វិធីសាស្រ្ត ៤យ៉ាងក្នុងការបង្កើត មនោសញ្ចេតនា

បើអ្នកគិតថា អត្ថបទនេះពិតជា មានអត្ថន័យសំរាប់អ្នក សូមមេត្តាជួយចុច LIKE​ ខាងក្រោមផង។ អ្នក​មិនត្រឹម តែទទួលបាននូវអារម្មណ៏ កំសាន្តតែប៉ុណ្ណោះទេ នៅពេលដែលអ្នកចុច LIKE ថែមទាំងបាន ទទួលការ update អំពីម៉ូតសំលៀកបំពាក់ កាលីបៗ ចេញថ្មីជារៀងរាល់ថ្ងៃផងដែរ។ Khmer66.com ពិតជាមិត្តរបស់លោកអ្នក ដែលស្រលាញ់ម៉ូត និយម។

មនោសញ្ចេតនាប្រៀបដូចជាវត្ថុអរូបី។ ការពិតគ្មាននរណាដឹងពី រូបមន្តដែលអាចបង្កើតអារម្មណ៍ មនោសញ្ចេតនាបានឡើយ។ មនោសញ្ចេតនាពិត ប្រាកដទាមទារនូវការ ខិតខំប្រឹងប្រែង អនុវត្តន៍ និងការពិចារណា។
វិធីដ៏ល្អក្នុងការបង្ហាញពីអារម្មណ៍ អ្នកទៅកាន់ដៃគូគឺត្រូវមាន ការប្រថុយប្រថានបន្តិច។ ខាងក្រោមនេះជាការបង្ហាញ នូវចំនុចសំខាន់ៗ មួយចំនួនដើម្បីបង្ហាញ ពីអារម្មណ៍មនោសញ្ចេតនា របស់អ្នក។
១. យកចិត្តទុកដាក់ពីគ្នាទៅវិញទៅមក
ការជូនកាដូជាសូកូឡា ផ្កាកុលាប ឬស្ករគ្រាប់គឺជារឿងល្អ ប៉ុន្តែសូមចងចាំថាមនោសញ្ចេតនា ពិត មិនមែនគ្រាន់តែជាការជូនកាដូប៉ុណ្ណោះទេ តែវាសំដៅលើអ្នកទាំងពីរផ្ទាល់។ សូមកុំគិតថា អ្នកត្រូវការបែបនេះឬបែបនោះ ព្រោះថាការទាមទាររបស់ អ្នកអាចបណ្តាលឲ្យបាត់បង់ អារម្មណ៍មនោសញ្ចេតនា។ ខណៈពេលដែលអ្នកកំពុងមាន អារម្មណ៍រ៉ូមែនទិច អ្នកអាចប្រាប់ដៃគូ របស់អ្នកពីការយកចិត្ត ទុកដាក់របស់អ្នកចំពោះគេ ហើយគេនឹងសំដែងនូវអារម្មណ៍ រីករាយព្រមទាំងតបតមកអ្នកវិញ។ ហើយចំណងស្នេហ៍ អ្នកទាំងពីរ នឹងកាន់តែជិតស្និទ្ធ។
២. ជៀសវាងការរំខាន
អ្នកគួរតែមានគំរោងការឲ្យ បានច្បាស់លាស់មុននឹង ធ្វើអ្វីមួយដើម្បីកុំឲ្យមានការរំខាន ផ្សេងៗ។ ជាក់ស្តែង ខណៈពេលដែលអ្នកកំពុង ញុំាអាហារពេលល្ងាច ជាមួយគូស្នេហ៍ ស្រាប់តែអ្នក នឹកឃើញថាអ្នកបានណាត់ ជួបជាមួយអតិថិជនទាក់ទង នឹងការងារ ហេតុនេះអ្នកប្រាកដ ជាត្រូវចាកចេញទៅមុន បើមិនដូច្នេះទេអ្នក អាចបាត់បង់អតិថិជនរបស់អ្នក។ ដូច្នេះដើម្បីការ ពារហេតុការណ៍ជាយថាហេតុ អ្នកគប្បីរៀបចំកាលវិភាគ អ្នកឲ្យបានត្រឹមត្រូវ។
៣. ព្យាយាមរកអ្វីដែលថ្មី
ប្រសិនបើអ្នកសង្កេតឃើញថា អ្នកនិងមនុស្សសំខាន់របស់អ្នក បានរាប់អានគ្នាមកជាយូរ ប៉ុន្តែទំនាក់ទំនងអ្នកហាក់ដូច មិនរីកចំរើនទាល់តែសោះ ហេតុនេះអ្នកគួរតែស្វែងរកដំណោះ ស្រាយសំរាប់បញ្ហាទាំងនេះ។ ជាដំបូងអ្នកគប្បីប្រមូលគំនិត រួចពិចារណាលើទង្វើ អ្វីដែលអ្នកទាំងពីរមិន ទាន់សាកល្បង បន្ទាប់មកជ្រើសរើស ចំនុចណាមួយដែលអ្នក គិតថាអាចរឹតចំណងស្នេហ៍ឡើងវិញ។ ព្យាយាមអនុវត្តនូវទង្វើទាំងនោះ ដើម្បីរក្សាទំនាក់ទំនងរបស់អ្នក និងបង្កើត បរិយាកាសរ៉ូមែនទិច។
៤. បង្កើតគំនិតច្នៃប្រឌិត
ទោះបីជាអ្នកមិនមែនជាកវី អ្នកនិពន្ធ ឬអ្នកគូររូប ប៉ុន្តែយើងទាំងអស់គ្នា សុទ្ធតែមានគំនិត ច្នៃប្រឌិតមិនថាតិចឬច្រើន ហើយជាលទ្ធផលវាអាចជម្រុញ ឲ្យទំនាក់ទំនងអ្នកប្រសើរឡើងវិញ។ ប្រសិនបើអ្នកដឹងថាអ្នក ជាមនុស្សមានទេពកោសល្យ ពិសេសអ្វីមួយនោះ ដូចជាជំនាញខាងសរសេរ ឬគូររូប អ្នកអាចអនុវត្តនូវទេពកោសល្យ របស់អ្នកចំពោះដៃគូ។ ឧទាហរណ៍: ប្រសិនបើអ្នកពូកែខាង កាត់ក្រដាសជារូបភាព អ្នកអាចកាត់ជាផ្កា ឬសត្វអ្វីមួយដែលជាឆ្នាំកំណើត របស់ដៃគូអ្នក។ អ្វីដែលសំខាន់នោះ គឺធ្វើឲ្យគូស្នេហ៍អ្នកដឹងថា អ្នកកំពុងគិតដល់គេ ហើយអ្វីៗដែលអ្នកបានប្រឹងប្រែង ធ្វើទាំងប៉ុន្មានគឺគ្រាន់តែ ចង់ឲ្យគេរីករាយ។