គិតត្រឹមថ្ងៃទី ២៦ ខែកញ្ញាឆ្នាំ ២០០៩ ក្នុងចំណោមកុំព្យូទ័រដែលចេញលក់លើទីផ្សារទាំងអស់ មានកុំព្យូទ័រ ២៩.២% ប្រើ Motherboard របស់ ASUS ដែលជាហេតុធ្វើឲ្យចំណូលក្រុមហ៊ុនកើនដល់ ២១.២ ពាន់លានដុល្លារអាមេរិក។
ASUS ធ្លាប់ជាប់ឈ្មោះនៅក្នុងទស្សនាវដ្ដី Business Week ជា InfoTech 100 និងជាក្រុមហ៊ុនកំពូលទាំង ១០ របស់អាស៊ី។ រីឯ Wall Street Journal Asia បានចាត់ថ្នាក់ក្រុមហ៊ុននេះជាក្រុមហ៊ុនចំណាត់ថ្នាក់លេខ ១ ខាងគុណភាព និងសេវាកម្ម ហើយ ASUS ជាក្រុមហ៊ុននាំមុខគេខាងផ្នែករឹងទាំង ១០ នៅតៃវ៉ាន់ក្នុងឆ្នាំ ២០០៨ ដោយមានតម្លៃស្លាកសញ្ញាសរុប ១.៣២៤ ពាន់លានដុល្លារ។
ប្រវត្តិ
នៅថ្ងៃទី ២ ខែមេសា ឆ្នាំ ១៩៩០ ASUS ត្រូវបានបង្កើតឡើងដោយ TH Tung, Ted Hsu, Wayne Hsieh និង MT Liao នៅក្រុងតៃប៉ិ ប្រទេសតៃវ៉ាន់ ហើយស្ថាបនិកទាំងបួននាក់សុទ្ធតែជាវិស្វករកុំព្យូទ័របម្រើការងារ ឲ្យក្រុមហ៊ុន Acerទាំងអស់។ ក្រុមហ៊ុននេះបានបកស្រាយស្លាកសញ្ញារបស់ខ្លួនថាពាក្យ ASUS កើតចេញមកពីពាក្យ Pegasus។ ក្រោយមកក្រុមហ៊ុនក៏សម្រេចដាក់ឈ្មោះដោយប្រើតែអក្សរបួនតួ ប៉ុណ្ណោះដើម្បីឲ្យវាស្ថិតនៅលើគេតាមអក្សរបាន។
នៅឆ្នាំ ២០០៨ ចំនួនកុំព្យូទ័រដែលចេញលក់ដោយ ASUS, Elitegroup Computer System (ECS), Gigabyte Technology និង Micro-Star International (MSI) សរុបមាន ១០៤.៨៦ លានគ្រឿង ដែលក្នុងនោះ ASUS នាំមុខគេក្នុងចំនួន ៥២ លានគ្រឿង តាមពីក្រោយដោយ ECS មានចំនួន ២០ លានគ្រឿង បន្ទាប់មក MSI មានចំនួន ១៨ លានគ្រឿង និង Gigabyte ១៦.៦ លានគ្រឿង។
ទំនាក់ទំនងជាមួយ Intel
នៅដើមឆ្នាំ ២០០០ ក្រុមហ៊ុនផលិត Motherboard ដែលមានមូលដ្ឋាននៅតៃវ៉ាន់មិនទាន់មានតួនាទីធំនៅក្នុងពាណិជ្ជកម្ម Hardware កុំព្យូទ័រនៅឡើយទេ។ ក្រុមហ៊ុន Intel បានបោះជំហានមុន និងបានផ្គត់ផ្គង់ Processor ថ្មីៗទៅកុំព្យូទ័រជាច្រើនដូចជា IBM ជាដើម ប៉ុន្តែ ASUS ត្រូវរង់ចាំរយៈពេលប្រមាណ ៦ ខែបន្ទាប់ពី IBM ទទួលគំរូដើមរបស់គេ។ នៅឆ្នាំ ២០០៩ ASUS បានទទួលគំរូវិស្វកម្មពីក្រុមហ៊ុន Intel។ នេះដែលធ្វើឲ្យ ASUS បានក្លាយជាអ្នកគាំទ្រសំខាន់លើគំនិតច្នៃប្រឌិតរបស់ Intel។
កំណែទម្រង់រចនាសម្ព័ន្ធ
នៅខែមករា ឆ្នាំ ២០០៧ ASUS ចាប់ផ្ដើមកែទម្រង់ប្រតិបត្តិការរបស់ខ្លួន។ ក្រុមហ៊ុននេះបានបំបែកទៅជាបីផ្នែកសំខាន់ៗដូចជា ASUS, Pegatron, និង Unihan Corporation។ ASUS ជាស្លាកសញ្ញាសម្រាប់កុំព្យូទ័រ។ Pegatron ជាអ្នកផលិត Motherboards និងផ្នែកផ្សេងៗ ហើយ Unihan Corporation ជាអ្នកផលិតផលិតផលមិនមែនសម្រាប់កុំព្យូទ័រ។ នៅខែមករា ឆ្នាំ ២០០៨ Pegatron បានទិញយក Unihan Corporation ពី ASUS។ នៅក្នុងកំណែទម្រង់រចនាសម្ព័ន្ធនេះ បានធ្វើឲ្យមានការរិះគន់ជាច្រើនព្រោះក្រុមហ៊ុនត្រូវចំណាយរាល់ វិភាគទានដែលបុគ្គលិកចូលរួមទាំងអស់។
Open Handset Alliance
នៅថ្ងៃទី ៩ ខែធ្នូឆ្នាំ ២០០៨ Open Handset Alliance បានប្រកាសថាក្រុមហ៊ុន ASUSTek Computer Inc. បានក្លាយជាសមាជិកថ្មីមួយក្នុងចំណោមសមាជិកថ្មីទាំង ១៤។ សមាជិកថ្មីទាំងនេះនឹងត្រូវត្រូវផលិត Device សម្រាប់ Android ចូលរួមផ្ញើកូដទៅឲ្យគម្រោង Android Open Source ឬគាំទ្រប្រព័ន្ធប្រតិបត្តិការមួយនេះសម្រាប់ផលិតផលនិងសេវាកម្ម ផ្សេងៗ ដែលអាចជួយឲ្យ Device ប្រើ Android មានការកើនឡើង។
សកម្មភាពសំខាន់ៗ-ខែកញ្ញាឆ្នាំ ២០០៥ បានបញ្ចេញ PhysX accelerator card លើកដំបូង
-ខែធ្នូឆ្នាំ ២០០៥ ឈានជើងចូលក្នុងទីផ្សារទូរទស្សន៍ LCD ជាមួយសេរី TLW32001 ដែលដំបូងមាននៅនៅទីផ្សារតៃវ៉ាន់ប៉ុណ្ណោះ
-ខែមករា ឆ្នាំ ២០០៦ ASUS ប្រកាសសហការជាមួយ Lamborghini ផលិតសេរី VX
-ថ្ងៃទី ៩ ខែមិនាឆ្នាំ ២០០៦ ASUS ត្រូវបានប្រកាសជាក្រុមហ៊ុនផលិត Microsoft Origami ដំបូងមួយក្នុងចំណោមក្រុមហ៊ុនផ្សេងទៀតដូចជា Samsung និង Founder Technology
-ថ្ងៃទី ៨ ខែសីហា ឆ្នាំ ២០០៦ ASUS ប្រកាសការសហការជាមួយ Gigabyte Technology
-ថ្ងៃទី ៥ ខែមិថុនា ឆ្នាំ ២០០៧ ASUS ប្រកាស Eee PC នៅ COMPUTEX Taipei 2007
-ថ្ងៃទី ៩ ខែកញ្ញា ឆ្នាំ ២០០៧ ASUS គាំទ្រ Blu-ray ដោយបានប្រកាសចេញ BD-ROM/DVD writer PC drive, BC-1205PT។ ការបញ្ចេញកុំព្យូទ័រយួរដៃដែលអាចបើក Blu-ray ក៏មានជាបន្តបន្ទាប់
-ថ្ងៃទី ៣១ ខែតុលាឆ្នាំ ២០០៧ ASUS សម្ពោធទូរស័ព្ទ PDA/SmartPhone នៅទីផ្សារចក្រភពអង់គ្លេស
-ថ្ងៃទី ៣ ខែ មករា ឆ្នាំ ២០០៨ ASUS បំបែកខ្លួនជាផ្លូវការទៅជា ASUSTek, Pegatron និង Unihan
-ខែឧសភា ឆ្នាំ ២០០៨ រកឃើញថា ASUS A8N32-SLI Deluxe មានអាចប្រើ Windows XP SP3
-ថ្ងៃទី ២២ ខែសីហា ឆ្នាំ ២០០៨ ធ្លាយពណ៌មានលម្អិតរបស់ N10 តាមអ៊ីនធឺណិត
-ខែធ្នូ ឆ្នាំ ២០០៨ ASUS បញ្ចេញ beta BIOS update ដែលដោះស្រាយលើបញ្ហារបស់ ASUS A8N32-SL Deluxe
-ថ្ងៃទី១ ខែមិថុនា ឆ្នាំ ២០១០ ASUS ផ្ដាច់ Pegatron Corp ចេញ
-ខែធ្នូ ឆ្នាំ២០១០ ASUS មានកុំព្យូទ័រយួរដៃស្ដើងបំផុតលើលោក ASUS U36 ដែលប្រើ Processor របស់ Intel Core i3 ឬ Core i5 ហើយកម្រាស់របស់វាត្រឹមតែ ១៩ ម.ម។
ផលិតផល
ផលិតផលរបស់ក្រុមហ៊ុន ASUS មានដូចជា motherboards, graphics cards, sound cards, optical disc drives, PDAs, monitor កុំព្យូទ័រ, កុំព្យូទ័រយួរដៃ, Servers, computer networking devices, ទូរស័ព្ទដៃ, កេសកុំព្យូទ័រ, ផ្នែកកុំព្យូទ័រ និង ប្រព័ន្ធរក្សាកម្ដៅកុំព្យូទ័រ។ ក្រុមហ៊ុននេះក៏មានបច្ចេកវិទ្យា motion sensing technology នៅក្នុង ASUS Wavi ដែលធ្វើកុំព្យូទ័រមាន PC។
ផលិតផលរបស់ក្រុមហ៊ុន ASUS មានដូចជា motherboards, graphics cards, sound cards, optical disc drives, PDAs, monitor កុំព្យូទ័រ, កុំព្យូទ័រយួរដៃ, Servers, computer networking devices, ទូរស័ព្ទដៃ, កេសកុំព្យូទ័រ, ផ្នែកកុំព្យូទ័រ និង ប្រព័ន្ធរក្សាកម្ដៅកុំព្យូទ័រ។ ក្រុមហ៊ុននេះក៏មានបច្ចេកវិទ្យា motion sensing technology នៅក្នុង ASUS Wavi ដែលធ្វើកុំព្យូទ័រមាន PC។
No comments:
Post a Comment