អេស៊ីលីដា ស៊ីឃ្យួរឹធី ភីអិលស៊ី
បានផ្តល់ជម្រើសពិសេសជូនដល់អតិថិជន/វិនិយោគិនទាំងក្នុងនិងក្រៅ
ប្រទេស អាចមើលនិងតាមដានព័ត៌មានផ្ទាល់កំពុងជួញដូរ
រួមទាំងព័ត៌មាននិងទិន្នន័យពាក់ព័ន្ធក្នុងផ្សារមូលបត្រកម្ពុជា
តាមរយៈទូរស័ព្ទដៃ, iPad,Tablet, កុំព្យូទ័រ ជាដើម
ដែលមានភ្ជាប់អ៊ីនធឺណែត ។
វិធីសាស្រ្តគន្លឹះ
- អតិថិជននិងវិនិយោគិនមានគណនីជួញដូរជាមួយអេស៊ីលីដា
ស៊ីឃ្យួរឹធី ។ ការបើកគណនីនៅអេស៊ីលីដា ស៊ីឃ្យួរឹធី
គឺមិនគិតថ្លៃសេវាទេ ។
- ចុះឈ្មោះប្រើប្រាស់កម្មវិធី "ព័ត៌មានផ្ទាល់កំពុងជួញដូរ" (ដោយឥតគិតថ្លៃ) នៅអេស៊ីលីដា ស៊ីឃ្យួរឹធី ។
- ចូលទៅកាន់វេបសាយ www.acledasecurities.com.kh រួចចុចប៉ូតុង ព័ត៌មានផ្ទាល់កំពុងជួញដូរ
- កម្មវិធីនឹងបង្ហាញផ្ទាំងដើម្បីវាយឈ្មោះគណនី និងលេខសម្ងាត់ ដែលផ្តល់ដោយអេស៊ីស៊ីដា ស៊ីឃ្យួរឹធី រួចចុចប៉ូតុង Login
- បន្ទាប់មកកម្មវិធីនឹងបង្ហាញផ្ទាំងដូចខាងក្រោម ៖
- សេចក្តីពន្យល់នៃផ្ទាំងខាងលើនេះ
- ឈ្មោះភាគហ៊ុន
ឈ្មោះភាគហ៊ុនបង្ហាញពីឈ្មោះ
ជាអក្សរកាត់របស់ក្រុមហ៊ុនបោះផ្សាយលក់មូលបត្រជាសាធារណៈ ។
ក្នុងករណីមានក្រុមហ៊ុនបោះផ្សាយច្រើន
អតិថិជន/វិនិយោគិនអាចធ្វើការជ្រើសរើសតាមតម្រូវការ ។
- ព័ត៌មានថ្លៃទីផ្សារ
| ថ្លៃបច្ចុប្បន្ន | = 6,540 | បង្ហាញថាថ្លៃជួញដូរបច្ចុប្បន្ន ស្មើនឹង 6,540៛ |
| ថ្លៃមូលដ្ឋាន | = 6,540 | បង្ហាញថាថ្លៃបិទផ្សារនៃថ្ងៃដែលបានជួញដូរចុងក្រោយ គឺស្មើ 6,540៛ |
| ដែនកំណត់ថ្លៃខាងលើ | = 6,860 | បង្ហាញថាថ្លៃមូលដ្ឋាន 6,540 x 1.05% = 6,860៛ (១)
(អតិថិជន/វិនិយោគិនមិនអាចដាក់បញ្ជាលើសពីថ្លៃ 6,860 បានទេ) |
| ដែនកំណត់ថ្លៃខាងក្រោម | = 6,220 | បង្ហាញថាថ្លៃមូលដ្ឋាន 6,540 x 95% = 6,220៛ (១)
(អតិថិជន/វិនិយោគិនមិនអាចដាក់បញ្ជាទាបជាងពីថ្លៃ 6,220 បានទេ) |
| ថ្លៃបើក | = 6,520 | បង្ហាញថានៅវគ្គជួញដូរលើកទី១ ថ្លៃផ្គូផ្គងត្រូវគ្នាគឺស្មើ 6,520៛ |
| ថ្លៃខ្ពស់ | = 6,540 | បង្ហាញថានៅក្នុងវគ្គជួញដូរថ្លៃផ្គូផ្គងខ្ពស់ជាងគេគឺ 6,540៛ |
| ថ្លៃទាប | = 6,520 | បង្ហាញថានៅក្នុងវគ្គជួញដូរថ្លៃផ្គូផ្គងទាបជាងគេគឺ 6,520៛ |
| (១) ផ្សារមូលបត្រកម្ពុជាកំណត់ថ្លៃមូលដ្ឋានប្រចាំថ្ងៃត្រូវស្ថិតនៅចន្លោះ ±5% ។ |
- បញ្ជាបច្ចុប្បន្ន និងបរិមាណរំពឹងទុក
- ថ្លៃរំពឹងទុក បង្ហាញពីថ្លៃកំពុងជួញដូរដែលរំពឹងថានឹងអាចផ្គូផ្គងត្រូវគ្នានៅក្នុងវគ្គជួញដូរនីមួយៗ ។
- បរិមាណរំពឹងទុក
បង្ហាញពីបរិមាណភាគហ៊ុនកំពុងជួញដូរដែលរំពឹងថានឹងអាចផ្គូផ្គង
ត្រូវគ្នានៅក្នុងវគ្គជួញដូរនីមួយៗ ។ នៅក្នុងប្រព័ន្ធ (កម្មវិធី)
ព័ត៌មានផ្ទាល់កំពុងជួញដូរនេះធ្វើការបង្ហាញតែថ្លៃអាទិភាពជាងគេ
ចំនួនប្រាំជួរប៉ុណ្ណោះ ចំពោះបរិមាណលក់នៅសល់ និងបរិមាណទិញនៅសល់ ។
- បរិមាណលក់នៅសល់ បង្ហាញពីការដាក់សំណើបញ្ជាលក់របស់វិនិយោគិនដែលមិនទាន់ផ្គូផ្គងត្រូវគ្នា ។
ភាគហ៊ុនលក់ចំនួន 35,703
ថ្លៃលក់ក្នុងមួយហ៊ុន គឺ 6,700៛
ភាគហ៊ុនលក់ចំនួន 100
ថ្លៃលក់ក្នុងមួយហ៊ុន គឺ 6,600៛
ភាគហ៊ុនលក់ចំនួន 13,649
ថ្លៃលក់ក្នុងមួយហ៊ុន គឺ 6,560៛
- បរិមាណទិញនៅសល់ បង្ហាញពីការដាក់សំណើបញ្ជាទិញរបស់វិនិយោគិនដែលមិនទាន់ផ្គូផ្គងត្រូវគ្នា ។
ភាគហ៊ុនទិញចំនួន 8,371
ថ្លៃទិញក្នុងមួយហ៊ុន គឺ 6,540៛
ភាគហ៊ុនទិញចំនួន 3,412
ថ្លៃទិញក្នុងមួយហ៊ុន គឺ 6,520៛
ភាគហ៊ុនទិញចំនួន 36,000
ថ្លៃទិញក្នុងមួយហ៊ុន គឺ 6,500៛
- សម្គាល់ ៖ អំពីគោលការណ៍ផ្គូផ្គងសំណើ
- រាល់ការជួញដូរទាំងអស់ត្រូវបានផ្គូផ្គងតាមរយៈការប្រើប្រាស់វិធីសាស្ត្រដេញថ្លៃ ដោយយកថ្លៃតែមួយ
- អាទិភាពនៃបញ្ជាទិញ និងបញ្ជាលក់
- 1. អំពីថ្លៃ
- បញ្ជាលក់ដែលមានថ្លៃទាបជាង មានអាទិភាពលើបញ្ជាលក់ដែលមានថ្លៃខ្ពស់ជាង
- បញ្ជាទិញដែលមានថ្លៃខ្ពស់ជាង មានអាទិភាពលើបញ្ជាទិញដែលមានថ្លៃទាបជាង
- 2. ពេលវេលា
- ករណីបញ្ជាមានថ្លៃដូចគ្នា បញ្ជាដែលទទួលបានមុនមានអាទិភាពលើបញ្ជាដែលទទួលបានក្រោយ
- លទ្ធផលជួញដូរ
- ថ្ងៃជួញដូរ ៖ ថ្ងៃច័ន្ទដល់ថ្ងៃសុក្រ លើកលែងថ្ងៃឈប់សម្រាកជាសាធារណៈ ។
- ម៉ោងជួញដូរ ០៨:00ព្រឹក ដល់ម៉ោង ១១:៣០ព្រឹក ។
- ការផ្គូផ្គង ៖ មាន ៦ដងក្នុងមួយថ្ងៃ គឺនៅម៉ោង ០៩:០០ព្រឹក, ០៩:៣០ព្រឹក, ១០:០០ព្រឹក, ១០:៣០ព្រឹក, ១១:០០ព្រឹក និងម៉ោង ១១:៣0ព្រឹក ។
- ឧទាហរណ៍ ៖ សូមមើលការបង្ហាញនៅក្នុងរូបភាព
នៅម៉ោង ០៩:០០ព្រឹក ការផ្គូផ្គងមានចំនួន 3,260 ហ៊ុន
តម្លៃក្នុងមួយហ៊ុន គឺ 6,520៛ ថ្លៃប្រែប្រួលធ្លាក់ចុះ 20៛
ធៀបនឹងថ្លៃម្សិលមិញ ហើយការប្រែប្រួលគិតជាភាគរយ គឺ -0.31%
និងការជួញដូរគិតជាទឹកប្រាក់ គឺ 21,255,200៛ ។
នៅម៉ោង ០៩:៣០ព្រឹក ការផ្គូផ្គងមិនត្រូវគ្នា ដូច្នេះប្រព័ន្ធមិនមានទិន្នន័យសម្រាប់បង្ហាញទេ ។
នៅ
ម៉ោង ១០:០០ព្រឹក ការផ្គូផ្គងមានចំនួន 10,000 ហ៊ុន តម្លៃក្នុងមួយហ៊ុន
គឺ 6,540៛ ថ្លៃប្រែប្រួលគឺថេរ ធៀបនឹងថ្លៃម្សិលមិញ
ហើយការប្រែប្រួលគិតជាភាគរយគឺថេរ និងការជួញដូរគិតជាទឹកប្រាក់ គឺ
65,400,000៛ ។
អតិថិជន/វិនិយោគិនអាចមើលលទ្ធផលជួញដូរតាមរូបខាងលើ រហូតដល់ម៉ោង ១១:៣០ព្រឹក ដែលជាម៉ោងបិទផ្សារហ៊ុន ។
- ការបិទកម្មវិធី
នៅពេល
អតិថិជន/វិនិយោគិនឈប់តាមដានប្រព័ន្ធព័ត៌មានផ្ទាល់កំពុងជួញដូរនេះ
ត្រូវធ្វើការចាកចេញពីកម្មវិធីដោយចុចទៅលើឈ្មោះរបស់
អតិថិជន/វិនិយោគិន ដែលបង្ហាញជាភាសាអង់គ្លេសនៅខាងលើ
រួចចុចពាក្យថាចាកចេញ ។ ក្នុងករណីមិនអនុវត្តតាមវិធីនេះ
ប្រព័ន្ធនឹងធ្វើការបិទមិនឲ្យចូលរយៈពេល ១៥នាទី
ហើយផុតរយៈពេលនេះទើបអាចចូលប្រព័ន្ធសារឡើងវិញបាន ។
អេស៊ីលីដា ស៊ីឃ្យួរឹធី ផ្តល់ព័ត៌មានទាន់សម័យដើម្បីភាពជោគជ័យរបស់អតិថិជន!
No comments:
Post a Comment