបង្ហាញផលិតផលនាឱកាស MWC ក្នុងឆ្នាំនេះ មានប្រមាណ ១៥០០ ក្រុមហ៊ុន ដែលបានបង្ហាញផលិតផលបច្ចេកវិទ្យាថ្មីៗរបស់ខ្លួន។ ខាងក្រោមនេះ ជាផលិតផលបច្ចេកវិទ្យាដែលលេចធ្លោជាងគេក្នុងព្រឹត្តិការណ៍ MWC 2013៖

១. Optimus G Pro៖ ជាប់ជា Smartphone ល្អបំផុតសម្រាប់ព្រឹត្តិការណ៍ MWC 2013 ដោយមានសមត្ថភាពដំណើរការខ្ពស់។ លក្ខណៈសម្បត្តិល្អៗជាច្រើនដូចជា៖ អេក្រង់ ៥,៥អ៊ីញផ្ដល់គុណភាពរូប និងពន្លឺភ្លឺត្រជាក់ភ្នែកជាមួយបច្ចេកវិទ្យា Zero Gap Touch។ ក្រៅពីនេះមាន RAM ទំហំ 2GB, CPU quad-core ល្បឿន 1.7GHz។ ពិសេសទៀតនោះ Optimus G Pro ភ្ជាប់មកជាមួយកាមេរ៉ាមុខ/ក្រោយ ទំហំ (13MP/2.1MP) ដែលអាចផ្ដិតយករូបភាពបានក្នុងពេលតែមួយ និងមានមីក្រូហ្វូនចំនួន ៣។

២. Sony Xperia Tablet Z៖ ជាប់ជា Tablet ល្អបំផុតនៅ MWC 2013 ដោយបំពាក់បច្ចេកវិទ្យាទំនើបចុងក្រោយរបស់ Sony ទៅលើកាមេរ៉ា អេក្រង់ ថ្ម សំឡេងយ៉ាងអស្ចារ្យ បូករួមបច្ចេកវិទ្យាមិនជ្រាបទឹកធន់ជម្រៅបាន ១ម៉ែត្របានរយៈពេល ៣០នាទី។ លក្ខណៈសម្បត្តិរួមមាន អេក្រង់ ១០អ៊ីញ (1920 x1200px) CPU quad-core ល្បឿន 1.5GHz និង RAM 2GB។ ក្រៅពីនេះនៅមានបច្ចេកវិទ្យា៖

- បច្ចេកវិទ្យាកាមេរ៉ា “Exmor RS camera sensor និង High Dynamic Range (HDR)” ថតរូបបានកាន់តែច្បាស់។
- បច្ចេកវិទ្យាអេក្រង់ Mobile BRAVIA Engine 2 ធន់នឹងស្នាមឆ្កូតយ៉ាងមានប្រសិទ្ធភាព
- បច្ចេកវិទ្យាមិនជ្រាបទឹកដែលធន់នឹងជម្រៅបាន១ម៉ែត្ររយៈពេល ៣០នាទី
- បច្ចេកវិទ្យាសំឡេង Clear Audio ដែលធ្វើឱ្យសំឡេងឮច្បាស់ល្អ ជាពិសេសមានប្រយោជន៍នៅពេលសន្ទនាទូរសព្ទដោយបន្ថយសំឡេងរំខានបាន យ៉ាងល្អ។
- បច្ចេកវិទ្យាថ្ម Battery Stamina Mode ដែលនឹងជួយសន្សំសំចៃរយៈពេល standby បានកាន់តែយូរ។

៣. HTC One៖ ជាប់ជា ទូរសព្ទដែលមានការឌីហ្សាញរូបរាងបានស្អាតជាងគេនៅ MWC 2013។ ក្នុងនោះ HTC One មានលក្ខណៈពិសេសគឺ ត្រូវបានបំពាក់បច្ចេកវិទ្យាអេក្រង់ទំនើប HTC Sense UI v5ជាមួយដង់ស៊ីតេភិចហ្សែលខ្ពស់រហូតដល់ 469ppi កម្រឃើញឃើញ Smartphone សព្វថ្ងៃមានស្មើ។ អេក្រង់ One មានទំហំ ៤,៧អ៊ីញ (1080 x1920px) CPU quad-core ល្បឿន 1.7GHz RAM ទំហំ 2GB ហើយ Memory ម៉ាស៊ីនទំហំ 32GB/64GB (មិនអាចបន្ថែមកាតមេម៉ូរី)។ បច្ចេកវិទ្យាទំនើបៗមាននៅលើ HTC One រួមមាន៖

- បច្ចេកវិទ្យាអេក្រង់ HTC Sense UI v5 ជាមួយដង់ស៊ីតេភិចហ្សែលខ្ពស់រហូតដល់ 469ppi ដែលកម្រឃើញ smartphone ណាមានដូច។
- បច្ចេកវិទ្យាកាមេរ៉ា UltraPixel Camera និង High Dynamic Range (HDR) ថតរូបបានកាន់តែច្បាស់។
- បច្ចេកវិទ្យាសំឡេង BoomSound៖ មិនតែប៉ុណ្ណោះ ម៉ូដែលថ្មីរូបរាងឡូយនេះបានបំពាក់នូវបច្ចេកវិទ្យាសំឡេង BOOMSOUND ដែលនឹងជួយគ្រប់គ្រងសំឡេង stereo ឱ្យរឹតតែច្បាស់យ៉ាងពីរោះ។

ក្នុងឱកាសសមាជ MWC ឆ្នាំ២០១៣នេះ ក៏មានការប្រកាសពានរង្វាន់ Smartphone និង Tablet ស៊េរីមុនៗរបស់ក្រុមហ៊ុនទូរសព្ទផ្សេងៗគ្នា ដែលទទួលបានជោគជ័យ ទាំងប្រជាប្រិយភាព និងការនាំចេញលក់។ ការប្រកាសពានគឺធ្វើឡើងដោយសមាគម GSMA ផ្ដោតយ៉ាងសំខាន់គឺទៅលើទូរសព្ទដែលមានលក្ខណៈសម្បត្តិដូចជា៖ device ដែលល្អជាងគេ, មានកម្មវិធីប្រើប្រាស់ល្អជាងគេ និងបច្ចេកវិទ្យាទំនើបចុងក្រោយដែលមានប្រយោជន៍ច្រើនជាងគេ។

- Nokia Asha 305 ជាប់ជាទូរសព្ទដៃធុនមធ្យមដែលបានការពេញនិយមយ៉ាងខ្លាំងបំផុត បើប្រៀបធៀបនឹងស៊េរីទូរសព្ទដៃប្រភេទធុនមធ្យមដូចគ្នារបស់ ក្រុមហ៊ុនដទៃទៀត។

- Samsung Galaxy S III ជាប់ជា Smartphone ល្អជាងគេ ដែលបំបែកកំណត់ត្រាលក់ដាច់យ៉ាងខ្លាំងគិតចាប់ពីពេលចេញលក់ដំបូង នៅអំឡុងពាក់កណ្ដាលឆ្នាំ ២០១២ រហូតដល់ខែកុម្ភៈឆ្នាំ២០១៣។

- Nexus 7 សមិទ្ធផលជាការចូលរួមរវាង Google និង Asus ជាប់ជា Tablet ដែលទទួលបានប្រជាប្រិយភាពខ្លាំង និងលក់ដាច់ច្រើនជាង tablet ដទៃចាប់តាំងពីចេញលក់នៅអំឡុងខែវិច្ឆិកា ឆ្នាំ២០១២ កន្លងទៅរហូតដល់ខែកុម្ភៈឆ្នាំ២០១៣។

អានព័ត៌មានពី MWC 2013 សូម ចុចត្រង់នេះ …

@ ចាប់ពីថ្ងៃទី៤ ខែមិថុនា ដល់ទី៨ ខែមិថុនា៖ ពិព័រណ៍ Computex៖

មានការចូលរួមពីបណ្ដាក្រុមហ៊ុនធំៗ ទូទាំងពិភពលោកមកតាំងបង្ហាញផលិតផលបច្ចេកវិទ្យាទំនើបៗថ្មីៗ ប្រារព្ធធ្វើនៅទីក្រុងតៃប៉ិ កោះតៃវ៉ាន់។ ពិព័រណ៍មួយឆ្នាំមានម្ដងនេះ រៀបចំឡើងដោយក្រុមប្រឹក្សាអភិវឌ្ឍពាណិជ្ជកម្មតៃវ៉ាន់ Taiwan External Trade Development Council (TAITRA) និង សមាគម Taipei Computer Association (TCA)។

នាឱកាសតាំងបង្ហាញផលិតផលចេញថ្មី ក្រុមហ៊ុនក្នុងស្រុកដែលបានចូលរួមរួមមាន៖ Acer, Asus, Transcend, GIGABYTE, MSI, A-Data និងល្បីៗជាច្រើនទៀត។ រីឯក្រុមហ៊ុនក្រៅស្រុករួមមាន៖ AMD, Ford, Intel, Microsoft, NVIDIA, SanDisk និង TP-Link ជាដើម។

- ផលិតផលបច្ចេកវិទ្យាដែលគួរចាប់អារម្មណ៍នៅ Computex 2013 រួមមាន៖

១. Sony Vaio Duo 13 Slider Hybrid៖ ជា Ultrabook ស៊េរីថ្មីត្រូវបានឌីហ្សាញរូបរាងយ៉ាងឡូយស្អាត ស្ដើងគួរឱ្យទាក់ចិត្តចង់ប្រើ។ នៅលើ Vaio Dua បានបំពាក់បច្ចេកវិទ្យាកាមេរ៉ា Exmor RS ជួយបង្កើនគុណភាពក្នុងការថតរូបបានច្បាស់ល្អជាមួយកាមេរ៉ាទំហំ 8MP។ រីឯសម្បករបស់ Ultrabook នេះផ្សំឡើងពីសារធាតុកាបូនហ្វៃប៊ឺ (Carbon Fiber) ជួយកាត់បន្ថយទម្ងន់ឱ្យកាន់តែស្រាល និងមានកម្រាស់ស្ដើងត្រឹមតែ ១,៩សង់ទីម៉ែត្រងាយស្រួលយកតាមខ្លួន។

ក្រៅពីមានលក្ខណៈដូចខាងលើហើយនោះ Ultrabook ស៊េរីថ្មីនេះនៅមានលក្ខណៈសម្បត្តិគួរចាប់អារម្មណ៍ជាច្រើនទៀតដូចជា៖

- អេក្រង់ប្រភេទ IPS touchscreen ទំហំ ១៣អ៊ីញ resolution 1920x1080px ជាមួយបច្ចេកវិទ្យាអេក្រង់ Triluminos ដែលធ្លាប់តែមាននៅលើទូរទស្សន៍ Bravia TV
- ភ្ជាប់ជាមួយកាមេរ៉ាក្រោយទំហំ 8MP ប្រើបច្ចេកវិទ្យាកាមេរ៉ា Exmor RS ជួយបង្កើនគុណភាពរូបបានកាន់តែច្បាស់ល្អ (ថតរូបក្នុង resolution ទំហំ 2560x1440px និងវីដេអូបាន 1080p) និង Webcam (កាមេរ៉ាមុខ) ទំហំ 2MP
- ប្រព័ន្ធប្រតិបត្តិការ Windows 8
- CPU ប្រភេទ Core i5 Haswell ល្បឿន 1.6GHz
- ក្រាហ្វិក HD Graphics 4400
- RAM ទំហំ 4GB/8GB
- ផ្ទុកទិន្នន័យនៅលើ SSD ទំហំ 128GB (អាចបន្ថែមដល់ 512GB)
- Keyboard មានភ្លើង Backlit
- Speaker ប្រភេទ Stereo
- តំណភ្ជាប់៖ រន្ធ HDMI, USB 3.0 ចំនួន២, SD card slot, Bluetooh 4.0, Wi-Fi 802.11 a/b/g/n
- មាន NFC
- ថ្មមានកម្រិតថាមពល 6320mAh ប្រើកាន់បាន ៨ម៉ោង
- តម្លៃ ១៤០០ដុល្លារអាមេរិក

២. Acer Iconia W3៖ មាន អេក្រង់ទំហំ ៨,‌១អ៊ីញប្រភេទ LCD touchscreen ដំណើរការដោយប្រព័ន្ធប្រតិបត្តិការ Windows 8។ Tablet នេះមានកាមេរ៉ា 2MP បំពាក់ CPU ប្រភេទ quad core Intel/Cloverview/AtomZ27690 ល្បឿន 1.8GHz មាន Memory ម៉ាស៊ីន 32GB/64GB (អាចបន្ថែម microSD បាន)។ តម្លៃប្រហែល ៣៥០ដុល្លារ។

៣. Gigabyte ចេញ Smartphone ម្ដង ៣ម៉ូដែលឈ្មោះ Maya, Sierra និង Simba ដំណើរការដោយ Android 4.2 Jelly Bean៖

លក្ខណៈសម្បត្តិទាំង ៣ម៉ូដែលថ្មីរបស់ Gigabyte នេះរួមមាន៖

- ចាប់ណែនាំដំបូងពីម៉ូដែល Gigabyte Gsmart Simba។ ទូរសព្ទនេះមានអេក្រង់ប្រភេទ IPS HD ទំហំ ៥អ៊ីញ, កាមេរ៉ាក្រោយទំហំ 8MP និងខាងមុខ 1.3MP។ Simba បំពាក់ CPU Qualcomm Snapdragon 400 ប្រភេទ dual-core ជាមួយល្បឿន 1.4GHz និង RAM ទំហំ 1GB។ មេម៉ូរីម៉ាស៊ីនទំហំ 4GB, កម្រិតថាមពលថ្ម 1900mAh, ប្រើស៊ីម២។

- ចំណែក Gigabyte Gsmart Maya ជាទូរសព្ទតូចជាងគេក្នុងចំណោមទាំង ៣ស៊េរីនេះ។ វាមានអេក្រង់ទំហំ ៤,៥អ៊ីញជាមួយ resolution 960x450px, មានកម្រិតថាមពលថ្ម 1700mAh។ Smartphone នេះមានកាមេរ៉ាក្រោយទំហំ 8MP និងខាងមុខ 2MP។ ទាក់ទិននឹងល្បឿនដំណើរការវិញ ទូរសព្ទនេះបានបំពាក់ CPU Media Tek MT6589 ប្រភេទquad-core ល្បឿន 1.2GHz, RAM ទំហំ 1GB និងមានមេម៉ូរីម៉ាស៊ីនទំហំ 4GB។ វាមានកម្រិតថាមពលថ្ម 1700mAh។

- ចុងក្រោយ Gsmart Sierra មានលក្ខណៈ សម្បត្តិដូចជា៖ អេក្រង់ទំហំ ៥អ៊ីញ, បំពាក់ CPU Media Tek MT6589T Turbo quad-core ល្បឿន 1.5GHz, RAM ទំហំ 1GB, មេម៉ូរីម៉ាស៊ីនទំហំ 4GB, កាមេរ៉ាក្រោយទំហំ 13MP និងខាងមុខទំហំ 2MP, ប្រើស៊ីម២, ថ្មមានកម្រិតថាមពល 2000mAh។

៤. MSI បញ្ចេញ Tablet ម្ដង៣ស៊េរីឈ្មោះ MSI Primo 81, MSI Primo 73 និង MSI Primo 93 ជាមួយតម្លៃធូរថ្លៃត្រឹមតែជាង ១០០ដុល្លារប៉ុណ្ណោះ៖

លក្ខណៈសម្បត្តិទាំង ៣ម៉ូដែលនេះរួមមាន៖

@: MSI Primo 81

- អេក្រង់ IPS LCD ទំហំ ៧,៨៥អ៊ីញមាន Resolution 1,024 x 768px
- CPU Allwinner A31S quad-core
- RAM 1GB
- អង្គចងចាំ 16GB
- Wi-Fi 802.11 b/g/n
- ប្រព័ន្ធប្រតិបត្តិការ Android 4.2 Jellybean
- ថ្ម Li-Ion 3500mAh
- កម្រាស់ ៧,៨ម.ម
- ទម្ងន់ ៣២៣ក្រាម

@: MSI Primo 73

- អេក្រង់ ៧អ៊ីញមាន Resolution 1024x600px
- CPU dual core Allwinner A20 ARM
- RAM 1GB
- អង្គចងចាំ ១៦GB
- ប្រព័ន្ធប្រតិបត្តិការ Android 4.2 Jelly Bean
- កម្រាស់ ១០៧ម.ម
- ថ្ម 3000 mAh
- ទម្ងន់ ២៩៨ក្រាម
- តម្លៃប្រហែល ១៣០ដុល្លារអាមេរិក។

@: MSI Primo 93

- អេក្រង់ IPS HDទំហំ ៩,៧អ៊ីញមាន Resolution 1024×768px
- CPU Allwinner A315 quad-core
- ប្រព័ន្ធប្រតិបត្តិការ Android 4.2.
- RAM 1GB
- អង្គចងចាំ 16GB
- ថ្ម 6800 mAH

៥. Tablet ប្រើ Firefox OS ដែលជាសម្ធិទផលរបស់ Mozilla និង Foxconn៖

ក្រុមហ៊ុន Foxconn និង Mozilla បានយកគ្នាជាដៃគូសហការផលិត Smart Device មានទាំង Smartphone និង Tablet។ Tablet ថ្មីដែលដំណើរការដោយ Firefox OS នេះមានអេក្រង់ទំហំ ១០,១អ៊ីញដែលមានការរចនាស្រដៀងនឹង Google Nexus 10។ ទោះជាយ៉ាងណា លក្ខណៈសម្បត្តិលំអិតពុំត្រូវបានប្រកាសនៅឡើយ។

៦. កុំព្យូទ័រ Maingear Pulse មាន RAM 16GB៖

ក្រុមហ៊ុន Maingear បានចេញកុំព្យូទ័រសមត្ថភាពខ្លាំងអស្ចារ្យបំពាក់ដោយ CPU ជំនាន់ចុងក្រោយគឺទី៤ Haswell ប្រភេទ quad-core Core i7 4702MQ ល្បឿន 2.2GHz ហើយ RAM ទំហំដល់ទៅ 16GB។ កុំព្យូទ័រដែលមានឈ្មោះ Pulse នេះមានអេក្រង់ ១៤អ៊ីញ (1600 x900px) ក្រាហ្វិកទំហំធំដល់ទៅ 4GB ប្រភេទ Geforce GTX 760M មានតំណភ្ជាប់ VGA, HDMI, USB 3.0 ចំនួន ៣, SD Card, Ethernet។ តម្លៃរបស់ Pulse 14 ស្ថិតនៅចន្លោះពី ១៣០០ដុល្លារ ទៅ ១៧០០ដុល្លារអាមេរិកយោងតាមជម្រើស hardware ខុសគ្នា។

៧. Mini PC របស់ Gigabyte មាន RAM ទំហំដល់ទៅ 16GB៖

Gigabyte ចេញ Mini PC មាន RAM ទំហំធំដល់ទៅ 16GB ហើយ CPU មានប្រភេទផ្សេងៗគ្នាអាចជ្រើសរើសបានដូចជា៖ 1007U Intel Celeron, Core i3-3227U, Core i5-3337U និង Core i7-3537U និងអាចដំឡើង RAM ទំហំដល់ទៅ 16GB បាន។ កាន់តែពិសេសទៀតនោះ Mini PC មានវិមាត្រតូចងាយស្រួលទុកដាក់ក្នុងការប្រើគឺ (២៩មមx១០៧មមx១១៤មម) ប៉ុណ្ណោះ។ Gigabyte រចនា Mini PC នេះឡើងសម្រាប់បម្រើដល់តម្រូវការ user ប្រភេទ utra-compact HTPC (Home Theater Personal Computer) និងដើម្បីប្រកួតប្រជែងទីផ្សារ mini PC។

Brix Mini PC មានលក្ខណៈ សម្បត្តិដទៃទៀតដូចជា៖ មាន រន្ធ HDMI, រន្ធ mini DisplayPort, Wi-Fi, រន្ធ USB 3.0 ចំនួន ២, ប្រើឌីសសម្រាប់ផ្ទុកទិន្នន័យប្រភេទ solid state disks (SSD), ងាយស្រួលទុកដាក់ជាមួយទម្ងន់ស្រាលត្រឹមតែ ៤០៤ក្រាម។

អានព័ត៌មានជុំវិញ Computex 2013 សូម ចុចត្រង់នេះ …

@ ចាប់ពីថ្ងៃទី១០ ខែមិថុនា ដល់ទី ១៤ ខែមិថុនា៖ សន្និសីទ Developer ទូទាំងពិភពលោក Developer ទូទាំងពិភពលោក (Worlwide Develpoers Conference)

ជាព្រឹត្តិការណ៍ធំបំផុតប្រចាំឆ្នាំ របស់ក្រុមហ៊ុន Apple ដែលជាទូទៅប្រារព្ធឡើងនៅរដ្ឋ California សហរដ្ឋអាមេរិកជាមួយកៅអីដែលមានចំនួនកំណត់ពី ២ពាន់ទៅ ៥ពាន់កន្លែង។ មានតែក្រុម developer ប៉ុណ្ណោះដែលមានសិទ្ធិចូលរួម។

ក្នុងឱកាសនោះ Apple បានប្រកាសចេញផ្លូវការទាំងប្រព័ន្ធប្រតិបត្តិការ សេវាកម្ម និងផលិតផលថ្មីៗរួមមាន៖ iOS 7, OS X Mavericks, Mac Pro, MacBook Air, iTunes Radio និង iWork សម្រាប់ iCloud beta ជាដើម។

១. iOS 7៖

មុខងារសំខាន់ៗ ដែលត្រូវបានកែលំអលើ iOS 7 GM រួមមាន៖

- សម្រេចបានក្រាហ្វិក UI ថ្មី មានពណ៌ស្រស់ស្អាត និងមាន system-wide Back swipe gesture
- រូបរាង icon និង folder ថ្មីស្អាត និង icon មានចលនា
- System-wide parallax effect
- Dynamic wallpapers
- Control Center with toggles, multimedia controls and shortcuts

@ App Store
- មានរូបរាងស្អាតជាងមុននៅក្នុង App Store របស់ iOS 7
- បន្ថែម apps ចូលទៅ Wish List
- អ្នកអាចស្វែងរក app ដែលបានទិញរួចពីមុន ដោយរកតាមឈ្មោះបាន
- Tap លើ screenshot preview នៃ app ដើម្បី screenshot យក full screen
- រាល់ app ទាំងអស់អាចត្រូវបាន update ដោយស្វ័យប្រវត្តិ (តែក៏អាចចូលទៅបិទបាននៅក្នុង Setting > iTunes & App Stores)
- មុខងារ “Near” ដែលអាចមើលឃើញរាល់ app ដែលពេញនិយម
- icon មានចលនានៅពេលអ្នកកំពុងទាញយក app
- អ្នកអាចប្រើ app ខណៈពេលកំពុង updating បាន

@ Camera៖
- អូស (Swipe) ទៅឆ្វេង និងទៅស្ដាំដើម្បីរើសយក video recording, photo, square format ឬ panorama
- មុខងារ Square photo format
- ថតរូបជាមួយ live filters ពិសេសៗ
- កែរូបជាមួយ filters ពិសេសៗ
- កែលំអលើ Clock
- កែលំអលើ Compass7
- លើ Contacts
- លើ Control Center

@ កែលំអទៅលើ FaceTime, Lock Screen, Mail, Maps, Messages, Multitasking, Music, Notification Center, Passbook, Photos, Phone, Reminders, Safari, Setting, Siri និងមុខងារថ្មីមួយចំនួនដូចជា៖
- AirDrop សម្រាប់ iOS
- មាន parallax effect ថ្មី
- Activation Lock មានមុខងារសុវត្ថិភាពថ្មី
- គាំទ្រ game controllers ផ្សេងៗ
- Wi-Fi Hotspot 2.0
- Redeem iTunes gift card ដោយប្រើកាមេរ៉ា
- Anti-cheating measures នៅលើ Game Center
- smarter keyboard នៅលើ iOS 7
- មាន Frequent Locations នៅលើ iOS 7
- គ្រប់គ្រង iOS device ដោយ head movements
- មាន Wallpapers ថ្មីលើ iOS 7
- ringtones និង alter sounds ថ្មី
- នៅមានមុខងារមួយចំនួនផ្សេងទៀត …

២. OS X Mavericks៖

ជាមួយប្រព័ន្ធប្រតិបត្តិការថ្មី OS X Mavericks នេះនឹងភ្ជាប់មកជាមួយមុខងារថ្មីមួយចំនួន និងដែលធ្លាប់មានរួចមកហើយនៅលើ OS ជំនាន់មុននោះ។ មុខងារលក្ខណៈស្តង់ដារថ្មីលេចធ្លោចំនួន ៣ មានដូចជា៖

- Finder Tabs៖ អាចឱ្យ user ប្រើមុខងារ finder service ដែលប្រើសម្រាប់ផ្ដុំផ្ទាំងការងារ (windows) ដែលបានបើកប្រើដោយចុចលើប៊ូតុង “tabs”។
- Tagging៖ File, folder និង document ក៏អាចប្រើមុខងារ tag សម្រាប់រៀបចំទុកដាក់ឱ្យមានលក្ខណៈងាយស្រួលរកពេលក្រោយ។
- Multiple display៖ ទម្រង់ fullscreen របស់ OS X Mavericks គាំទ្រ multiple display និងការប្រើ Airplay ហើយ។ User អាចប្រើ Apple TV ធ្វើជាអេក្រង់ទី២ ក្នុងការបង្ហាញរូបក៏បាន។

មិនតែប៉ុណ្ណោះ នៅមានមុខងារល្អៗមានសារសំខាន់ជាច្រើនទៀតដែលក្នុងនោះក៏ជួយ សន្សំសំចៃថ្ម, កាត់បន្ថយការប្រើប្រាស់កម្លាំង CPU ឱ្យធ្វើការខ្លាំងពេកបានរហូត ៧២% ដោយធ្វើការ compress memory ជួយបង្កើន free memory នៅលើប្រព័ន្ធ។ OS ថ្មីនេះក៏បានបញ្ចូលកម្មវិធី Safari ផងដែរ។

៣. Mac Pro៖

Apple បានប្រកាសចេញ Mac Pro ស៊េរីថ្មីរួចមកហើយ ដែលបានឃើញតាំងពីនៅសន្និសីទ WWDC 2013 នៅថ្ងៃទី ១០ មិថុនាម្ល៉េះដែលមានតម្លៃ ៣០០០ដុល្លារអាមេរិក ប្រើ quad core ល្បឿន 3.7GHz Xeon model។

ចំណែក Mac Pro នៅពេលនេះវិញ គឺមានលក្ខណៈសម្បត្តិកាន់តែពិសេសជាមុនទៀត ពោលគឺត្រូវបាន update ប្រើ Intel Xeon E5 Processor ជំនាន់ចុងក្រោយដែលមានដល់ទៅ 12 cores។ នៅមានជម្រើសផ្សេងក្រៅពីនេះទៀត គឺ dual AMD FirePro GPU ជាមួយ 6GB VRAM គាំទ្រ 4K video ហើយមានការឌីហ្សាញយ៉ាងឡូយ។

អានព័ត៌មានជុំវិញ WWDC 2013 សូម ចុចត្រង់នេះ …

@ ចាប់ពីថ្ងៃទី១១ ដល់ទី ១៣ ខែមិថុនា៖ ពិព័រណ៍គ្រឿងអេឡិចត្រូនិកប្រចាំឆ្នាំផ្ដោតសំខាន់លើវីដេអូហ្គេមក៏ ដូចជាឧបករណ៍សម្រាប់លេងហ្គេមចេញថ្មីៗ (Electronic Entertainment Expo)

E3 រៀបចំឡើងដោយសមាគម Software សម្រាប់កម្សាន្ត (ESA) ដែលប្រារព្ធធ្វើនៅមជ្ឈមណ្ឌលសន្និបាត Los Angeles សហរដ្ឋអាមេរិក។ ហ្គេម និងឧបករណ៍ថ្មីៗដែលលេចធ្លោពេលនោះរួមមាន៖

១. Plants vs. Zombies 2

២. ក្រុមហ៊ុនហ្គេម Square Enix បានប្រកាសចេញវីដេអូហ្គេម Final Fantasy XV សម្រាប់ដំណើរការលេងបាននៅលើ PlayStation 4

៣. Sony តាំងបង្ហាញ Game console ជំនាន់ចុងក្រោយរបស់ខ្លួនគឺ PlayStation 4 ព្រមទាំងបានប្រកាសតម្លៃ ៣៩៩ដុល្លារអាមេរិក

៤. Sony បង្ហាញកញ្ចប់តម្លៃហ្គេមចោរលួចឡានវគ្គ ៥ (Grand Thief Auto V) ដែល Grand Thief Auto V PS3 មានតម្លៃ ២៩៩ដុល្លារ។ ក្នុងនោះរួមមានទាំងហ្គេមថតចម្លងនៅលើ Blu-Ray Disc ម៉ាស៊ីន PS3 ដែលមានទំហំ 500GB និងបានជាសមាជិកសាកល្បង (Trial) PlayStation Plus ក្នុងរយៈពេល ៣០ថ្ងៃ។

៥. Microsoft ប្រកាសតម្លៃ Xbox One គឺ ៥០០ដុល្លារនៅអង់គ្លេស និងទីផ្សារអឺរ៉ុបតម្លៃ ៦៦៥ដុល្លារអាមេរិក។ Xbox One មាន HardDisk ទំហំ 500GB មាន Blu-ray Player និង Wi-Fi។

៦. Nintendo ប្រកាសចេញហ្គេមតុក្កតាស៊ីផ្សិតជំនាន់ថ្មីប្រភេទ 3D គឺ Super Mario 3D World អាចលេងបាននៅលើឧបករណ៍ហ្គេមរបស់ខ្លួនគឺ Wii U

៧. ក្រុមហ៊ុន Nyko របស់អាមេរិកបានតាំងបង្ហាញឧបករណ៍ Smart Clip សម្រាប់ភ្ជាប់ជាមួយដៃហ្គេមទៅនឹង Smartphone ងាយស្រួលលេង។ Nyko Smart Clip នេះត្រូវបានឌីហ្សាញឡើងប្រើបានទាំងជាមួយដៃបញ្ជា Xbox One និងដៃបញ្ជា PlayStation 4។ ចំណែក Smartphone ដែលអាចប្រើបានជាមួយវា មានដូចជា iPhone និង device ដែលប្រើ Android OS, Windows Phone ឬ BlackBerry ជាមួយទំហំអេក្រង់ ៣,៥អ៊ីញដើម្បីឱ្យត្រូវជាមួយដៃហ្គេម។ តម្លៃក្នុងមួយគ្រឿងត្រឹមតែ ១៥ដុល្លារប៉ុណ្ណោះ។

៨. ក្រុមហ៊ុនហ្គេម Blizzard សហការជាមួយ Sony ដាក់ចេញនូវហ្គេមស៊េរីថ្មីក្រាហ្វិកច្បាស់ល្អគឺ Diablo 3។ ហ្គេមនេះអាចលេងបានចាប់ពីជំនាន់ PlayStation 3 ឡើងទៅ ជាប្រភេទហ្គេមអ្នកក្លាហានប្រយុទ្ធនឹងបិសាច។