១. ធ្វើការជាមួយគូប្រជែង
មានពេលមួយក្នុងប្រវត្តិសាស្ត្រអាមេរិក លោក Lincoln បានសម្រេចជ្រើសរើសមនុស្សធ្វើការក្នុងការិយាល័យលោកដែលភាគច្រើន ជាគូប្រជែងរបស់លោក។ ចម្ងល់មួយដែលយើងឆ្ងល់គឺថា ហេតុអ្វីបានជាប្រធានាធិបតីរូបនេះជ្រើសយកពួកគេ? មូលហេតុចម្បងដែលលោកជ្រើសយកអ្នកដែលធ្លាប់ជាគូបដិបក្ខមកធ្វើ ការជាមួយគ្នាគឺ ដើម្បីទទួលយកគំនិតថ្មីៗ។ អ្នកទាំងនោះមិនរារែកក្នុងការជំទាស់លោក Lincoln ដោយផ្អែកលើហេតុផលរបស់ពួកគេទេ។ ដូច្នេះការជជែកវែកញែកមតិតែងកើតឡើងដែលជារឿយៗ នាំទៅរកជម្រើសមួយដ៏ល្អដែលទទួលយកបានជារួម។
លោក Rick Lepsinger ប្រធានក្រុមហ៊ុនផ្ដល់ប្រឹក្សាដែលមានមូលដ្ឋានក្នុងទីក្រុង ញូវយ៉ក OnPoint បានយល់ស្របនឹងគំនិតខាងលើរបស់លោក Lincoln។ លោកលើកឡើងដូច្នេះថា “មិនត្រូវជួលមនុស្សដែលមានចរិតដូចយើងទេ។ ត្រូវរកមនុស្សមានគំនិតប្លែកៗ ខុសពីយើង ចូលចិត្តជំទាស់ដោយផ្អែកលើហេតុផលគេ។ ធ្វើដូច្នេះយើងអាចយល់ដឹងពីការសម្របសម្រួលទទួលយកមតិ និងរៀនចេះគ្រប់គ្រងមនុស្សប្លែកៗគ្នា។”
២. ត្រូវសម្រេចចិត្តឲ្យបានត្រឹមត្រូវ
ស្របពេលគំនិតច្រើនជារឿងដ៏ល្អ អ្នកដឹកនាំម្នាក់ត្រូវដឹងថា ពេលណាគួរធ្វើការសម្រេចចិត្ត និងត្រូវសម្រេចចិត្តដោយវិធីណា។ ជាធម្មតាសង្គ្រាមពាក្យសម្ដីរវាងសមាជិករបស់លោក Lincoln តែងមានជារឿយៗ ប៉ុន្តែប្រធានាធិបតីរូបនេះដឹងថា ពេលណាលោកទទួលបានព័ត៌មានដែលត្រូវការគ្រប់គ្រាន់ដែលអាចធ្វើ ការសម្រេចចិត្តបាន។
អ្នកដឹកនាំល្អត្រូវមានក្បួនក្នុងការសម្រេចចិត្តពីភាព ចាំបាច់ និងតម្រូវការ។ នេះជាការគូសបញ្ជាក់របស់លោក Lepsinger។ លោកបន្តថា ត្រូវធ្វើការវាយតម្លៃលើចំណុចវិជ្ជមាន និងអវិជ្ជមាននៃជម្រើសនីមួយៗ។ ការធ្វើដដែលៗ អាចឲ្យអ្នកដឹងថា តើការសម្រេចចិត្តបែបណាដែលត្រឹមត្រូវ ហើយមានតុល្យភាពរវាងភាពវិជ្ជមាន និងអវិជ្ជមាន។
៣. ត្រូវមានកាប្រាស្រ័យទាក់ទងល្អជាមួយមនុស្សជុំវិញខ្លួនគ្រប់កម្រិត
នាយករដ្ឋមន្ត្រីសិង្ហបុរីលោក លី សៀនលុង លេងម៉ាជាំងជាមួយប្រជាជន
ក្រៅពីភាពវ័យឆ្លាត លោក Lincoln ក៏មានការទំនាក់ទំនងល្អជាមួយមនុស្សជុំវិញ។ មិនត្រឹមតែជាប្រធានាធិបតីមួយរូប លោកបានឆ្លៀតពេលវេលាពីការងារដ៏រវល់ឲ្យប្រជាជនចូលជួប សំណេះសំណាលគ្នា។ មនុស្សជាច្រើនស្រឡាញ់លោក ដោយសារលោកមានចំណេះដឹងជ្រៅជ្រះ ចេះកំប្លែង និងពូកែនិទានរឿង។
“មិនសំខាន់នៅលើភាពវ័យឆ្លាតតែម៉្យាងនោះទេ ការប្រាស្រ័យទាក់ទងល្អ និងជំនឿជាក់ខ្ពស់ជាមូលដ្ឋានគ្រឹះដ៏ចម្បងនៃ ភាពជាអ្នកដឹកនាំ។” លោក Lepsinger បញ្ជាក់។ លោកបន្តថា មេដឹកនាំល្អជាមនុស្សដែលចេះយល់ចិត្ត និងចេះស្វែងយល់ច្រើនពីអ្នកដទៃ។”
ប្រភព៖ sabay.com.kh
No comments:
Post a Comment