អាថ៌កំបាំងនៃបុគ្គលដែលមានជោគជ័យ

បុគ្គលជោគជ័យទាំង៦
ចង់ដឹងពីអាថ៌កំបាំងនៃបុគ្គលដែលមានជោគជ័យដែររឺទេ?
ផ្អែកលើគំរោងមួយស្តីពីការតាមដាននិងវិភាគទៅលើដំណាក់កាលវិវត្តន៏នៃជិវិតបុគ្គលដ៏មានជោគជ័យ ក្រុមស្រាវជ្រាវផ្នែកសេដ្ឋកិច្ចមកពី Investor’s Business Daily នរកឃើញថាមានចំនុចរួមគ្នាចំនួន១០ដែលក្រុមមនុស្សដ៏មានជោគជ័យទំាងនោះប្រកាន់ខ្ជាប់ដូចគ្នា សំរាប់ជំរុញអោយពួកគអាចទៅដល់គោលដៅ។ចំនុចទាំង១០នោះគឺជាអ្វីខ្លះទៅ?

១    គិតយ៉ាងសកម្ម
ពួកគេគិតមិនឈប់ពីចំនុចវិជ្ជមានក្នុងការបង្កើតឪកាសនិងមានទស្សនះវិស័យឆ្ពោះទៅរកជោគជ័យ។    ពិសេសគឺត្រៀមខ្លួនចៀសវាង ពីបរិយាកាសនិងបុគ្គលដែលមានភាពអវិជ្ជមានសំរាប់ការងារគេផង។
២    កំណត់គោលដៅ
មនុស្សទាំងនោះតែងតែកំណត់ប្រាកដប្រជាពីគោលដៅនិងផ្លូវដែលត្រូវទៅ។ពួកគេរៀបចំផែនការនិងមិន ព្រលែងចោលឡើយ។  ឧទាហរណ៏(ខ្ញុំនឹងរៀនធ្វើម្ហូបនៅខែក្រោយ)ជាជាង(ខ្ញុំចង់រៀនធ្វើម្ហូបនៅថ្ងៃណាមួយ)។
៣   ចាប់ផ្តើមសកម្មភាព
ពួកគេមានជំនឿថាគោលដៅតែមួយមុខគឺគ្មានន័យអ្វីទាំងអស់ដូច្នេះគេត្រូវចាប់សកម្មភាពដើម្បីអោយវា ទៅជាការពិត។ធ្វើវាទៅ!នេះជាអ្វីដែលពួកគេតែងតែនិយាយ។
៤    រៀនមិនឈប់
ចូលវគ្គសិក្សាតូចធំរៀនបន្តនៅមហាវិទ្យាល័យមើលសៀវភៅចូលរួមកិច្ចពិភាក្សានានាតាមដែលអាចធ្វើទៅបាន។  បើកចិត្តទទួលចំណេះថ្មីៗជានិច្ច។
៥    តស៊ូនិងសកម្មធ្វើការ
អ្មកប្រហែលធ្លាប់លឺហើយពាក្យមួយថាអ្នកចង់បានជោគជ័យគឺត្រូវធ្វើការដូចអ្នករត់ម៉ារ៉ាតុងមិនមែនដូច    អ្នករត់ហាត់បា្រណពេលព្រឹកទេ។ មនុស្សជោគជ័យទាំងនោះគេផ្តោតភ្នែកទៅលើគោលដៅនិងរត់សំដៅទីនោះដោយមិនបោះបង់ចោលងាយៗឡើយ។
៦    រៀនវិភាគ
ទទួលស្គាល់ការប្រឈមមុខទាំងអស់ហើយស្វែងរកដំណោះស្រាយឆ្ពោះទៅរកការធ្វើសេចក្តីសំរេចចិត្ត។រៀនពីកំហុស  តែមិនត្រូវបង្អាប់បង្អោនខ្លួនទេ។
៧   ផ្តោតលើពេលវេលានិងធនធាន
នៅពេលចាប់ចិត្តលើការងារណាមួយ ត្រូវធ្វើវាដោយប្រើអស់ថាមពលនិងដោយយកចិត្តទុកដាក់ ចំនុចនេះសំដៅដល់ការចំណាយផង។ក្នុងរយះពេលអនុវត្តន៏មិនត្រូវអនុញាតិអោយមានការបន្តុចបង្អាក់    ដោយប្រការណាមួយឡើយ។
៨    ប្តូរទំលាប់
ត្រៀមជានិច្ចសំរាប់ទទួលយកគំនិតថ្មីៗ។ ត្រូវទទួលស្គាល់ថាការផ្លាស់ប្តូររមែងមានចំពោះគ្រប់លក្ខខណ័ការងារ   សូមចាំថាគំនិតចង្អៀតចង្អល់និងមិនផ្លាស់ប្តូរគឺជាកពា្ចក់ឆ្លុះបង្ហាញពីភាពល្ងង់ខ្លៅមិនរីកចំរើនតែប៉ុណោ្ណះ។
៩    មានទំនាក់ទំនងល្អ
មិនមាននរណាអាចជោគជ័យដោយមិនត្រូវការការគាំទ្រនោះទេ។ទំនាក់ទំនងត្រូវយកភាពត្រង់ទៅត្រង់មកជាទុន  ហើយនិយាយតាំងពីដំបូងនូវអ្វីដែល មិនគួរលាក់លៀម។លើកទឹកចិត្តអោយមនុស្សជុំវិញខ្លួននិយាយមកកាន់អ្នកដោយ    មិនលាក់លៀម។ បើអ្នកចូលចិត្តការបញ្ចើចបញ្ចើរជោគជ័យនិងរត់គេចពីអ្នក។ហ្វឹកហាត់បង្កើតការយោគយល់និងកសាងវិធីសាស្ត្រ គំាទ្រលើកទឹកចិត្តដល់មនុស្សជុំវិញខ្លួន។
១០  ទទួលខុសត្រូវ
មិនត្រូវទំលាប់កុហករឺបោកប្រាស់ទេ។សូមចាំថាការនិយាយត្រង់ៗធ្វើអោយលំបាកពីដំបូងៗតែការកុហក    បោកប្រាស់ធ្វើអោយវិនាស នៅទីបំផុត។មនុស្សដែលមិនអាចរក្សាសូម្បីត្រឹមពាក្យសន្យាគឺមិនអាចក្លាយជាបុគ្គលជោគជ័យឡើយ។         ដូច្នេះតោងប្រយត្ន័ មុនពេលសន្យាហើយហ៊ានសន្យាគឺត្រូវធ្វើអោយបាន។
ប្រភពៈ  sabay.com.kh