តើលោកអ្នក តែងតែជួបប្រទះ ក្នុងការពិបាកសរសេរ ប្រវត្តិរូបសង្ខេប ឬហៅម្យ៉ាងទៀត ថាCV ដែរឬទេ? ដើម្បីជាគន្លឹះមួយសម្រាប់ជាភាពងាយស្រួល ដល់លោកអ្នកក្នុងការ សរសេរប្រវត្តិរូប ក៏ដូចជាCVបានល្អនោះ ពេលនេះផបហ្សូនអាស៊ីនិងលើកយកនូវគន្លឹះមួយចំនួនក៏ដូចជាផ្តល់ជាយោបល់ជូនដល់លោកអ្នកផងដែរ។
ប្រវត្តិរូបសង្ខេបឬត្រូវបានគេស្គាល់ជាទូទៅថាCV(CurriculumVitae) នោះគឺជាទម្រង់នៃឯកសារស្តីអំពីប្រវត្តិនៃការសិក្សានិងមុខជំនាញ របស់បុគ្គលដែលជាទូទៅវាត្រូវបានរៀបចំឡើងដើម្បីប្រើប្រាស់ក្នុងគោ លបំណង ផ្សេងៗជាពិសេសគេប្រើវាដើម្បីដាក់ពាក្យចូលធ្វើការងារ។ CV គឺជាឯកសារទាក់ម៉ូយសម្រាប់ លោក អ្នក លក់នូវចំណេះដឹង ជំនាញ សមត្ថភាព គុណសម្បត្តិ និងបទពិសោធន៍ឱ្យទៅនយោជកឬថៅកែ។ ដូច្នេះវាមានសារៈសំខាន់ខ្លាំងណាស់សម្រាប់ លោកអ្នកឈានជើងកាន់តំណែងការងារឬការងារដែលលោកអ្នកប្រាថ្នា។ហេតុនេះ ការសសរCVល្អ ជួយឱ្យលោក អ្នក មានឱកាសច្រើនក្នុងការសម្រេចបំណងនេះ។ ប៉ុន្តែបញ្ហាដែលតែងចោទឡើងនោះគឺថា តើធ្វើដូចម្តេច ទើបយើងអាចសរសេរ CV បានល្អទៅ? ចូរចងចាំថា នយោជក ភាគច្រើនចំណាយប្រហែលតែ ៤៥វិនាទីប៉ុណ្ណោះក្នុងការមើលត្រួសៗ ថាតើ CV របស់លោក អ្នក «ចាប់អារម្មណ៍ឬមិនចាប់អារម្មណ៍»។
ខាងក្រោមនេះ គឺគន្លឹះមួយចំនួនដើម្បីរៀបចំ CV របស់លោកអ្នកឱ្យបានជាចាប់អារម្មណ៍ពីសំណាក់នយោជក ឬថៅកែ៖
• ដំបូងត្រូវសរសេរបញ្ជាក់ឱ្យច្បាស់ៗ ទៅលើការងារ ឬតំណែងណាមួយ ដែលលោក អ្នកចង់ដាក់ពាក្យសុំហើយបង្ហាញពីជំនាញរបស់លោកអ្នកដែលពាក់ព័ន្ធ ទៅនឹងការងារទាំងនោះ។
• ចូរសរសេរវាដោយប្រុងប្រយ័ត្ននិងផ្ចិតផ្ចង់ក្នុងកម្រិតខ្ពស់បំផុត តាមតែអាចធ្វើទៅបានដោយរៀបវាឱ្យទៅតាមលំដាប់លំដោយ ងាយស្រួលអាន និងមានសណ្តាប់ធ្នាប់។
• បន្ទាប់មក ប្រាប់ព័ត៌មានទាំងឡាយពីខ្លួនយើង តែត្រូវសង្ខេបវាឱ្យខ្លី ហើយងាយអាន។
• ត្រូវប្រាកដថា រាល់ព័ត៌មានទាំងឡាយដែលបានបង្ហាញក្នុង CVសុទ្ធតែមានត្រឹមត្រូវ ហើយត្រូវពិនិត្យអក្ខរាវិរុទ្ធនិងវេយ្យោករណ៍ឱ្យត្រឹមត្រូវ ពិសេសគឺបើលោក អ្នក ប្រាប់ថា លោកអ្នកមានជំនាញផ្នែកភាសានោះ ត្រូវសរសេរអក្ខរាវិរុទ្ធ និងវេយ្យោករណ៍ឱ្យបានត្រឹមត្រូវជាទីបំផុតតាមតែអាចធ្វើទៅបាន។
• ចំណុចចុងក្រោយ ប្រសិនបើលោក អ្នក សង្កេតឃើញ CV ណាមួយរបស់លោក អ្នកតែងតែទទួលបានជោគជ័យ រាល់ពេលដាក់ពាក្យធ្វើការងារនោះយកល្អគួរយកធ្វើវាទុកជាគំរូ សម្រាប់ប្រើប្រាស់លើកក្រោយទៀត ផ្ទុយទៅវិញ ប្រសិនបើវាមិនជោគជ័យទេនោះ គួរប្តូរវា រហូតទាល់តែទទួលបានជោគជ័យ៕
ប្រសិនវាតែងតែជួយបរាជ័យនោះ គួរសុំមើលគំរូ និងយោបល់ពីអ្នកដែលជោគជ័យ ដោយលោកអ្នក និយាយថា ប្រសិនបើអ្នក ប្រើគំរូនេះ នៅក្នុងទំព័រនេះ ជាចំណុចចាប់ផ្តើមអ្នក គឺមិនសូវជាមើលទៅខុសប៉ុន្មាននោះទេ៕ ផបហ្សូនអាស៊ី សង្ឃឹមថានូវពេលលោកអ្នក បានទទួល គន្លឹះសំខាន់ៗ ក្នុងការសរសេរប្រវត្តិរូប ឬCV ពីផបហ្សូន អាស៊ី លោកអ្នកនិងទទួលបានភាពជោគជ័យក្នុងការដាក់ពាក្យធ្វើការងារ។
No comments:
Post a Comment