ម្កុដពេជ្របវរកញ្ញានៃសហគមន៍ខ្មែរ ប្រចាំប្រទេសបារាំង ឆ្នាំ២០១៤
ត្រូវបានប្រគល់ ទៅឲ្យកញ្ញាដ៏ស្រស់ប្រិមប្រិយ៍ម្នាក់ឈ្មោះ លុចស៊ី ម៉ៅ
(Lucie Moa) អាយុ១៨ឆ្នាំ។ នាងលុចស៊ី
ត្រូវបានប្រកាសជាប់ជាបវរកញ្ញាខ្មែរនេះ កាលពីម៉ោងប្រមាណជា០១
យប់រំលងកណ្ដាលអាធ្រាត នៃថ្ងៃសៅរ៍ចូលមកថ្ងៃអាទិត្យទី២២ ខែធ្នូ ឆ្នាំ២០១៣
ដោយប្រធានក្រុមប្រឹក្សាមេប្រយោគ ដែលឆ្នាំនេះជាឱសថការីមួយរូបអ្នកស្រី ឃុន
វ៉ារី នៅក្នុងរាត្រីស្រមោលសរជ្រើសរើសបវរកញ្ញា ធ្វើនៅទីក្រុងប៊ូស៊ី
ស៊ាំងហ្សក (Bussy St Georges) ជាយរដ្ឋធានីប៉ារីស។
នាង លុចស៊ី ម៉ៅ (Lucie Moa) អាយុ១៨ឆ្នាំ ជាប់ជាបវរកញ្ញាខ្មែរប្រចាំប្រទេសបារាំង ឆ្នាំ២០១៤ កាលពីយប់ថ្ងៃសៅរ៍ ទី២១ ខែធ្នូ ឆ្នាំ២០១៣។ (រូបថត Sopheak)
រាជនីសម្ផស្ស - «នាងខ្ញុំ កំពុងមានអារម្មណ៍រភើបខ្លាំងនៅឡើយ» នេះជាឃ្លាដំបូង របស់នាងលុចស៊ី ពេលឆ្លើយតបទៅនឹងសំនួររបស់ ទស្សនាវដ្ដីមនោរម្យព័ងអាំងហ្វូ បន្ទាប់ពីនាងបានជាប់ ជាបវរកញ្ញាខ្មែរប្រចាំប្រទេសបារាំងឆ្នាំ២០១៤ភ្លាម។ នាងបានបន្តទៀតថា «នាងខ្ញុំរីករាយខ្លាំងណាស់ ដែលបានក្លាយខ្លួនជាតំណាងមួយរូប ឲ្យប្រទេសនៃ"ភាពញញឹម" ព្រោះម្ដាយឪពុកនាងខ្ញុំច្បាស់ជាមានមោទនភាពយ៉ាងខ្លាំង នឹងរូបនាងខ្ញុំ។ ក្លាយខ្លួនជាបវរកញ្ញា ជាក្ដីសុបិន្តតាំងពីកុមារភាព។»
និស្សិតឯកទេសខាងសង្គមកិច្ច អាយុ១៨ឆ្នាំ នាង លុចស៊ី ម៉ៅ កើតនៅក្នុងគ្រួសារដែលមានឪពុកម្ដាយមានដើមកំណើតខ្មែរ នៅក្នុងប្រទេសបារាំង។ នាងបានថ្លែងថា នាងមានមោទនភាពណាស់ ដោយសារតែនាងបានទទួលការផ្ដល់មកឲ្យនាង នូវអ្វីៗដែលប្រទេសកម្ពុជាមាន ក្នុងនោះដូចជា ប្រវត្តិសាស្ត្រ វប្បធម៌ ឬម្ហូបចំណីរនោះជាដើម។ នាងនិយាយថា «សម្លម្ជូរ និងសម្លគិរី ជាសម្លដែលនាងខ្ញុំចូលចិត្ត»។
ទោះបីជានាងកើតនៅក្នុង និងបានរស់នៅក្នុងប្រទេសបារាំង ដែលឃើញមានតែទំនៀមទំលាប់និងអរិយធម៌ តាមបែបបស្ចិមលោកនោះក៏ដោយ តែ កញ្ញា លុចស៊ី នៅតែមិនបានភ្លេច«អ្វី»ដែលជាដើមកំណើតរបស់នាងនោះឡើយ ជាពិសេស វប្បធម៌ និងភាពសម្បូរបែបនៃប្រទេសកម្ពុជា។ នាងនិយាយថា សឹងតែជាទម្លាប់ទៅហើយ ដែលនាងបានចូលរួមពិធីបុណ្យចូលឆ្នាំថ្មីប្រពៃណីជាតិខ្មែរ ជារៀងរាល់ឆ្នាំ នៅមណ្ឌលវត្តវ៉ាំងសែន (Vincennes) ជាប់នឹងរដ្ឋធានីប៉ារីស។ ជាមួយនឹងវង់ភ័ក្រដែលមានលក្ខណៈជាខ្មែរផង នាង លុចស៊ី នៅតែអាចស្ដាប់ និងនិយាយភាសាខ្មែរបានយ៉ាងល្អប្រសើរ។ នាងបានថ្លែងឲ្យដឹងទៀតថា «នាងខ្ញុំបានរៀនភាសាកំណើតនេះ ជាមួយនឹងគ្រួសាររបស់ខ្ញុំ ហើយខ្ញុំតែងនិយាយវាជារឿយៗ។ នាងខ្ញុំចូលចិត្តមើលភាពយន្ដ និងស្ដាប់ចម្រៀងខ្មែរ។»
តបនឹងសំនួរសួរថា តើនាងមានគម្រោងអ្វីទៅថ្ងៃអានាគតនោះ នាងលុចស៊ី បានញញឹមឆ្លើយថា «ច្បាស់ណាស់ នាងខ្ញុំនឹងចូលរួមជាមួយសមាគមនានា ក្នុងប្រទេសកម្ពុជា ដើម្បីជួយដល់កុមារកំព្រាកម្ពុជា ដល់ជីវភាពប្រចាំថ្ងៃនិងតម្រូវការផ្សេងៗ ក្នុងជីវិតរបស់ពួកគេ។ នាងខ្ញុំពិបាកចិត្តណាស់ នៅពេលបានយល់ពីសភាព"កំព្រា"របស់ពួកគេ។» នាងនិយាយជាភាសាខ្មែរថា «ខ្ញុំអាណិត ហើយខ្ញុំចង់ជួយពួកគាត់ណាស់»។
ប៉ុន្តែយ៉ាងណាក៏ដោយ នាងលុចស៊ី បានសម្ដែងការសោកស្តាយថា នាងនៅមិនទាន់មានឱកាសត្រឡប់ទៅស្រុកខ្មែរវិញនៅឡើយ ដោយសារតែនាងនៅជាប់រៀន។ គម្រោងដែលនាងមានជាប់នៅក្នុងចិត្ត បានកំណត់ឲ្យនាងមានគម្រោងថា នាងត្រូវតែត្រឡប់ទៅកាន់ប្រទេសឬសគល់ដើមរបស់នាង និងជាដើមកំណើតរបស់ឪពុកម្ដាយនាងវិញ។ ប៉ុន្តែនាងបានថ្លែងជាភាសាខ្មែរ ពីការជាប់ជំពាក់លក្ខខ័ណ្ឌក្នុងបេះដូងនាងថា «ចាំរៀនចប់សិន យ៉ាងហោចណាស់ ក៏ចាំដល់ពេលប្រឡងចប់សិនដែរ។»
វីដេអូនៃព្រឹត្តិការណ៍នេះ នឹងដាក់ផ្សាយជាបន្តបន្ទាប់ នៅលើទស្សនាវដ្ដីមនោរម្យព័ងអាំងហ្វូ។ នៅពេលនេះ សូមអញ្ជើញទស្សនារូបភាពមួយចំនួន ពីការប្រលងបវរកញ្ញាខ្មែរប្រចាំប្រទេសបារាំង ឆ្នាំ២០១៤ នេះដូចតទៅ៖
(រូបថត Sopheak)
------------------------------------------------
ដោយ៖ ឈូករ័ត្ន - ប៉ារីស ថ្ងៃទី២២ ខែធ្នូ ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ
នាង លុចស៊ី ម៉ៅ (Lucie Moa) អាយុ១៨ឆ្នាំ ជាប់ជាបវរកញ្ញាខ្មែរប្រចាំប្រទេសបារាំង ឆ្នាំ២០១៤ កាលពីយប់ថ្ងៃសៅរ៍ ទី២១ ខែធ្នូ ឆ្នាំ២០១៣។ (រូបថត Sopheak)
រាជនីសម្ផស្ស - «នាងខ្ញុំ កំពុងមានអារម្មណ៍រភើបខ្លាំងនៅឡើយ» នេះជាឃ្លាដំបូង របស់នាងលុចស៊ី ពេលឆ្លើយតបទៅនឹងសំនួររបស់ ទស្សនាវដ្ដីមនោរម្យព័ងអាំងហ្វូ បន្ទាប់ពីនាងបានជាប់ ជាបវរកញ្ញាខ្មែរប្រចាំប្រទេសបារាំងឆ្នាំ២០១៤ភ្លាម។ នាងបានបន្តទៀតថា «នាងខ្ញុំរីករាយខ្លាំងណាស់ ដែលបានក្លាយខ្លួនជាតំណាងមួយរូប ឲ្យប្រទេសនៃ"ភាពញញឹម" ព្រោះម្ដាយឪពុកនាងខ្ញុំច្បាស់ជាមានមោទនភាពយ៉ាងខ្លាំង នឹងរូបនាងខ្ញុំ។ ក្លាយខ្លួនជាបវរកញ្ញា ជាក្ដីសុបិន្តតាំងពីកុមារភាព។»
និស្សិតឯកទេសខាងសង្គមកិច្ច អាយុ១៨ឆ្នាំ នាង លុចស៊ី ម៉ៅ កើតនៅក្នុងគ្រួសារដែលមានឪពុកម្ដាយមានដើមកំណើតខ្មែរ នៅក្នុងប្រទេសបារាំង។ នាងបានថ្លែងថា នាងមានមោទនភាពណាស់ ដោយសារតែនាងបានទទួលការផ្ដល់មកឲ្យនាង នូវអ្វីៗដែលប្រទេសកម្ពុជាមាន ក្នុងនោះដូចជា ប្រវត្តិសាស្ត្រ វប្បធម៌ ឬម្ហូបចំណីរនោះជាដើម។ នាងនិយាយថា «សម្លម្ជូរ និងសម្លគិរី ជាសម្លដែលនាងខ្ញុំចូលចិត្ត»។
ទោះបីជានាងកើតនៅក្នុង និងបានរស់នៅក្នុងប្រទេសបារាំង ដែលឃើញមានតែទំនៀមទំលាប់និងអរិយធម៌ តាមបែបបស្ចិមលោកនោះក៏ដោយ តែ កញ្ញា លុចស៊ី នៅតែមិនបានភ្លេច«អ្វី»ដែលជាដើមកំណើតរបស់នាងនោះឡើយ ជាពិសេស វប្បធម៌ និងភាពសម្បូរបែបនៃប្រទេសកម្ពុជា។ នាងនិយាយថា សឹងតែជាទម្លាប់ទៅហើយ ដែលនាងបានចូលរួមពិធីបុណ្យចូលឆ្នាំថ្មីប្រពៃណីជាតិខ្មែរ ជារៀងរាល់ឆ្នាំ នៅមណ្ឌលវត្តវ៉ាំងសែន (Vincennes) ជាប់នឹងរដ្ឋធានីប៉ារីស។ ជាមួយនឹងវង់ភ័ក្រដែលមានលក្ខណៈជាខ្មែរផង នាង លុចស៊ី នៅតែអាចស្ដាប់ និងនិយាយភាសាខ្មែរបានយ៉ាងល្អប្រសើរ។ នាងបានថ្លែងឲ្យដឹងទៀតថា «នាងខ្ញុំបានរៀនភាសាកំណើតនេះ ជាមួយនឹងគ្រួសាររបស់ខ្ញុំ ហើយខ្ញុំតែងនិយាយវាជារឿយៗ។ នាងខ្ញុំចូលចិត្តមើលភាពយន្ដ និងស្ដាប់ចម្រៀងខ្មែរ។»
តបនឹងសំនួរសួរថា តើនាងមានគម្រោងអ្វីទៅថ្ងៃអានាគតនោះ នាងលុចស៊ី បានញញឹមឆ្លើយថា «ច្បាស់ណាស់ នាងខ្ញុំនឹងចូលរួមជាមួយសមាគមនានា ក្នុងប្រទេសកម្ពុជា ដើម្បីជួយដល់កុមារកំព្រាកម្ពុជា ដល់ជីវភាពប្រចាំថ្ងៃនិងតម្រូវការផ្សេងៗ ក្នុងជីវិតរបស់ពួកគេ។ នាងខ្ញុំពិបាកចិត្តណាស់ នៅពេលបានយល់ពីសភាព"កំព្រា"របស់ពួកគេ។» នាងនិយាយជាភាសាខ្មែរថា «ខ្ញុំអាណិត ហើយខ្ញុំចង់ជួយពួកគាត់ណាស់»។
ប៉ុន្តែយ៉ាងណាក៏ដោយ នាងលុចស៊ី បានសម្ដែងការសោកស្តាយថា នាងនៅមិនទាន់មានឱកាសត្រឡប់ទៅស្រុកខ្មែរវិញនៅឡើយ ដោយសារតែនាងនៅជាប់រៀន។ គម្រោងដែលនាងមានជាប់នៅក្នុងចិត្ត បានកំណត់ឲ្យនាងមានគម្រោងថា នាងត្រូវតែត្រឡប់ទៅកាន់ប្រទេសឬសគល់ដើមរបស់នាង និងជាដើមកំណើតរបស់ឪពុកម្ដាយនាងវិញ។ ប៉ុន្តែនាងបានថ្លែងជាភាសាខ្មែរ ពីការជាប់ជំពាក់លក្ខខ័ណ្ឌក្នុងបេះដូងនាងថា «ចាំរៀនចប់សិន យ៉ាងហោចណាស់ ក៏ចាំដល់ពេលប្រឡងចប់សិនដែរ។»
វីដេអូនៃព្រឹត្តិការណ៍នេះ នឹងដាក់ផ្សាយជាបន្តបន្ទាប់ នៅលើទស្សនាវដ្ដីមនោរម្យព័ងអាំងហ្វូ។ នៅពេលនេះ សូមអញ្ជើញទស្សនារូបភាពមួយចំនួន ពីការប្រលងបវរកញ្ញាខ្មែរប្រចាំប្រទេសបារាំង ឆ្នាំ២០១៤ នេះដូចតទៅ៖
(រូបថត Sopheak)
------------------------------------------------
ដោយ៖ ឈូករ័ត្ន - ប៉ារីស ថ្ងៃទី២២ ខែធ្នូ ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ
No comments:
Post a Comment