លោក Bill Gates ស្រក់​ទឹកភ្នែក​នៅ​ពេល​ដែល​និយាយ​អំពី​លោក Steve Ballmer

លោក Bill Gates

    ថ្មីៗ នេះ អតីត​នាយក​ប្រតិបត្តិ​របស់​ក្រុមហ៊ុន Microsoft លោក Bill Gates បាន​បញ្ជាក់​ថា ក្រុមហ៊ុន Microsoft កំពុងតែ​សម្ភាសន៍​បេក្ខជន ទាំង​មកពី​ក្រុមហ៊ុន​ខាងក្រៅ និង បេក្ខជន​ដែល​កំពុង​ធ្វើការ នៅ​ក្នុង​ក្រុមហ៊ុន Microsoft ដើម្បី​ជ្រើសរើស​ឲ្យ​មកកាន់​តំណែង​ជា នាយក​ប្រតិបត្តិ​នៃ​ក្រុមហ៊ុន Microsoft ។ ការប្រកាស​ជ្រើសរើស នាយក​ប្រតិបត្តិ​ថ្មី បាន​ធ្វើ​ឡើង បន្ទាប់ពី លោក Steve Ballmer បាន​ប្រកាស​ថា លោក នឹង​ចូលនិវត្តន៍ ក្រោយពី​បម្រើ​ការងារ​ក្នុង​តំណែង​ជា CEO របស់ Microsoft អស់​រយៈពេល 13 ឆ្នាំ មក​នេះ​។​


   ក្នុង​ខណៈ​ដែល​ដំណើរការ​នៃ​ការស្វែងរក​នាយក​ប្រតិបត្តិ​ថ្មី​ លោក Bill Gates មិនបាន​ភ្លេច​ទេ ពី​ការ​ថ្លែង​អំណរគុណ​ដល់ លោក Steve Ballmer ។ បើ​យោងទៅតាម​គេហទំព័រ​បច្ចេកវិទ្យា CNET បាន​ឲ្យ​ដឹង​ថា លោក Bill Gates បាន​សម្រក់​ទឹកភ្នែក នៅ​ពេល​និយាយ​ដល់​លោក Steve Ballmer "​ខ្ញុំ​ចង់​និយាយ​ពាក្យ "​អរគុណ​" ចំពោះ​លោក Steve Ballmer ដែល​បាន​ដឹកនាំ​ក្រុមហ៊ុន Microsoft អស់​រយៈពេល 13 ឆ្នាំ​មកនេះ​។ លោក Steve Ballmer ពិតជា​បាន​បន្សល់ទុក​ស្នាដៃ​ជាច្រើន ក៏ដូចជា​បណ្ដុះបណ្ដាល​ទេពកោសល្យ​ដល់​បុគ្គលិក​ក្នុង​ក្រុមហ៊ុន Microsoft នេះ " ។​

   ​ក្រៅ​ពី​នេះ លោក Bill Gates ក៏បាន​បញ្ជាក់​ថា អ្នក​បន្ទាប់ ដែល នឹង​ត្រូវ​បាន​ជ្រើស ឲ្យ​អង្គុយ​នៅ​លើ​កៅអី​ជា​នាយក​ប្រតិបត្តិ​គឺ ជា​មនុស្ស​ដែល​មាន​ទេពកោសល្យ​ដូច​លោក Steve Ballmer ដែរ " ។ លោក Bill Gates ក៏បាន​សន្យា​ផង​ដែរ​ថា ក្រុមហ៊ុន Microsoft នឹង​បន្ត​ទទួល​បាន​ជោគជ័យ និង​ធ្វើ​ឲ្យ​ពិភពលោក​មួយ​នេះ ទទួល​បាន​នូវ​អ្វី ដែល​ល្អ​ប្រសើរ​ជាង​មុន​៕​