ជីវប្រវត្តិសង្ខេបរបស់តារាកូរ៉េដ៏ល្បី​ នាង Yoon Eun-hye

ប្រិយមិត្តប្រាកដជាស្គាល់ស្រីស្រស់ Yoon Eun-hye នេះហើយ ប្រសិនបើប្រិយមិត្តជា fans រឿងភាគកូរ៉េ នោះ។ តារាសម្ដែង កូរ៉េខាងត្បូងនាង Yoon Eun-hye គឺជាតារាសម្ដែងដ៏ល្បីល្បាញមួយក្នុងចំណោម តារាសម្ដែងល្បីៗប្រចាំកូរ៉េខាងត្បូង។ ទស្សនិកជន ភាគច្រើនបានស្គាល់នាងតាមរយៈរឿងភាគកូរ៉េដ៏ល្បីល្បាញមួយចំនួនដូចជា Princess Hours និង The 1st Shop of Coffee Prince។ ប្រវត្តិរូបសង្ខេប

ឈ្មោះ	ថ្ងៃ ខែ ឆ្នាំ កំណើត	កន្លែងកំណើត	អាជីព
Yoon Eun-hye	៣ តុលា ១៩៨៤	កូរ៉េខាងត្បូង	តារាសម្ដែង តារាចម្រៀង និងតារាម៉ូដែល

១៩៩៩- ២០០៥: ក្រុមចម្រៀង Baby V.O.X
នៅក្នុងឆ្នាំ ១៩៩៩ Yoon Eun-hye បានក្លាយជាសមាជិករបស់ក្រុមចម្រៀង Baby V.O.X។ ពេលនោះនាងមានអាយុ ១៥ឆ្នាំ។ នៅក្នុងក្រុមចម្រៀងនោះ នាងគឺជាអ្នកច្រៀងបន្ទរ តែត្រូវបានគេស្គាល់ភាគច្រើនតាមរយៈការក្រមិចក្រមើម និងគួរឲ្យស្រលាញ់របស់ នាង។ ដោយសារមានវ័យក្មេងជាងគេនៅក្នុងក្រុម Yoon មិនសូវជាទទួលបានការចាប់អារម្មណ៍ខ្លាំងពីមជ្ឈដ្ឋានខាងក្រៅឡើយ។
នៅក្នុងឆ្នាំ ១៩៩៩ ដដែលនោះ ក្រុមចម្រៀង Baby  V.O.X ក៏បានចេញអាល់ប៊ុមទី៣ របស់ខ្លួនដែលមានចំណងជើងថា Come Come Come ដែលជាអាល់ប៊ុមដំបូងបំផុតដែលធ្វើឲ្យក្រុមចម្រៀងនេះទទួលបានភាពជោគជ័យខ្លាំងដោយសារតែបទចម្រៀង ២បទល្បីៗនៅក្នុងអាល់ប៊ុមនោះគឺ Get Up និង Killer។
ក្រោយមកទៀត ក្រុមនេះ បានចេញអាល់ប៊ុម និងបទចម្រៀងបន្តបន្ទាប់ហើយទទួលបានភាពល្បីល្បាញមិនត្រឹមតែក្នុងកូរ៉េ តែប៉ុណ្ណោះ ទេ ថែមទាំងនៅតាមប្រទេសនានាដូចជា ចិន ថៃ និង តាមបណ្ដាប្រទេសនានាក្នុងអាស៊ីផង។
Yoon បានចាកចេញពីក្រុមចម្រៀង Baby V.O.X នៅក្នុងខែកក្កដា ឆ្នាំ២០០៥ បន្ទាប់ពីកុងត្រារបស់នាងនៅក្នុងផលិតកម្ម DR Entertainment បានផុតកំណត់។
២០០៥: ការសម្ដែង
បន្ទាប់ពីបោះបង់ចោលអាជីពជាតារាចម្រៀងនៅក្នុងក្រុម Baby V.O.X រួច Yoon ក៏បានបែរមកចាប់អាជីពជាតារាសម្ដែងវិញម្ដង។ នៅក្នុងឆ្នាំ២០០៥ នោះ Yoon បានបង្ហាញខ្លួននៅក្នុងកម្មវិធីទូរទស្សន៍ជាច្រើន ដូចជាធ្វើជាពិធីការិនី និងដើរតួតូចតាចនៅក្នុងរឿង ភាគកំប្លែងនានាដែលចាក់បញ្ចាំងនៅប៉ុស្តិ៍ទូរទស្សន៍។
Yoon ចាប់ផ្ដើមទទួលបានចំណាប់អារម្មណ៍ពីសំណាក់ទស្សនិកជនបន្ទាប់ពីនាងបានបង្ហាញខ្លួននៅក្នុងកម្មវិធីមួយឈ្មោះថា X-Man នៅលើប៉ុស្តិ៍ទូរទស្សន៍ SBS។ បន្ទាប់ពីទទួលបានការគាំទ្រពីទស្សនិកជនមក Yoon ក៏បានចាកចេញពីការបង្ហាញមុខនៅលើប៉ុស្តិ៍ ទូរទស្សន៍ ហើយងាកមកចាប់យកការសម្ដែងជាតួសម្ដែងនៅក្នុងរឿងភាគកូរ៉េវិញម្ដង។
ការសម្ដែងជាតួឯកស្រីដំបូងរបស់ Yoon គឺនៅក្នុងភាពយន្តមួយដែលមានចំណងជើងថា Escaping Charisma។ ក្រោយមកទៀត Yoon ក៏បានសម្ដែងជាតួព្រះនាងម្ចាស់នៅក្នុងរឿងភាគកូរ៉េមួយទៀតគឺ Princess Hours ដែលជារឿងភាគមួយទទួលបានជោគជ័យ និងការគាំទ្រយ៉ាងខ្លាំងពីសំណាក់អ្នកទស្សនា។
២០០៦: រឿងភាគ Princess Hours និងភាពជោគជ័យ
នៅចុងឆ្នាំ ២០០៥ Yoon បានចុះហត្ថលេខាជាមួយនឹងផលិតកម្ម Eight Peak យល់ព្រមសម្ដែងជាតួឯកស្រីដំបូងនៅក្នុងរឿង  Princess Hours។ ការសម្ដែងនៅក្នុងរឿងនេះគឺជាជោគជ័យខ្លាំងបំផុតរបស់ Yoon។ នាងទទួលបានភាពល្បីល្បាញនៅទូទាំងអាស៊ី តាមរយៈរឿងភាគកូរ៉េ Princess Hours នេះ។
បន្ទាប់ពីទទួលបានភាពជោគជ័យពីរឿងភាគ Princess Hours មក Yoon ក៏បានសម្ដែងជាតួឯកស្រីមួយទៀតនៅក្នុងរឿង The Vineyard Man ដែលបានចាក់បញ្ចាំងនៅលើប៉ុស្តិ៍ KBS កាលពីខែកក្កដា ឆ្នាំ២០០៦។ ទោះបីជារឿង The Vineyard Man ទទួលបានការគាំទ្រទាបក៏ដោយ តែក៏បានធ្វើឲ្យ Yoon ទទួលបានពានរង្វាន់ដល់ទៅ២ ឯណោះ គឺពានរង្វាន់ “តារាស្រីថ្មីឆ្នើមជាងគេ” ពីកម្មវិធីពានរង្វាន់ KBS Drama Awards ក្នុងឆ្នាំ ២០០៦ និង ពានរង្វាន់ “តារាស្រីឆ្នើមជាងគេ” ពីកម្មវិធី Grimae Awards នៅក្នុងឆ្នាំ ២០០៦នោះដែរ។
២០០៧: រឿងភាគ Coffee Prince
ក្នុងឆ្នាំ ២០០៧ Yoon បានសម្ដែងនៅក្នុងរឿងភាគថ្មីមួយទៀតដែលមានចំណងជើងថា  The 1st Shop of Coffee Prince។ នេះគឺជាលើកទី៣ដែលនាងសម្ដែងជាតួឯកស្រីនៅក្នុងរឿងភាគកូរ៉េ។
នៅក្នុងការសម្ដែងក្នុងរឿងភាគ  The 1st Shop of Coffee Prince នេះ Yoon បានក្លាយជាតារាកូរ៉េស្រីដែលមានតម្លៃខ្លួនខ្ពស់បំផុត ពីព្រោះរឿងភាគនេះទទួលបានការមើលច្រើនបំផុតនៅក្នុងកូរ៉េ និងក្រៅប្រទេស។ ក្នុងការសម្ដែងមួយភាគៗសម្រាប់រឿងភាគ The 1st Shop of Coffee Prince នេះ Yoon ទទួលបាន ២០លានវ៉ុន ធ្វើឲ្យ Yoon ក្លាយជាតារាសម្ដែងស្រីវ័យក្មេងបំផុតដែលមានថ្លៃខ្លួន ខ្ពស់។
ភាពជោគជ័យយ៉ាងខ្លាំងក្លាដែល Yoon ទទួលបាន ធ្វើឲ្យនាងក្លាយជាតារាសម្ដែងស្រីមួយដ៏ឆ្នើមជាងគេក្នុងចំណោមតារាសម្ដែងឆ្នើម ដទៃទៀតប្រចាំកូរ៉េខាងត្បូង។ Yoon បានទទួលពានរង្វាន់មួយទៀត ពីការសម្ដែងក្នុងរឿង The 1st Shop of Coffee Prince នេះ គឺពានរង្វាន់ “តារាស្រីដែលពូកែជាងគេ” ប្រចាំឆ្នាំ ២០០៧។
ភាពជោគជ័យដែល Yoon ទទួលបានពីការសម្ដែងក្នុងរឿងភាគទាំង២ខាងលើនោះ បានធ្វើឲ្យផលិតកម្មធំៗជាច្រើនចង់ចុះកុងត្រា ជាមួយនឹងនាងដើម្បីឲ្យនាងសម្ដែងរឿងឲ្យ។
ដោយសារតែមានការស្នើសុំឲ្យសម្ដែងច្រើនពេក  Yoon ថែមទាំងបានបដិសេធសំណើទាំងនោះអស់ជាច្រើនសំណើទៀតផង។ នៅក្នុងឆ្នាំ ២០០៧ ដដែលនេះ  Yoon បានផ្លាស់ប្ដូរផលិតកម្ម ពី Eight Peak មកផលិតកម្ម Kraze Entertainment វិញ។
២០០៨ និង ២០០៩: ការត្រឡប់ទៅអាជីពចម្រៀង និង My Fair Lady
បន្ទាប់ពីបាត់មុខពីវិស័យចម្រៀងអស់រយៈពេល៣ឆ្នាំមក Yoon បានត្រឡប់ទៅច្រៀងវិញនៅក្នុងឆ្នាំ ២០០៨ ជាមួយនឹងក្រុម hip hop ស្រីថ្មីឈ្មោះ Mighty Mouth ដែលមានរូបនាងផ្ទាល់ជាមេក្រុម។ នៅក្នុងឆ្នាំដដែលនោះក្រុម Mighty Mouth បានចេញបទចម្រៀង មួយចំណងជើងថា Saranghae (I Love You) ដែលទទួលបានការគាំទ្រយ៉ាងខ្លាំងក្លា ហើយបានជាប់ចំណាត់ថ្នាក់លេខ១ លើតារាងបទចម្រៀងកូរ៉េនានាជាច្រើនទៀតផង។
នៅក្នុងឆ្នាំ ២០០៩  Yoon បានប្រកាសពីការវិលចូលសម្ដែងរបស់នាង នៅក្នុងរឿងភាគថ្មីមួយមានចំណងជើងថា My Fair Lady ទទួលបានជោគជ័យតាំងពីការចាក់ផ្សាយដំបូង។ ក៏ប៉ុន្តែ Yoon ក៏ទទួលបានការរិះគន់ពីការសម្ដែងនៅក្នុងរឿងភាគថ្មីរបស់នាងនេះ ដែរ ដោយថា នាងសម្ដែងមិនសូវល្អដូចពីមុន។ ចុងបញ្ចប់នៃការបញ្ចាំងរឿងភាគនេះ ទស្សនិកជនបែរជាមានការពេញចិត្តទៅវិញ ធ្វើឲ្យ Yoon  និងក្រុមការងារមានការសប្បាយចិត្តជាខ្លាំង។
២០១០-២០១២: ការងារសប្បុរសធម៌ និងការបន្តសម្ដែងរឿងភាគ
នៅក្នុងខែមករាឆ្នាំ ២០១០ Yoon បានចាប់ផ្ដើមគម្រោងសប្បុរសធម៌លើកដំបូងរបស់នាង ដោយបានធ្វើការជាមួយនឹងកុមារពិការ ភ្នែក។ នៅក្នុងខែកុម្ភៈ  Yoon បានក្លាយជាឯកអគ្គរដ្ឋទូតសុឆន្ទៈប្រចាំយុទ្ធនាការ “Pink Wings Campaign”។យុទ្ធនាការ “Pink Wings Campaign” នេះមានគោលបំណងជួយក្មេងស្រីៗដែលជាមេគ្រួសារ ឲ្យពួកគេបានចូលរៀនដោយផ្ដល់ជាអាហារូបករណ៍ និងថវិកាតាមតម្រូវការ។
នៅក្នុងខែ មិនាឆ្នាំ ២០១០  Yoon បានចូលរួមជាមួយនឹងអង្គការ UNICEF ដើម្បីជួយក្មេងៗនៅអាហ្វ្រិក។ Yoon បានក្លាយជា ឯកអគ្គរដ្ឋទូតសុឆន្ទៈរបស់យុទ្ធនាការ Hope Angel ដើម្បីរៃអង្គាសថវិកាជួយកុមារដែលទទួលរងជំងឺដែលមិនអាចព្យាបាលបាន។
នៅក្នុងឆ្នាំ ២០១១  Yoon បានសម្ដែងរឿងភាគថ្មីមួយទៀត ដែលមានចំណងជើងថា My Black Mini Dress។ ក្នុងខែមេសាឆ្នាំ ២០១១  Yoon បានព្រមសម្ដែងឲ្យ SBS ក្នុងរឿងភាគ Lie To Me។
ក្នុងខែតុលាឆ្នាំ ២០១២  Yoon បានសម្ដែងឲ្យរឿង I Miss You ជាមួយនឹងតួឯកប្រុសដែលជាតារាសម្ដែង Park Yoochun៕
សូមចុចទីនេះ បើសិនជាចង់ទស្សនារូបរបស់នាងផ្សេងទៀត!

នាង Yoon Eun-hye

នាង Yoon Eun-hye

នាង Yoon Eun-hye