គំនិតមួយៈ ប្រចាំថ្ងៃទី៣ ខែកុម្ភៈ ឆ្នាំ២០១៣

១- មនុស្សយើងពុំមែនជាទាសករនៃជតាកម្មនោះទេ! ប៉ុន្តែគ្រាន់ជាអ្នកទោសរបស់ចិត្តខ្លួនឯងតែប៉ុណ្ណោះ។ (Franklin D.Roosvelt ប្រធានាធិបតីទី៣២ សហរដ្ឋអាមេរិក(១៨៨២-១៩៤៥))

២- មនុស្សមានបញ្ញា គេដឹងនូវអ្វីដែលខ្លួនមិនចេះ។មនុស្សល្ងង់ គិតថាខ្លួនចេះគ្រប់យ៉ាង។ (សុភាសិតអេស្បាញ)
៣- បើគ្មានផ្លែប៉ោមទេ យើងអាចទទួលទានផ្លែការ៉ុតបានដែរឬទេ? (សុភាសិតរុស្ស៊ី)
៤- ក្តីអំណត់អត់ធ្មត់ អាចវាយបំបាក់ទ្វារដែកបាន។ (សុភាសិតយូហ្គោស្លាវី)
៥- ក្តីអត់ធ្មត់ តែងបានសំរេចជាជាងការប្រើកម្លាំង។ (Edmund Burke)
៦- សត្វចាបដែលឆាប់ក្រោកពីព្រលឹម វានឹងរកដង្កូវបាន។ (សុភាសិតអង់គ្លេស)
៧- សូមកុំទៅសុំយោបល់ពីក្តីភ័យខ្លាចរបស់អ្នកធ្វើអ្វី! ចូរសុំយោបល់ពីក្តីសង្ឃឹមនិងក្តីស្រមៃរបស់អ្នកវិញ! កុំគិតអំពីអ្វីដែលធ្វើឲ្យរាំងស្ទះ តែត្រូវគិតពីសក្តានុពលដែលអ្នកពុំទាន់បានប្រើវាយ៉ាងពេញលេញនៅឡើយ។កុំទៅគិតខ្វល់អំពីអ្វីដែលអ្នកធ្លាប់មិនសំរេច តែត្រូវយក ចិត្តទុកដាក់ទៅលើអ្វីដែលអ្នកមានលទ្ធភាពអាចធ្វើបាន។ (សម្តេចសង្ឃរាជ ប៉ូលចន ទី២៣ ( ១៨៨១-១៩៦៣))
៨- បើអ្នកមានក្តីអំណត់អត់ធ្មត់ គ្រាន់តែមួយពព្រិចភ្នែកដែលអ្នកខឹង អ្នកអាចជៀសផុតពីការសោកស្តាយមួយរយថ្ងៃក្រោយពីនោះ។ (សុភាសិតចិន)
៩- ក្តីអំណត់អត់ធ្មត់របស់យើង ផ្តល់ជោគជ័យដល់យើងលើសពីកំលាំងទ័ពទៅទៀត។ (អេដម៉ាន់ បឹក អ្នកនិពន្ធនិង អ្នកនយោបាយ សញ្ជាតិអៃរីស ( ១៧២៩-១៧៩៧))
១០- តម្លៃនៃជីវិតពុំមែនអាស្រ័យលើចំនួនថ្ងៃនោះទេ… តែវាអាស្រ័យនៅលើអ្នកប្រើប្រាស់ថ្ងៃទាំងនោះដូចម្តេចខ្លះ?… មនុស្សមួយ ចំនួនមានអាយុវែងតែប្រើជីវិតបានតិចតួចប៉ុណ្ណោះ។ ការពេញចិត្តនឹងជីវិតពុំមែនអាស្រ័យលើចំនួនឆ្នាំនោះទេ… វាអាស្រ័យលើបំណង ប្រាថ្នារបស់អ្នកនោះឯង។ (Michel Montaigne អ្នកនិពន្ធបារាំង(១៥៣៣-១៥៩២))