ជីវប្រវត្តិ នាង Jo An ឬ Jo Ahn តួ​ឯក​រឿង “​​បង​ប្អូន​ស្រី​ទាំង​​៣​”?

តើប្រិយមិត្តមានជ្រាបទេថាតួឯកស្រីដែលបានសម្ដែងនៅក្នុងរឿង “បងប្អូនស្រីទាំង៣” របស់កូរ៉េនោះជាអ្នក ណា? បើមិនទាន់ជ្រាបទេ ថ្ងៃនេះប្រិយមិត្តនឹងអាចជ្រាបព័ត៌មានខ្លះៗដែលទាក់ទងនឹងនាង។ ប្រវត្តិសង្ខេប
នាងមានឈ្មោះថា Jo An ឬ Jo Ahn និងឈ្មោះពិតថា Jo Kyung Jin ដែលកើតនៅ ថ្ងៃទី១៤ ខែវិច្ឆិកា ឆ្នាំ១៩៨២។ Jo An មាន អាជីពជាតារាសម្ដែងដែលមានដើមកំណើតនៅ ប្រទេសកូរ៉េខាងត្បូង។ នាងមានកម្ពស់ ១៦៥សង់ទីម៉ែត្រ ទម្ងន់ ៤៥គីឡូក្រាម និង មានឈាមប្រភេទ AB។
ខ្សែភាពយន្ត
ដោយសារតែនាងមានអាជីពជាតារាសម្ដែងដូចនោះនាងបានសម្ដែងក្នុងរឿងជាច្រើនដែលក្នុងនោះ នាងបានសម្ដែងទាំងខ្សែភាពយន្ត ខ្នាតធំ និងខ្សែភាពយន្តភាគ ទៀតផង។
ខ្សែភាពយន្តខ្នាតធំ
កាលពីដើមឡើយនាងបានចូលរួមសម្ដែងក្នុងរឿង Sorum នៅឆ្នាំ២០០១។ នាឆ្នាំ ២០០៣ នាងបានសម្ដែងក្នុងរឿង Whispering Corridor 3: Wishing Stairs។ មួយឆ្នាំក្រោយមកនាងបានលេចមុខក្នុងរឿង Spin Kick ហើយក៏ថតរឿង Holiday ទៀត។ នាឆ្នាំ ២០០៧ នាងបានថតរឿង Project Makeover និងរឿង Muoi។ មួយឆ្នាំក្រោយមកទៀតនាងបានសម្ដែងរឿង Out of My Intention និងក្នុងឆ្នាំដដែលនេះ នាងបានថតរឿង Antique។ បន្ទាប់មកទៀតនៅ ឆ្នាំ ២០០៩ នាងបានថតរឿង២ទៀតគឺរឿង Lifting King Kong និងរឿង Hello My Love។ នាឆ្នាំបន្ទាប់ទៀតនាងបានមានវត្តមាននៅក្នុងរឿងបន្ទាប់ទៀតគឺរឿង Good Night Sleep for…។ នៅឆ្នាំ ២០១១ នាងបានសម្ដែងរឿង A Piano On The Sea ហើយសម្រាប់ឆ្នាំថ្មី២០១៣ នេះនាងនឹងបង្ហាញមុខ នៅ ក្នុងរឿង២ទៀតគឺរឿង My Little Hero និងរឿង Accomplice។
ខ្សែភាពយន្តភាគ
កាលពីឆ្នាំ២០០២ នាងបានថតខ្សែភាពយន្តមួយដែលមានចំណងជើងថា Nonestop2 និងរឿងមួយទៀតគឺ Golden Wagon។ មួយឆ្នាំក្រោយមកទៀតនាងបានសម្ដែងក្នុងរឿង First Love និងឆ្នាំ២០០៥ គឺរឿង The Land។ ក្រោយមកទៀតនាងបានចំណាយ ពេល ២ឆ្នាំ គឺពីឆ្នាំ២០០៥ ដល់ ២០០៦ ដើម្បីថតរឿង Chosun Police។ ក្រោយពីបានបញ្ចប់រឿងនោះនាងបានបន្តថតរឿងមួយ ទៀតនៅ ឆ្នាំ២០០៦ ដដែលគឺរឿង Seoul 1945។ ក្រោយមកទៀតនាងបានសម្រាកមួយរយៈហើយក៏ចាប់ផ្ដើមថតរឿងថ្មី មួយទៀត គឺរឿង Jolly Widows នាឆ្នាំ២០០៩ ហើយមួយឆ្នាំក្រោយមកទៀតនាងបានថតរឿង Three Sisters ឬរឿង បងប្អូនស្រីទាំង៣ ដែលកំពុងចាក់បញ្ចាំងនៅ ស្ថានីយទូរទស្សន៍យើងនេះ។ នៅឆ្នាំ២០១១ ដល់ឆ្នាំ២០១២ នេះនាបានថតរឿង២ទៀតគឺរឿង King Gwanggaeto the Great និងរឿង Special Affairs Team TEN។
ពានរង្វាន់
ដោយសារតែនាងមិនមែនជាតារាសម្តែងដ៏ល្បីខ្លាំងដូចនេះ នាងមិនសូវជាឈ្នះ ពានអ្វីច្រើននោះទេ គឺបានតែ៖
១. 2009 KBS Drama Awards: Daily Drama Excellence Award – Actress (Everybody Cha Cha Cha)
២. ពានBest New Actress នៅ ថ្ងៃទី ២៦ខែមិនាឆ្នាំ២០១០នៅក្នុងកម្មវិធី PaekSang Arts Awards លើកទី ៤៦។
តើប្រិយមិត្តជាអ្នកគាំទ្រនាងឬទេ?
ទស្សនារូបរបស់នាងជាច្រើនទៀត!

នាង Jo An