តើ​ ពពិល​ មានរូបរាងដូចម្ដេច?

ជាទូទៅពពិលមានទ្រង់ទ្រាយជាស្លឹកឈើ ទំនងជាស្លឹកពោធិ៍ ឬស្លឹកម្លូ ។ រីឯទងស្លឹក មានដងសម្រាប់អ្នក កាន់បង្វិល មួយចំនួនតូច ទៀត ពុំមានស្លឹកទេ មានរាងជាថាសមួយមូល  ហើយមានត្រីកោណមួយភ្ជាប់ ពីលើ ហាក់ដូចជា អ្នកឆ្លាក់គិតថា ត្រូវមានលំនាំទៅជា ស្លឹកឈើដែរ ។

គេសង្កេតឃើញចម្លាក់លើពពិល មានច្រើនបែប ដូចជា រូបចម្លាក់ នាងគង្ហីងច្បូតសក់ រូបតាបសឫសី រូបហនុមាន ដើមចេក រូបពិស្ណុការ…។ ជាក់ស្តែងរូបចម្លាក់ពពិល (រូបទី១) បង្ហាញពីទេពប្រណម្យ ហៅថា “នារីផល“ ពោលគឺស្រីដែលមានតែខ្លួនផុសចេញ ពីរុក្ខជាតិ  មានទងជានាគ ដែលមានមតិខ្លះថា ជានាងនាគ។
កម្រិតសិល្បៈខ្ពស់នៃពពិលនេះ គេធ្វើអំពីសម្រិត ឬស្ពាន់ ឆ្លាក់ក្បូរក្បាច់រចនារបៀបនេះ គេលែងផលិតទៀតហើយ ។ សម័យបច្ចុប្បន្ន អាចារ្យទាល់ច្រកធ្វើពពិលអំពីឈើជានិមិត្តរូប ដើម្បីធ្វើពិធីផ្សេងៗ ប៉ុន្តែមិនប្រសើរ ដូចវត្ថុជំនាន់មុនឡើយ៕

ពពិលសម័យបុរាណ